ກອງປະຊຸມເຊີແນວຄັ້ງທີ 2 ກ່ຽວກັບບັນຫາຊີຣີອາດຈະຈັດຂຶ້ນໃນວັນທີ 12 ທັນວາໜ້ານີ້
(GMT+08:00) 2013-11-15 15:23:46 cri
ໜັງສືພິມວາຕັນ ກາເຊເຕຊີ ສະບັບວັນທີ 14 ພະຈິກນີ້ຂອງຊີຣີໄດ້ນຳເອົາຄວາມເວົ້າຂອງເຈົ້າໜ້າທີ່ການທູດປະເທດຕາເວັນຕົກປະຈຳນະຄອນຫຼວງປາຣີແຫ່ງຝຣັ່ງມາລາຍງານວ່າ, ຫວ່າງມໍ່ໆມານີ້, ທ່ານຈອນ ເກຣີ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ໂທລະສັບລົມກັບທ່ານລາວເຣນ ຟາບິວສ໌ ລັດຖະມົນຕີວ່າການກະຊວງການຕ່າງປະເທດຝຣັ່ງ, ໂດຍກ່າວວ່າ ສອງປະເທດອາເມລິກາແລະຣັດເຊຍຫວັງຢາກຈັດກອງປະຊຸມເຊີແນວຄັ້ງທີ 2 ກ່ຽວກັບບັນຫາຊີຣີໃນວັນທີ 12 ທັນວາໜ້ານີ້. ເຈົ້າໜ້າທີ່ການທູດຜູ້ນີ້ກ່າວວ່າ, ທ່ານບັນກີມູນ ເລຂາທິການໃຫຍ່ສະຫະປະຊາຊາດຈະເປີດເຜີຍຂ່າວດັ່ງກ່າວຢ່າງເປັນທາງການ ໃນວັນທີ 25 ພະຈິກນີ້.
ລັດຖະບານຊີຣີຍັງບໍ່ມີທ່າທີຕໍ່ເລື່ອງນີ້ເທື່ອ. ແຕ່ວ່າມີຜູ້ສັນທັດກໍລະນີຊີຣີເປີດເຜີຍວ່າ, ປັດຈຸບັນຫ່າງຈາກວັນຈັດກອງປະຊຸມເຊີແນວຄັ້ງທີ 2 ບໍ່ໄກແລ້ວ, ລັດຖະບານຊີຣີໄດ້ຕິດຕໍ່ພົວພັນກັບຣັດເຊຍເພື່ອປຶກສາຫາລືວັນເວລາແລະເນື້ອໃນຂອງກອງປະຊຸມມາໂດຍຕະຫຼອດ. ກ່ຽວກັບກອງປະຊຸມເຊີແນວຄັ້ງທີ 2, ລັດຖະບານຊີຣີໄດ້ສະແດງທ່າທີຢ່າງຈະແຈ້ງວ່າຈະເຂົ້າຮ່ວມ, ແຕ່ພ້ອມກັນນັ້ນກໍຊີ້ອອກວ່າ, ຊີຣີເດັດດ່ຽວຄັດຄ້ານອິດທິກຳລັງພາຍນອກແຊກແຊງວຽກງານພາຍໃນຂອງຊີຣີ.
ລັດຖະບານຊີຣີຍັງບໍ່ມີທ່າທີຕໍ່ເລື່ອງນີ້ເທື່ອ. ແຕ່ວ່າມີຜູ້ສັນທັດກໍລະນີຊີຣີເປີດເຜີຍວ່າ, ປັດຈຸບັນຫ່າງຈາກວັນຈັດກອງປະຊຸມເຊີແນວຄັ້ງທີ 2 ບໍ່ໄກແລ້ວ, ລັດຖະບານຊີຣີໄດ້ຕິດຕໍ່ພົວພັນກັບຣັດເຊຍເພື່ອປຶກສາຫາລືວັນເວລາແລະເນື້ອໃນຂອງກອງປະຊຸມມາໂດຍຕະຫຼອດ. ກ່ຽວກັບກອງປະຊຸມເຊີແນວຄັ້ງທີ 2, ລັດຖະບານຊີຣີໄດ້ສະແດງທ່າທີຢ່າງຈະແຈ້ງວ່າຈະເຂົ້າຮ່ວມ, ແຕ່ພ້ອມກັນນັ້ນກໍຊີ້ອອກວ່າ, ຊີຣີເດັດດ່ຽວຄັດຄ້ານອິດທິກຳລັງພາຍນອກແຊກແຊງວຽກງານພາຍໃນຂອງຊີຣີ.
