ປະທານາທິບໍດີຝະຣັ່ງຢ້ຽມຢາມອິສຣາແອນເພື່ອຫາລືບັນຫານີວເຄຼຍຂອງອີຣານ
(GMT+08:00) 2013-11-18 19:28:17 cri
ວັນທີ 17 ພະຈິກນີ້, ທ່ານຟຣານຊົວ ອ໋ອນລອງ ປະທານາທິບໍດີຝະຣັ່ງໄດ້ເດີນທາງໄປເຖິງອິສຣາແອນເພື່ອຢ້ຽມຢາມປະເທດນີ້, ແລະປຶກສາຫາລືກັບຜູ້ນຳອິສຣາແອນໃນບັນຫາຕ່າງໆເປັນຕົ້ນແມ່ນບັນຫານີວເຄຼຍຂອງອີຣານ,ການເຈລະຈາສັນຕິພາບລະຫວ່າງປາແລັສຕິນກັບອິສຣາແອນ,ການຮ່ວມມືລະຫວ່າງຝະຣັ່ງກັບອິສຣາແອນແລະອື່ນໆ.
ຕອນຄ່ຳວັນທີ 17 ພະຈິກນີ້, ທ່ານຟຼານຊົວ ອ໋ອນລອງໄດ້ພົບປະເຈລະຈາກັບທ່ານເນທັນຢາຮູ ນາຍົກລັດຖະມົນຕີອິສຣາແອນ. ໃນງານຖະແຫຼງຂ່າວຮ່ວມພາຍຫຼັງການພົບປະເຈລະຈາ,ທ່ານຟຼານຊົວ ອ໋ອນລອງກ່າວວ່າ, ຝະຣັ່ງຫວັງຢາກຮ່ວມກັບອີຣານບັນລຸສັນຍາທີ່ແທ້ຈິງ,ເໝາະສົມແລະມີການຮັບປະກັນ, ອີຣານຕ້ອງປະລະການພັດທະນາອາວຸດນີວເຄຼຍ, ນີ້ບໍ່ພຽງແຕ່ພົວພັນກັບຄວາມໝັ້ນຄົງຂອງອິສຣາແອນເທົ່ານັ້ນ, ກໍ່ມີຄວາມສຳຄັນທີ່ສຸດສຳລັບຄວາມໝັ້ນຄົງໃນທົ່ວພາກພື້ນຕາເວັນອອກກາງ.
ທ່ານເນທັນຢາຮູໄດ້ກ່າວຢ້ຳຫຼັກໝັ້ນຂອງອິສຣາແອນໃນບັນຫານີວເຄຼຍຂອງອີຣານ, ແລະໄດ້ສະແດງຄວາມຍ້ອງຍໍຕໍ່ຝະຣັ່ງທີ່ໄດ້ມີທ່າທີຢ່າງແຂງແຮງຕໍ່ບັນຫານີວເຄຼຍຂອງອີຣານ. ທ່ານຫວັງໃຫ້ປະຊາຄົມໂລກສືບຕໍ່ເພີ່ມແຮງກົດດັນຕໍ່ອີຣານ,ບັງຄັບໃຫ້ອີຣານປະລະແຜນການພັດທະນາອາວຸດນີວເຄຼຍ, ມ້າງເຄື່ອງຈັກແຮງໜີສູນແລະເຄື່ອງປະຕິກອນນ້ຳທາດໜັກປຣູໂຕນຽມ plutonium ທີ່ເປັນວັດຖຸດິບຜະລິດລະເບີດນີວເຄຼຍ.
ຕອນຄ່ຳວັນທີ 17 ພະຈິກນີ້, ທ່ານຟຼານຊົວ ອ໋ອນລອງໄດ້ພົບປະເຈລະຈາກັບທ່ານເນທັນຢາຮູ ນາຍົກລັດຖະມົນຕີອິສຣາແອນ. ໃນງານຖະແຫຼງຂ່າວຮ່ວມພາຍຫຼັງການພົບປະເຈລະຈາ,ທ່ານຟຼານຊົວ ອ໋ອນລອງກ່າວວ່າ, ຝະຣັ່ງຫວັງຢາກຮ່ວມກັບອີຣານບັນລຸສັນຍາທີ່ແທ້ຈິງ,ເໝາະສົມແລະມີການຮັບປະກັນ, ອີຣານຕ້ອງປະລະການພັດທະນາອາວຸດນີວເຄຼຍ, ນີ້ບໍ່ພຽງແຕ່ພົວພັນກັບຄວາມໝັ້ນຄົງຂອງອິສຣາແອນເທົ່ານັ້ນ, ກໍ່ມີຄວາມສຳຄັນທີ່ສຸດສຳລັບຄວາມໝັ້ນຄົງໃນທົ່ວພາກພື້ນຕາເວັນອອກກາງ.
ທ່ານເນທັນຢາຮູໄດ້ກ່າວຢ້ຳຫຼັກໝັ້ນຂອງອິສຣາແອນໃນບັນຫານີວເຄຼຍຂອງອີຣານ, ແລະໄດ້ສະແດງຄວາມຍ້ອງຍໍຕໍ່ຝະຣັ່ງທີ່ໄດ້ມີທ່າທີຢ່າງແຂງແຮງຕໍ່ບັນຫານີວເຄຼຍຂອງອີຣານ. ທ່ານຫວັງໃຫ້ປະຊາຄົມໂລກສືບຕໍ່ເພີ່ມແຮງກົດດັນຕໍ່ອີຣານ,ບັງຄັບໃຫ້ອີຣານປະລະແຜນການພັດທະນາອາວຸດນີວເຄຼຍ, ມ້າງເຄື່ອງຈັກແຮງໜີສູນແລະເຄື່ອງປະຕິກອນນ້ຳທາດໜັກປຣູໂຕນຽມ plutonium ທີ່ເປັນວັດຖຸດິບຜະລິດລະເບີດນີວເຄຼຍ.
