ຊ່ຽວຊານເຫັນວ່າ ເນັ້ນໃສ່ລັກສະນະຕັດສິນຂອງຕະຫຼາດບໍ່ໝາຍຄວາມວ່າຮັບຮອງໃຫ້ຕະຫຼາດເຮັດໄດ້ທຸກສິ່ງທຸກຢ່າງ
(GMT+08:00) 2013-11-15 15:44:36 cri
ວັນທີ 12 ພະຈິກນີ້, ຢູ່ນະຄອນຫຼວງປັກກິ່ງ, ສາສະດາຈານຫູອ່ານກ່າງ ຫົວໜ້າສະຖາບັນຄົ້ນຄວ້າສະພາບແຫ່ງຊາດມະຫາວິທະຍາໄລຊິງຮວາຂອງຈີນໃຫ້ສຳພາດຕໍ່ນັກຂ່າວ ໂດຍກ່າວວ່າ, ເນັ້ນໃສ່ລັກສະນະຕັດສິນຂອງຕະຫຼາດບໍ່ໝາຍຄວາມວ່າຮັບຮອງໃຫ້ຕະຫຼາດເຮັດໄດ້ທຸກສິ່ງທຸກຢ່າງ.
ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ອັດລົງໃນຕອນບ່າຍວັນທີ 12 ພະຈິກນີ້. ກອງປະຊຸມໄດ້ອອກບົດຖະແຫຼງການໂດຍຊີ້ອອກວ່າ, ການປະຕິຮູບໂຄງປະກອບເສດຖະກິດແມ່ນວຽກງານຈຸດໜັກໃນການລົງເລິກການປະຕິຮູບຢ່າງຮອບດ້ານ, ບັນຫາໃຈກາງແມ່ນຊຳລະແກ້ໄຂການພົວພັນລະຫວ່າງລັດຖະບານກັບຕະຫຼາດເປັນຢ່າງດີ, ເຮັດໃຫ້ຕະຫຼາດເສີມຂະຫຍາຍບົດບາດທີ່ມີ "ລັກສະນະຕັດສິນ" ໃນການຈັດສັນຊັບພະຍາກອນ ແລະເສີມຂະຫຍາຍບົດບາດຂອງລັດຖະບານໃຫ້ດີກວ່າເກົ່າ. ນີ້ແມ່ນເອກະສານທາງການຂອງຈີນທີ່ໄດ້ສະເໜີບົດບາດທີ່ມີ "ລັກສະນະຕັດສິນ" ຂອງຕະຫຼາດເປັນຄັ້ງທຳອິດ.
ທ່ານຫູອ່ານກ່າງຊີ້ອອກວ່າ, ເສດຖະກິດຕະຫຼາດຈີນໄດ້ພັດທະນາມາເປັນເວລາ 20 ປີ, ຖືກເອີ້ນວ່າເປັນ "ສະໄໝປະດິດສ້າງດ້ານລະບຽບການ" ເປັນໄລຍະທີ່ຈີນສ້າງໂຄງປະກອບເສດຖະກິດຕະຫຼາດສັງຄົມນິຍົມ. ມາຮອດປັດຈຸບັນ, ສິນຄ້າແລະການບໍລິການ 95% ຂອງຈີນແມ່ນຕັດສິນຢູ່ນຳການພົວພັນລະຫວ່າງການສະໜອງກັບຄວາມຕ້ອງການໃນຕະຫຼາດ ຄື ວັນທີ 11 ເດືອນ 11 (ພະຈິກ) ເປັນ "ບຸນວັນໂສດ" ຂອງຈີນ, ເລີຍໄດ້ກາຍເປັນບຸນຊື້ເຄື່ອງທາງອິນເຕີເນັດທີ່ໃຫຍ່ທີ່ສຸດຂອງໂລກ, ກໍແມ່ນຕົວຢ່າງທີ່ດີຢ່າງໜຶ່ງ. ລັດຖະບານບໍ່ໄດ້ແຊກແຊງລາຄາຂອງສິນຄ້າແຕ່ຢ່າງໃດ, ລາຄາແລະການຄ້າຂາຍສິນຄ້າລ້ວນແຕ່ໃຫ້ເຈົ້າຂອງຮ້ານແລະລູກຄ້າຕົກລົງກັນເອງ. ອາດເວົ້າໄດ້ວ່າ, ບົດບາດທີ່ເປັນລັກສະນະຕັດສິນຂອງຕະຫຼາດແບບນີ້ ຈະຊຸກຍູ້ໃຫ້ຈີນສ້າງຕະຫຼາດລັກສະນະທົ່ວປະເທດທີ່ໃຫຍ່ໂຕກວ່າເກົ່າແລະເປັນເອກະພາບກັນ.
ພ້ອມກັນນັ້ນ, ທ່ານຫູອ່ານກ່າງກ່າວວ່າ, ໃນ "ການຕົກລົງ" ຂອງກອງປະຊຸມຄັ້ງນີ້, ບໍ່ພຽງແຕ່ໄດ້ເວົ້າເຖິງຕະຫຼາດ ທີ່ເປັນ "ມືທີ່ເບິ່ງບໍ່ເຫັນ"ເທົ່ານັ້ນ, ແຕ່ໄດ້ເວົ້າເຖິງການດັດສົມຄວບຄຸມມະຫາພາກທີ່ຖືກຕ້ອງກັບຫຼັກວິທະຍາສາດແລະການບໍລິຫານຂອງລັດຖະບານທີ່ມີປະສິດທິຜົນ ເຊິ່ງເປັນ "ມືທີ່ເຫັນໄດ້". ນີ້ກໍແມ່ນຄວາມຕ້ອງການໃນຕົວແຫ່ງການເສີມຂະຫຍາຍທ່າແຮງຂອງໂຄງປະກອບເສດຖະກິດຕະຫຼາດສັງຄົມນິຍົມ, ຕ້ອງເຮັດໃຫ້ "ມືທີ່ເຫັນໄດ້" ຮັບໃຊ້ທົ່ວປວງຊົນ.
ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ທີ່ຈັດຂຶ້ນຢູ່ນະຄອນຫຼວງປັກກິ່ງໄດ້ອັດລົງໃນຕອນບ່າຍວັນທີ 12 ພະຈິກນີ້. ກອງປະຊຸມໄດ້ອອກບົດຖະແຫຼງການໂດຍຊີ້ອອກວ່າ, ການປະຕິຮູບໂຄງປະກອບເສດຖະກິດແມ່ນວຽກງານຈຸດໜັກໃນການລົງເລິກການປະຕິຮູບຢ່າງຮອບດ້ານ, ບັນຫາໃຈກາງແມ່ນຊຳລະແກ້ໄຂການພົວພັນລະຫວ່າງລັດຖະບານກັບຕະຫຼາດເປັນຢ່າງດີ, ເຮັດໃຫ້ຕະຫຼາດເສີມຂະຫຍາຍບົດບາດທີ່ມີ "ລັກສະນະຕັດສິນ" ໃນການຈັດສັນຊັບພະຍາກອນ ແລະເສີມຂະຫຍາຍບົດບາດຂອງລັດຖະບານໃຫ້ດີກວ່າເກົ່າ. ນີ້ແມ່ນເອກະສານທາງການຂອງຈີນທີ່ໄດ້ສະເໜີບົດບາດທີ່ມີ "ລັກສະນະຕັດສິນ" ຂອງຕະຫຼາດເປັນຄັ້ງທຳອິດ.
ທ່ານຫູອ່ານກ່າງຊີ້ອອກວ່າ, ເສດຖະກິດຕະຫຼາດຈີນໄດ້ພັດທະນາມາເປັນເວລາ 20 ປີ, ຖືກເອີ້ນວ່າເປັນ "ສະໄໝປະດິດສ້າງດ້ານລະບຽບການ" ເປັນໄລຍະທີ່ຈີນສ້າງໂຄງປະກອບເສດຖະກິດຕະຫຼາດສັງຄົມນິຍົມ. ມາຮອດປັດຈຸບັນ, ສິນຄ້າແລະການບໍລິການ 95% ຂອງຈີນແມ່ນຕັດສິນຢູ່ນຳການພົວພັນລະຫວ່າງການສະໜອງກັບຄວາມຕ້ອງການໃນຕະຫຼາດ ຄື ວັນທີ 11 ເດືອນ 11 (ພະຈິກ) ເປັນ "ບຸນວັນໂສດ" ຂອງຈີນ, ເລີຍໄດ້ກາຍເປັນບຸນຊື້ເຄື່ອງທາງອິນເຕີເນັດທີ່ໃຫຍ່ທີ່ສຸດຂອງໂລກ, ກໍແມ່ນຕົວຢ່າງທີ່ດີຢ່າງໜຶ່ງ. ລັດຖະບານບໍ່ໄດ້ແຊກແຊງລາຄາຂອງສິນຄ້າແຕ່ຢ່າງໃດ, ລາຄາແລະການຄ້າຂາຍສິນຄ້າລ້ວນແຕ່ໃຫ້ເຈົ້າຂອງຮ້ານແລະລູກຄ້າຕົກລົງກັນເອງ. ອາດເວົ້າໄດ້ວ່າ, ບົດບາດທີ່ເປັນລັກສະນະຕັດສິນຂອງຕະຫຼາດແບບນີ້ ຈະຊຸກຍູ້ໃຫ້ຈີນສ້າງຕະຫຼາດລັກສະນະທົ່ວປະເທດທີ່ໃຫຍ່ໂຕກວ່າເກົ່າແລະເປັນເອກະພາບກັນ.
ພ້ອມກັນນັ້ນ, ທ່ານຫູອ່ານກ່າງກ່າວວ່າ, ໃນ "ການຕົກລົງ" ຂອງກອງປະຊຸມຄັ້ງນີ້, ບໍ່ພຽງແຕ່ໄດ້ເວົ້າເຖິງຕະຫຼາດ ທີ່ເປັນ "ມືທີ່ເບິ່ງບໍ່ເຫັນ"ເທົ່ານັ້ນ, ແຕ່ໄດ້ເວົ້າເຖິງການດັດສົມຄວບຄຸມມະຫາພາກທີ່ຖືກຕ້ອງກັບຫຼັກວິທະຍາສາດແລະການບໍລິຫານຂອງລັດຖະບານທີ່ມີປະສິດທິຜົນ ເຊິ່ງເປັນ "ມືທີ່ເຫັນໄດ້". ນີ້ກໍແມ່ນຄວາມຕ້ອງການໃນຕົວແຫ່ງການເສີມຂະຫຍາຍທ່າແຮງຂອງໂຄງປະກອບເສດຖະກິດຕະຫຼາດສັງຄົມນິຍົມ, ຕ້ອງເຮັດໃຫ້ "ມືທີ່ເຫັນໄດ້" ຮັບໃຊ້ທົ່ວປວງຊົນ.
