ສື່ຕ່າງປະເທດກ່າວວ່າ:ຂໍ້ຕົກລົງກ່ຽວກັບການລົງເລິກປະຕິຮູບຂອງຈີນບໍ່ເຄີຍມີມາກ່ອນ
(GMT+08:00) 2013-11-16 16:00:58 cri
ກອງປະຊຸມຄົບຄະນະຄັ້ງທີ 3 ຂອງສູນກາງພັກກອມມູນິດຈີນສະໄໝທີ 18 ໄດ້ອັດລົງໃນວັນທີ 12 ພະຈິກນີ້,"ຂໍ້ຕົກລົງຂອງສູນກາງພັກກອມມູນິດຈີນກ່ຽວກັບບັນຫາສຳຄັນຈຳນວນໜຶ່ງໃນການລົງເລິກການປະຕິຮູບຢ່າງຮອບດ້ານ"ທີ່ໄດ້ຮັບການພິຈາລະນາຮັບຮອງໃນກອງປະຊຸມເທື່ອນີ້ກໍ່ໄດ້ເປີດເຜີຍໃນວັນທີ 15 ພະຈິກນີ້.ກ່ຽວກັບເລື່ອງນີ້,ສື່ມວນຊົນຂອງປະເທດຕ່າງໆກໍ່ໄດ້ລາຍງານແລະວິເຄາະພ້ອມທັງໄດ້ຕີລາຄາສູງຕໍ່ຂໍ້ຕົກລົງດັ່ງກ່າວໂດຍກ່າວວ່າ:ຂໍ້ຕົກລົງນີ້ແມ່ນຂໍ້ຕົກລົງທີ່ບໍ່ເຄີຍມີມາກ່ອນ ສອດຄ່ອງກັບເສັ້ນທາງສັງຄົມນິຍົມ ຄວນໄດ້ຮັບການຊົມເຊີຍຢ່າງສຸດອົກສຸດໃຈ.
ໜັງສືພິມ"ລາ ຈໍນາດາ"ຂອງເມັກຊິກສະບັບວັນທີ 15 ພະຈິກນີ້ລາຍງານວ່າ:ຈີນໄດ້ປະກາດແຜນການປະຕິຮູບເສດຖະກິດແລະສັງຄົມໃນວັນສຸກແລ້ວນີ້. ບົດແຈ້ງຂ່າວດັ່ງກ່າວນຳເອົາຄຳເວົ້າຂອງຜູ້ຊ່ຽວຊານມາລາຍງານວ່າ:ຂະໜາດຂອງການປະຕິຮູບເທື່ອນີ້ບໍ່ເຄີຍມີມາກ່ອນ.ການປະຕິຮູບຂອງຈີນໃນຊຸມປີ 1990 ນັ້ນໄດ້ຈຳກັດຢູ່ໃນບາງຂົງເຂດ,ສ່ວນແຜນການປະຕິຮູບທີ່ໄດ້ປະກາດໃນເທື່ອນີ້ແມ່ນໃຊ້ໃນຂອບເຂດທົ່ວໄປ.
ໜັງສືພິມ"ເອວ ເອໂກໂນມິສຕາ"ຂອງເມັກຊິກສະບັບວັນທີ 15 ພະຈິກນີ້ກໍ່ໄດ້ລາຍງານວ່າ:ເອກະສານການປະຕິຮູບຂອງຈີນໄດ້ໃຫ້ຄຳໝັ້ນສັນຍາວ່າຈະປ່ຽນແປງໂຄງປະກອບເສດຖະກິດແລະສັງຄົມຂອງຈີນຢ່າງເຖິງຖອງ.ເສດຖະກິດຈີນໄດ້ພັດທະນາຊ້າລົງພາຍຫຼັງໄດ້ມີການເຕີບໂຕຢ່າງແຂງແຮງມາເປັນເວລາ 30 ປີ,ນີ້ແມ່ນມາດຕະການໃໝ່ຂອງຈີນໃນການຊຸກຍູ້ການພັດທະນາທາງດ້ານເສດຖະກິດ.
ຂ່າວສານເປຣນຊາ ລາຕິນາຂອງກູບາລາຍງານວ່າ:ຜູ້ນຳຈີນໄດ້ປະກາດມາດຕະການຂອງການປະຕິຮູບຕື່ມອີກ,ນີ້ໄດ້ຢັ້ງຢືນໃຫ້ເຫັນວ່າ,ນີ້ແມ່ນຮູບການຂອງຈີນທີ່ພັດທະນາແລະກ້າວໜ້າຕາມເສັ້ນທາງສັງຄົມນິຍົມ.ໃນເວລາຕໍ່ໄປ,ລັດຖະບານຈີນຈະຕ້ອງເຮັດວຽກງານຢ່າງຫຼວງຫຼາຍ,ແຕ່ພາຍນອກເຊື່ອວ່າ:ຈີນຈະຂຽນໜ້າໃໝ່ບົນເສັ້ນທາງສ້າງສາສັງຄົມທີ່ອີ່ມໜຳສຳລານ.
ໜັງສີພິມ"ເລີ ມົນເດ""ເລີ ຟິກາໂຣ"ແລະ"ເລີ ໂນເວວ ອົບເຊີວາເຕີ"ຂອງຝຣັ່ງກໍ່ໄດ້ລາຍງານຢ່າງລະອຽດກ່ຽວກັບມາດຕະການປະຕິຮູບອັນສຳຄັນຂອງສູນກາງພັກກອມມູນິດຈີນຄືນະໂຍບາຍໃຫ້ເອົາລູກຜູ້ທີສອງໄດ້ຖ້າພໍ່ແມ່ຝ່າຍໜຶ່ງເປັນລູກຜູ້ດຽວແລະການຍົກເລີກລະບຽບການສຶກສາດ້ວຍການອອກແຮງງານເປັນຕົ້ນ.
ໜັງສືພິມ"ລາ ຈໍນາດາ"ຂອງເມັກຊິກສະບັບວັນທີ 15 ພະຈິກນີ້ລາຍງານວ່າ:ຈີນໄດ້ປະກາດແຜນການປະຕິຮູບເສດຖະກິດແລະສັງຄົມໃນວັນສຸກແລ້ວນີ້. ບົດແຈ້ງຂ່າວດັ່ງກ່າວນຳເອົາຄຳເວົ້າຂອງຜູ້ຊ່ຽວຊານມາລາຍງານວ່າ:ຂະໜາດຂອງການປະຕິຮູບເທື່ອນີ້ບໍ່ເຄີຍມີມາກ່ອນ.ການປະຕິຮູບຂອງຈີນໃນຊຸມປີ 1990 ນັ້ນໄດ້ຈຳກັດຢູ່ໃນບາງຂົງເຂດ,ສ່ວນແຜນການປະຕິຮູບທີ່ໄດ້ປະກາດໃນເທື່ອນີ້ແມ່ນໃຊ້ໃນຂອບເຂດທົ່ວໄປ.
ໜັງສືພິມ"ເອວ ເອໂກໂນມິສຕາ"ຂອງເມັກຊິກສະບັບວັນທີ 15 ພະຈິກນີ້ກໍ່ໄດ້ລາຍງານວ່າ:ເອກະສານການປະຕິຮູບຂອງຈີນໄດ້ໃຫ້ຄຳໝັ້ນສັນຍາວ່າຈະປ່ຽນແປງໂຄງປະກອບເສດຖະກິດແລະສັງຄົມຂອງຈີນຢ່າງເຖິງຖອງ.ເສດຖະກິດຈີນໄດ້ພັດທະນາຊ້າລົງພາຍຫຼັງໄດ້ມີການເຕີບໂຕຢ່າງແຂງແຮງມາເປັນເວລາ 30 ປີ,ນີ້ແມ່ນມາດຕະການໃໝ່ຂອງຈີນໃນການຊຸກຍູ້ການພັດທະນາທາງດ້ານເສດຖະກິດ.
ຂ່າວສານເປຣນຊາ ລາຕິນາຂອງກູບາລາຍງານວ່າ:ຜູ້ນຳຈີນໄດ້ປະກາດມາດຕະການຂອງການປະຕິຮູບຕື່ມອີກ,ນີ້ໄດ້ຢັ້ງຢືນໃຫ້ເຫັນວ່າ,ນີ້ແມ່ນຮູບການຂອງຈີນທີ່ພັດທະນາແລະກ້າວໜ້າຕາມເສັ້ນທາງສັງຄົມນິຍົມ.ໃນເວລາຕໍ່ໄປ,ລັດຖະບານຈີນຈະຕ້ອງເຮັດວຽກງານຢ່າງຫຼວງຫຼາຍ,ແຕ່ພາຍນອກເຊື່ອວ່າ:ຈີນຈະຂຽນໜ້າໃໝ່ບົນເສັ້ນທາງສ້າງສາສັງຄົມທີ່ອີ່ມໜຳສຳລານ.
ໜັງສີພິມ"ເລີ ມົນເດ""ເລີ ຟິກາໂຣ"ແລະ"ເລີ ໂນເວວ ອົບເຊີວາເຕີ"ຂອງຝຣັ່ງກໍ່ໄດ້ລາຍງານຢ່າງລະອຽດກ່ຽວກັບມາດຕະການປະຕິຮູບອັນສຳຄັນຂອງສູນກາງພັກກອມມູນິດຈີນຄືນະໂຍບາຍໃຫ້ເອົາລູກຜູ້ທີສອງໄດ້ຖ້າພໍ່ແມ່ຝ່າຍໜຶ່ງເປັນລູກຜູ້ດຽວແລະການຍົກເລີກລະບຽບການສຶກສາດ້ວຍການອອກແຮງງານເປັນຕົ້ນ.
