ຊ່ຽວຊານສະຖາບັນການເງິນສະພາບັນດິດວິທະຍາສາດສັງຄົມຈີນເຫັນວ່າ ການເນັ້ນໜັກກຳລັງຂອງຕະໜາດເປັນສິ່ງຕັດສິນການຈັດສັນຊັບພະຍາກອນເປັນຈຸດເດັ່ນທີ່ສຸດຂອງກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນ
(GMT+08:00) 2013-11-15 16:38:25 cri
ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນໄດ້ຄົ້ນຄວ້າພິຈາລະນາແລະຜ່ານຮັບຮອງຂໍ້ຕົກລົງຂອງສູນກາງພັກຄອມມູນິດຈີນກ່ຽວກັບຫຼາຍບັນຫາສຳຄັນຂອງການລົງເລິກການປະຕິຮູບຢ່າງຮອບດ້ານ, ຊຶ່ງໄດ້ວາງແຜນໂຄງຮ່າງກ່ຽວກັບການປະຕິຮູບ ໄຂປະຕູສູ່ພາຍນອກແລະການພັດທະນາຂອງຈີນໃນໄລຍະອີກ 10 ປີຕໍ່ໜ້າ, ບົດປະກາດແຈ້ງຂ່າວໄດ້ກ່າວເນັ້ນວ່າ, ການປະຕິຮູບໂຄງປະກອບເສດຖະກິດແມ່ນຈຸດສຸມຂອງການລົງເລິກການປະຕິຮູບຢ່າງຮອບດ້ານ. ທ່ານຫວາງໂກວກ່າງ ຫົວໜ້າສະຖາບັນຄົ້ນຄວ້າການເງິນຂອງສະພາບັນດິດວິທະຍາສາດສັງຄົມຈີນກ່າວວ່າ, ການເນັ້ນໜັກບົດບາດລັກສະນະຕັດສິນຂອງກົນໄກຕະໜາດໃນດ້ານການຈັດສັນຊັບພະຍາກອນນັ້ນເປັນຈຸດເດັ່ນແລະມີຄວາມຄືບໜ້າໃຫຍ່ທີ່ສຸດໃນການປະຕິຮູບດ້ານເສດຖະກິດໃນຄັ້ງນີ້.
ປະກາດແຈ້ງຂ່າວຂໍ້ຕົກລົງຂອງກອງປະຊຸມຄົບຄະນະໄດ້ຊີ້ອອກວ່າ, ບັນຫາໃຈກາງຂອງການປະຕິຮູບໂຄງປະກອບເສດຖະກິດແມ່ນແກ້ໄຂການພົວພັນລະຫວ່າງພາກລັດກັບຕະຫຼາດໃຫ້ດີ, ເຮັດໃຫ້ຕະຫຼາດເສີມຂະຫຍາຍບົດບາດລັກສະນະຕັດສິນໃນການຈັດສັນຊັບພະຍາກອນແລະເສີມຂະຫຍາຍບົດບາດຂອງພາກລັດໃຫ້ມີປະສິດທິຜົນຫຼາຍກວ່າເກົ່າ. ທ່ານຫວາງໂກວກ່າງກ່າວວ່າ, ນີ້ສະແດງໃຫ້ເຫັນວ່າ, ເສັ້ນທາງຂອງການປະຕິຮູບໃນອະນາຄົດ, ຈະເນັ້ນໜັກເປັນພິເສດກ່ຽວກັບບົດບາດລັກສະນະຕັດສິນຂອງຕະຫຼາດໃນການຈັດສັນຊັບພະຍາກອນ, ຄວນເສີມຂະຫຍາຍບົດບາດຂອງຕະຫຼາດໃນການກຳນົດລາຄາ, ພາກລັດບໍ່ຄວນແຊກແຊງຕະຫຼາດ,ແລະກໍ່ບໍ່ຄວນປ່ອຍປະສິ່ງທີ່ພາກລັດຄວນເຮັດ, ກົນໄກບໍລິຫານແລະສິດບໍລິຫານໃຫ້ຕະຫຼາດເປັນຜູ້ເຮັດ.
ປະກາດແຈ້ງຂ່າວຂໍ້ຕົກລົງຂອງກອງປະຊຸມຄົບຄະນະຍັງຊີ້ອອກວ່າ, ຄວນເພີ່ມທະວີການປະສານສົມທົບກັນລະຫວ່າງການອອກແບບຈາກຂັ້ນເທິງກັບການເຮັດໄປນຳຖອດຖອນບົດຮຽນໄປນຳ, ການຊຸກຍູ້ໂດຍລວມແລະການມີຄວາມກ້າວໜ້າໃນຈຸດສຸມຕ່າງໆໃຫ້ຊ່ວຍຊູຍູ້ໜູນກັນ, ການໂຮມສູນຄວາມຮັບຮູ້ທີ່ເປັນເອກະສັນກັນຢ່າງກວ້າງຂວາງ, ແລ້ວກາຍເປັນກຳລັງສັງລວມໃນການຊຸກຍູ້ການປະຕິຮູບ. ຕໍ່ ເລື່ອງນີ້, ທ່ານຫວາງໂກວກ່າງເຫັນວ່າ, ໃນລະບົບໃຫຍ່ຂອງທົ່ວປະເທດ, ມີບາງສິ່ງບາງຢ່າງແມ່ນສາມາດເຮັດໄປກ່ອນໄດ້ໂດຍຖືເປັນຈຸດບຸກທະລຸ, ແຕ່ຖ້າຫາກດຳເນີນການປະຕິຮູບໂຄງປະກອບເສດຖະກິດໄປກ່ອນ, ແຕ່ການປະຕິຮູບໂຄງປະກອບສັງຄົມ,ວັດທະນະທຳ,ການເມືອງ,ໂຄງປະກອບນິເວດວິທະຍາບໍ່ສາມາດປະຕິບັດຢ່າງຖ່ວງທັນໄດ້, ຄັນຊັ້ນ, ການປະຕິຮູບໂຄງປະກອບເສດຖະກິດແນວນີ້ກໍ່ບໍ່ສາມາດປະຕິບັດຕໍ່ໄປໄດ້. ທ່ານຊີ້ອອກວ່າ, ຄຽງຄູ່ກັບການພັດທະນາຂອງເສດຖະກິດສັງຄົມຂອງຈີນ, ນອກຈາກການປະຕິຮູບໂຄງປະກອບເສດຖະກິດແລ້ວ, ກໍຄວນມີການປະຕິຮູບໂຄງປະກອບການເມືອງ,ການປະຕິຮູບໂຄງປະກອບການຄຸ້ມຄອງສັງຄົມແລະການປະຕິຮູບດ້ານອະລິຍະທຳນິເວດວິທະຍາ. ຫາກມີສາຍຕາທີ່ຈຳກັດແຕ່ດ້ານການປະຕິຮູບໂຄງປະກອບເສດຖະກິດເທົ່ານັ້ນແມ່ນບໍ່ພຽງພໍ, ຍັງຕ້ອງການຈັດວາງການປະຕິຮູບເຫຼົ່ານີ້ຢ່າງຮອບດ້ານແລະເປັນເອກະພາບກັນຈາກລະດັບສູງກວ່າເກົ່າ.ສະນັ້ນ, ຄວາມຮອບດ້ານຂອງການປະຕິຮູບໃນປັດຈຸບັນແມ່ນສຳຄັນກວ່າຜ່ານມາຢ່າງຫຼວງຫຼາຍ.
ປະກາດແຈ້ງຂ່າວຂໍ້ຕົກລົງຂອງກອງປະຊຸມຄົບຄະນະໄດ້ຊີ້ອອກວ່າ, ບັນຫາໃຈກາງຂອງການປະຕິຮູບໂຄງປະກອບເສດຖະກິດແມ່ນແກ້ໄຂການພົວພັນລະຫວ່າງພາກລັດກັບຕະຫຼາດໃຫ້ດີ, ເຮັດໃຫ້ຕະຫຼາດເສີມຂະຫຍາຍບົດບາດລັກສະນະຕັດສິນໃນການຈັດສັນຊັບພະຍາກອນແລະເສີມຂະຫຍາຍບົດບາດຂອງພາກລັດໃຫ້ມີປະສິດທິຜົນຫຼາຍກວ່າເກົ່າ. ທ່ານຫວາງໂກວກ່າງກ່າວວ່າ, ນີ້ສະແດງໃຫ້ເຫັນວ່າ, ເສັ້ນທາງຂອງການປະຕິຮູບໃນອະນາຄົດ, ຈະເນັ້ນໜັກເປັນພິເສດກ່ຽວກັບບົດບາດລັກສະນະຕັດສິນຂອງຕະຫຼາດໃນການຈັດສັນຊັບພະຍາກອນ, ຄວນເສີມຂະຫຍາຍບົດບາດຂອງຕະຫຼາດໃນການກຳນົດລາຄາ, ພາກລັດບໍ່ຄວນແຊກແຊງຕະຫຼາດ,ແລະກໍ່ບໍ່ຄວນປ່ອຍປະສິ່ງທີ່ພາກລັດຄວນເຮັດ, ກົນໄກບໍລິຫານແລະສິດບໍລິຫານໃຫ້ຕະຫຼາດເປັນຜູ້ເຮັດ.
ປະກາດແຈ້ງຂ່າວຂໍ້ຕົກລົງຂອງກອງປະຊຸມຄົບຄະນະຍັງຊີ້ອອກວ່າ, ຄວນເພີ່ມທະວີການປະສານສົມທົບກັນລະຫວ່າງການອອກແບບຈາກຂັ້ນເທິງກັບການເຮັດໄປນຳຖອດຖອນບົດຮຽນໄປນຳ, ການຊຸກຍູ້ໂດຍລວມແລະການມີຄວາມກ້າວໜ້າໃນຈຸດສຸມຕ່າງໆໃຫ້ຊ່ວຍຊູຍູ້ໜູນກັນ, ການໂຮມສູນຄວາມຮັບຮູ້ທີ່ເປັນເອກະສັນກັນຢ່າງກວ້າງຂວາງ, ແລ້ວກາຍເປັນກຳລັງສັງລວມໃນການຊຸກຍູ້ການປະຕິຮູບ. ຕໍ່ ເລື່ອງນີ້, ທ່ານຫວາງໂກວກ່າງເຫັນວ່າ, ໃນລະບົບໃຫຍ່ຂອງທົ່ວປະເທດ, ມີບາງສິ່ງບາງຢ່າງແມ່ນສາມາດເຮັດໄປກ່ອນໄດ້ໂດຍຖືເປັນຈຸດບຸກທະລຸ, ແຕ່ຖ້າຫາກດຳເນີນການປະຕິຮູບໂຄງປະກອບເສດຖະກິດໄປກ່ອນ, ແຕ່ການປະຕິຮູບໂຄງປະກອບສັງຄົມ,ວັດທະນະທຳ,ການເມືອງ,ໂຄງປະກອບນິເວດວິທະຍາບໍ່ສາມາດປະຕິບັດຢ່າງຖ່ວງທັນໄດ້, ຄັນຊັ້ນ, ການປະຕິຮູບໂຄງປະກອບເສດຖະກິດແນວນີ້ກໍ່ບໍ່ສາມາດປະຕິບັດຕໍ່ໄປໄດ້. ທ່ານຊີ້ອອກວ່າ, ຄຽງຄູ່ກັບການພັດທະນາຂອງເສດຖະກິດສັງຄົມຂອງຈີນ, ນອກຈາກການປະຕິຮູບໂຄງປະກອບເສດຖະກິດແລ້ວ, ກໍຄວນມີການປະຕິຮູບໂຄງປະກອບການເມືອງ,ການປະຕິຮູບໂຄງປະກອບການຄຸ້ມຄອງສັງຄົມແລະການປະຕິຮູບດ້ານອະລິຍະທຳນິເວດວິທະຍາ. ຫາກມີສາຍຕາທີ່ຈຳກັດແຕ່ດ້ານການປະຕິຮູບໂຄງປະກອບເສດຖະກິດເທົ່ານັ້ນແມ່ນບໍ່ພຽງພໍ, ຍັງຕ້ອງການຈັດວາງການປະຕິຮູບເຫຼົ່ານີ້ຢ່າງຮອບດ້ານແລະເປັນເອກະພາບກັນຈາກລະດັບສູງກວ່າເກົ່າ.ສະນັ້ນ, ຄວາມຮອບດ້ານຂອງການປະຕິຮູບໃນປັດຈຸບັນແມ່ນສຳຄັນກວ່າຜ່ານມາຢ່າງຫຼວງຫຼາຍ.
