19ປະເທດອາຊີເພີ່ມທະວີການຮ່ວມມືໃນການຕໍ່ຕ້ານໂຈນສະຫຼັດ
(GMT+08:00) 2013-11-18 16:50:01 cri
ເມື່ອມໍ່ໆມານີ້, ກອງປະຊຸມເຈົ້າໜ້າທີ່ອາວຸໂສຕໍ່ຕ້ານໂຈນສະຫຼັດຂອງສັນຍາວ່າດ້ວຍການຮ່ວມມືໃນການຕໍ່ຕ້ານໂຈນສະຫຼັດແລະການປຸ້ນສະດົມເຮືອດ້ວຍກຳລັງອາວຸດໃນພາກພື້ນອາຊີຫຼື ReCAAPໄດ້ໄຂຂຶ້ນຢູ່ນະຄອນກຸ້ຍລິນເຂດປົກຄອງຕົນເອງເຜົ່າຈວ້າງກວາງຊີຂອງຈີນ. ທີ່ປະຊຸມ, ກອງເຂລາສູນຮ່ວມການຊົມໃຊ້ຂໍ້ມູນຂ່າວສານຂອງReCAAP ໄດ້ແຈ້ງໃຫ້ຊາບກ່ຽວກັບສະພາບຄວາມຄືບໜ້າກ່ຽວກັບການໂຈມຕີຂອງໂຈນສະຫຼັດແລະການຮັກສາຄວາມປອດໄພ ຂອງກຳປັ່ນຂອງພາກພື້ນອາຊີ. ຍ້ອນໄດ້ຮັບຜົນປະໂຫຍດຈາກພາກສ່ວນຮັບຜິດຊອບຕົ້ນຕໍຂອງລັດຖະບານປະເທດຕ່າງໆໃນອາຊີໄດ້ເພີ່ມຄວາມແຮງໃນການຕໍ່ຕ້ານໂຈນສະຫຼັດ, ໃນ 3 ປີຜ່ານມາ, ເຫດການໂຈມຕີຂອງໂຈນສະຫຼັດທີ່ເກີດຂຶ້ນຢູ່ອາຊີໄດ້ຄ່ອຍໆຫຼຸດໜ້ອຍລົງ. ຜູ້ແທນທີ່ເຂົ້າຮ່ວມກອງປະຊຸມຍັງໄດ້ບັນລຸຄວາມຮັບຮູ້ທີ່ເປັນເອກະສັນກັນໂດຍທົ່ວໄປກ່ຽວກັບການເພີ່ມທະວີການປະສານງານແລະປະສານສົມທົບກັນລະຫວ່າງປະເທດສະມາຊິກຕ່າງໆໃນການຕໍ່ຕ້ານໂຈນສະຫຼັດຕື່ມອີກແລະສ້າງຕັ້ງກົນໄກຮ່ວມການຊົມໃຊ້ຂໍ້ມູນຂ່າວສານ.
ReCAAP ແມ່ນອົງການຈັດຕັ້ງສາກົນລະຫລ່າງລັດຖະບານກ່ຽວກັບການໂຈມຕີໂຈນສະຫຼັດແລະການປຸ້ນສະດົມເຮືອ. ປັດຈຸບັນ, ມີ 14 ປະເທດໃນອາຊີຊຶ່ງລວມທັງປະເທດຈີນແລະ 5 ປະເທດທີ່ຢູ່ນອກອາຊີໄດ້ເຂົ້າເປັນສະມາຊິກສັນຍາດັ່ງກ່າວ.
ReCAAP ແມ່ນອົງການຈັດຕັ້ງສາກົນລະຫລ່າງລັດຖະບານກ່ຽວກັບການໂຈມຕີໂຈນສະຫຼັດແລະການປຸ້ນສະດົມເຮືອ. ປັດຈຸບັນ, ມີ 14 ປະເທດໃນອາຊີຊຶ່ງລວມທັງປະເທດຈີນແລະ 5 ປະເທດທີ່ຢູ່ນອກອາຊີໄດ້ເຂົ້າເປັນສະມາຊິກສັນຍາດັ່ງກ່າວ.
