ທ່ານເມີ້ງຈ້ຽນຈູ້ພົບປະກັບທ່ານໂກໂກ ລັດຖະມົນຕີວ່າການກະຊວງວຽກງານພາຍໃນມຽນມາ
(GMT+08:00) 2013-11-15 16:14:25 cri
ທ່ານເມີ້ງຈ້ຽນຈູ້ພົບປະກັບທ່ານໂກໂກ ລັດຖະມົນຕີວ່າການກະຊວງວຽກງານພາຍໃນມຽນມາ
ວັນທີ 14 ພະຈິກນີ້, ຢູ່ນະຄອນຫຼວງປັກກິ່ງຂອງຈີນ ທ່ານເມິ້ງຈ້ຽນຈູ້ ກຳມະການກົມການເມືອງສູນກາງພັກຄອມມູນິດຈີນ ເລຂາທິການຄະນະກຳມະການການເມືອງແລະກົດໝາຍສູນກາງຈີນໄດ້ພົບປະກັບທ່ານໂກໂກ ລັດຖະມົນຕີວ່າການກະຊວງວຽກງານພາຍໃນມຽນມາທີ່ເດີນທາງມາເຂົ້າຮ່ວມກອງປະຊຸມລະດັບລັດຖະມົນຕີວ່າດ້ວຍການປະຕິບັດກົດໝາຍແລະການຮ່ວມມືດ້ານການປ້ອງກັນຄວາມສະຫງົບຄັ້ງທີ 4 ລະຫວ່າງຈີນ-ມຽນມາ.
ທ່ານເມິ້ງຈ້ຽນຈູ້ກ່າວວ່າ, ຈີນແລະມຽນມາຂະຫຍາຍການພົວພັນຄູ່ຮ່ວມມືທີ່ມີໄມຕີຈິດມິດຕະພາບລະຫວ່າງສອງຝ່າຍບົນພື້ນຖານ 5 ຫຼັກການຢູ່ຮ່ວມກັນໂດຍສັນຕິ, ການຮ່ວມມືດ້ານການປະຕິບັດກົດໝາຍແລະປ້ອງກັນຄວາມສະຫງົບຂອງສອງປະເທດໄດ້ຮັບປະສິດທິຜົນຢ່າງຈະແຈ້ງ. ຫວັງວ່າສອງຝ່າຍຈະຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນຂອງຜູ້ນຳສອງປະເທດຢ່າງຕັ້ງໜ້າ, ລົງເລິກການຮ່ວມມືດ້ານການປະຕິບັດກົດໝາຍແລະປ້ອງກັນຄວາມສະຫງົບທີ່ແທ້ຈິງ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຂອງສອງປະເທດໃຫ້ຂະຫຍາຍຕົວໄປໜ້າ.
ທ່ານໂກໂກກ່າວວ່າ, ມຽນມາໃຫ້ຄວາມສຳຄັນຕໍ່ການພົວພັນໄມຕີຈິດມິດຕະພາບກັບຈີນ, ຍິນດີຍົກລະດັບການຮ່ວມມືດ້ານການປະຕິບັດກົດໝາຍແລະປ້ອງກັນຄວາມສະຫງົບຂອງສອງປະເທດໃຫ້ສູງຂຶ້ນຕື່ມອີກ.
