ນັກວິຊາການສະຖາບັນດິດວິທະຍາສາດສັງຄົມຈີນກ່າວວ່າ:ຂໍ້ຕົກລົງທີ່ໄດ້ຮັບການອະນຸມັດໃຫ້ຜ່ານຢູ່ໃນກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນແມ່ນສອດຄ່ອງກັບຄວາມປາຖະໜາຂອງປະຊາຊົນ
(GMT+08:00) 2013-11-15 16:38:01 cri
ນັບແຕ່ດຳເນີນການປະຕິຮູບແລະໄຂປະຕູສູ່ພາຍນອກຂອງຈີນເປັນເວລາ 30 ກວ່າປີເປັນຕົ້ນມາ, ເສດຖະກິດຂອງຈີນໄດ້ຮັບການພັດທະນາທີ່ເປັນພື້ນຖານ, ພາຍໃຕ້ສະພາບການແບບນີ້, ທິດທາງຂອງການປະຕິຮູບຂອງຈີນໃນອີກ 10 ປີຂ້າງໜ້າຈະເປັນແນວໃດ, ຈະເລືອກທິດທາງໃດ? ແມ່ນບັນຫາທີ່ໜ້າສົນໃຈຫຼາຍຕໍ່ປະຊາຊົນທົ່ວປະເທດກໍ່ຄືປະຊາຊົນຂອງໂລກ. ທ່ານພ່ານເຈ່ຍຮວາ ຫົວໜ້າສະຖາບັນຄົ້ນຄວ້າການພັດທະນາຕົວເມືອງແລະການອະນຸລັກສິ່ງແວດລ້ອມຂອງສະຖາບັນດິດວິທະຍາສາດ ສັງຄົມຈີນເຫັນວ່າ, "ຂໍ້ຕົກລົງຂອງສູນກາງພັກຄອມມູນິດຈີນກ່ຽວກັບບັນຫາທີ່ສຳຄັນຕ່າງໆໃນການລົງເລິກການປະຕິຮູບຢ່າງຮອບດ້ານ"ທີ່ຜ່ານໃນກອງປະຊຸມຄົບຄະນະຄັ້ງນີ້ໄດ້ໃຫ້ຄຳຕອບທີ່ຈະແຈ້ງທີ່ສຸດແລ້ວ, ໄດ້ຕອບສະໜອງຄວາມປາຖະໜາຂອງປະຊາຊົນ, ສອດຄ່ອງກັບຄາດໝາຍຂອງປະຊາຊົນ.
ສຳລັບຂົງເຂດການອະນຸລັກສິ່ງແວດລ້ອມແລ້ວ, ທ່ານພ່ານເຈ່ຍຮວາເຫັນວ່າໃນ "ຂໍ້ຕົກລົງ"ສະບັບດັ່ງກ່າວມີການບຸກທະລຸທີ່ໃຫຍ່ຫຼວງທີ່ສຸດຈຳນວນໜຶ່ງ, ກອງປະຊຸມໄດ້ເນັ້ນໜັກເປັນພິເສດໃຫ້ສ້າງລະບຽບການອະລິຍະທຳນິເວດວິທະຍາ, ຈັດລະບຽບການອະລິຍະທຳນິເວດວິທະຍາເຂົ້າໃນເອກະສານຂອງກອງປະຊຸມຄົບຄະນະໃນຖານະເປັນເນື້ອໃນທີ່ສຳຄັນທີ່ສຸດ, ແລະສະເໜີບັນຫາ "ເສັ້ນສີແດງແຫ່ງນິເວດວິທະຍາ"ຢ່າງຈະແຈ້ງ. ຍ້ອນວ່າຈີນມີຄວາມຂາດເຂີນໃນດ້ານຊັບພະຍາກອນ, ການທຳລາຍສິ່ງແວດລ້ອມແລະສະພາບແວດລ້ອມເປັນມົນລະມິດຢູ່ໃນສະພາບການທີ່ບໍ່ດີທີ່ຮຸນແຮງສົມຄວນ, ຊີວິດການເປັນຢູ່ແລະການພັດທະນາຂອງປະຊາຊົນລ້ວນແຕ່ໄດ້ຮັບສິ່ງກີດຂວາງແລະໄດ້ຮັບຜົນກະທົບຢ່າງໜັກໜ່ວງ, ພາຍໃຕ້ສະພາບການແບບນີ້, ການວາງ "ເສັ້ນສີແດງແຫ່ງນິເວດວິທະຍາ"ມີຄວາມໝາຍອັນໃຫຍ່ຫຼວງຫຼາຍ.
ນອກນີ້, "ຂໍ້ຕົກລົງ"ດັ່ງກ່າວຍັງໄດ້ເນັ້ນໜັກໃຫ້ປະຕິຮູບໂຄງປະກອບຄຸ້ມຄອງສະພາບແວດລ້ອມນິເວດວິທະຍາ, ທ່ານພ່ານເຈ່ຍຮວາເຫັນວ່າ, ຕົ້ນຕໍລວມມີ 3 ດ້ານ: ໜຶ່ງແມ່ນສືບຕໍ່ເສີມຂະຫຍາຍບົດບາດຕັດສິນຂອງຕະຫຼາດໃນການຈັດສັນຊັບພະຍາກອນ; ສອງແມ່ນຄວນເພີ່ມທະວີ ແລະປັບປຸງບົດບາດຂອງລັດຖະບານໃຫ້ດີຂຶ້ນ; ສາມແມ່ນຕ້ອງຈັດວາງການສ້າງສາລະບອບກົດໝາຍ,ກົນໄກແລະໂຄງປະກອບ, ມີແຕ່ພາຍໃຕ້ໂຄງປະກອບແລະກົນໄກທີ່ເປັນລະບຽບຮຽບຮ້ອຍ, ຕະຫຼາດແລະລັດຖະບານຈຶ່ງສາມາດເສີມຂະຫຍາຍບົດບາດຂອງຕົນຢ່າງຈະແຈ້ງແລະມີປະສິດທິຜົນໄດ້.
ສຳລັບຂົງເຂດການອະນຸລັກສິ່ງແວດລ້ອມແລ້ວ, ທ່ານພ່ານເຈ່ຍຮວາເຫັນວ່າໃນ "ຂໍ້ຕົກລົງ"ສະບັບດັ່ງກ່າວມີການບຸກທະລຸທີ່ໃຫຍ່ຫຼວງທີ່ສຸດຈຳນວນໜຶ່ງ, ກອງປະຊຸມໄດ້ເນັ້ນໜັກເປັນພິເສດໃຫ້ສ້າງລະບຽບການອະລິຍະທຳນິເວດວິທະຍາ, ຈັດລະບຽບການອະລິຍະທຳນິເວດວິທະຍາເຂົ້າໃນເອກະສານຂອງກອງປະຊຸມຄົບຄະນະໃນຖານະເປັນເນື້ອໃນທີ່ສຳຄັນທີ່ສຸດ, ແລະສະເໜີບັນຫາ "ເສັ້ນສີແດງແຫ່ງນິເວດວິທະຍາ"ຢ່າງຈະແຈ້ງ. ຍ້ອນວ່າຈີນມີຄວາມຂາດເຂີນໃນດ້ານຊັບພະຍາກອນ, ການທຳລາຍສິ່ງແວດລ້ອມແລະສະພາບແວດລ້ອມເປັນມົນລະມິດຢູ່ໃນສະພາບການທີ່ບໍ່ດີທີ່ຮຸນແຮງສົມຄວນ, ຊີວິດການເປັນຢູ່ແລະການພັດທະນາຂອງປະຊາຊົນລ້ວນແຕ່ໄດ້ຮັບສິ່ງກີດຂວາງແລະໄດ້ຮັບຜົນກະທົບຢ່າງໜັກໜ່ວງ, ພາຍໃຕ້ສະພາບການແບບນີ້, ການວາງ "ເສັ້ນສີແດງແຫ່ງນິເວດວິທະຍາ"ມີຄວາມໝາຍອັນໃຫຍ່ຫຼວງຫຼາຍ.
ນອກນີ້, "ຂໍ້ຕົກລົງ"ດັ່ງກ່າວຍັງໄດ້ເນັ້ນໜັກໃຫ້ປະຕິຮູບໂຄງປະກອບຄຸ້ມຄອງສະພາບແວດລ້ອມນິເວດວິທະຍາ, ທ່ານພ່ານເຈ່ຍຮວາເຫັນວ່າ, ຕົ້ນຕໍລວມມີ 3 ດ້ານ: ໜຶ່ງແມ່ນສືບຕໍ່ເສີມຂະຫຍາຍບົດບາດຕັດສິນຂອງຕະຫຼາດໃນການຈັດສັນຊັບພະຍາກອນ; ສອງແມ່ນຄວນເພີ່ມທະວີ ແລະປັບປຸງບົດບາດຂອງລັດຖະບານໃຫ້ດີຂຶ້ນ; ສາມແມ່ນຕ້ອງຈັດວາງການສ້າງສາລະບອບກົດໝາຍ,ກົນໄກແລະໂຄງປະກອບ, ມີແຕ່ພາຍໃຕ້ໂຄງປະກອບແລະກົນໄກທີ່ເປັນລະບຽບຮຽບຮ້ອຍ, ຕະຫຼາດແລະລັດຖະບານຈຶ່ງສາມາດເສີມຂະຫຍາຍບົດບາດຂອງຕົນຢ່າງຈະແຈ້ງແລະມີປະສິດທິຜົນໄດ້.
