ຜູ້ຊ່ຽວຊານແລະສື່ມວນຊົນອາຊີຕາເວັນອອກສຽງໃຕ້ຕັ້ງໜ້າຕີລາຄາຕໍ່ກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນ ແລະຂໍ້ຕົກລົງກ່ຽວກັບບັນຫາທີ່ສຳຄັນຕ່າງໆໃນການລົງເລິກການປະຕິຮູບຢ່າງຮອບດ້ານ
(GMT+08:00) 2013-11-18 17:18:14 cri
ພາຍຫຼັງໄດ້ເຜີຍແຜ່ບົດແຈ້ງຂ່າວຂອງກອງປະຊຸມຄົບຄະນະຄັ້ງທີ 3 ສະໄໝທີ 18 ຂອງພັກຄອມມູນິດຈີນ ແລະ "ຂໍ້ຕົກລົງກ່ຽວກັບບັນຫາທີ່ສຳຄັນຕ່າງໆໃນການລົງເລິກການປະຕິຮູບຢ່າງຮອບດ້ານຂອງສູນກາງພັກຄອມມູນິດຈີນ" ແລ້ວ, ໄດ້ດຶງດູດຄວາມສົນໃຈຈາກປະຊາຄົມໂລກຢ່າງຫຼວງຫຼາຍ. ຜູ້ຊ່ຽວຊານແລະສື່ມວນຊົນຂອງປະເທດອາຊີຕາເວັນອອກສຽງໃຕ້ໄດ້ຕັ້ງໜ້າຕີລາຄາຕໍ່ຄວາມໝາຍສຳຄັນຂອງກອງປະຊຸມຄົບຄະນະຄັ້ງທີ 3 ສະໄໝທີ 18, ໂດຍເຫັນວ່າ "ຂໍ້ຕົກລົງ"ສະບັບນີ້ແມ່ນເປົ້າໝາຍແລະໂຄງຮ່າງໃຫຍ່ໃນການຊຸກຍູ້ການລົງເລິກການປະຕິຮູບຢ່າງຮອບດ້ານຂອງຈີນໃນອະນາຄົດທີ່ຍາວໄກທີ່ສຸດ.
ທ່ານຫູອີ້ຊ່ານ ຜູ້ຊ່ຽວຊານກ່ຽວກັບຈີນທີ່ມີຊື່ສຽງຂອງມະເລເຊຍໄດ້ຕັ້ງໜ້າຕີລາຄາຕໍ່ຄວາມໝາຍສຳຄັນຂອງກອງປະຊຸມຄົບຄະນະຄັ້ງທີ 3 ສະໄໝທີ 18 . ທ່ານກ່າວວ່າ, ກອງປະຊຸມຄົບຄະນະຄັ້ງນີ້ໄດ້ຜ່ານ "ຂໍ້ຕົກລົງ"ໂດຍສະແດງໃຫ້ເຫັນວ່າ, ຜູ້ນຳຊຸດໃໝ່ຂອງພັກຄອມມູນິດຈີນຈະລົງເລິກການປະຕິຮູບໃນຂົງເຂດຕ່າງໆຢ່າງກວາງຂວ້າງເຊັ່ນ: ເສດຖະກິດ, ການເມືອງ, ວັດທະນະທຳ, ສັງຄົມແລະນິເວດວິທະຍາເປັນຕົ້ນ, ຢູ່ໃນປະເທດຈີນຈະປະກົດມີສະພາບການປ່ຽນແປງໃໝ່ທີ່ເຮັດໃຫ້ຄົນຮູ້ສຶກມີກຳລັງໃຈຫຼາຍຂຶ້ນ. ພັກຄອມມູນິດຈີນສະໜັບສະໜູນຕະຫຼາດທີ່ເສີມຂະຫຍາຍບົດບາດຕັດສິນໃນການຈັດສັນຊັບພະຍາກອນ, ແກ້ໄຂການພົວພັນລະຫວ່າງລັດຖະບານກັບຕະຫຼາດໃຫ້ດີ, ບໍ່ພຽງແຕ່ມີຜົນດີຕໍ່ການຊຸກຍູ້ການຫັນປ່ຽນບົດບາດຂອງລັດຖະບານໃຫ້ດີກວ່າເກົ່າເທົ່ານັ້ນ, ການເສີມຂະຫຍາຍບົດບາດຂອງຕົນຢ່າງມີປະສິດທິຜົນ, ຈະມີຜົນດີຕໍ່ເສດຖະກິດຈີນໃນການເຊື່ອມໂຍງເຂົ້າກັບເສດຖະກິດໂລກ, ຊຸກຍູ້ໃຫ້ເສດຖະກິດໂລກຟື້ນຕົວຂຶ້ນ.
ສື່ມວນຊົນອິນໂດເນເຊຍເຫັນວ່າ, ຂົງເຂດການປະຕິຮູບ, ໜ້າທີ, ຊ່ອງທາງ, ມາດຕະການແລະເປົ້າໝາຍທີ່ຂໍ້ຕົກລົງດັ່ງກ່າວກ່ຽວພັນເຖິງນັ້ນແມ່ນການປະຕິຮູບທີ່ເລິກເຊິ່ງແລະເດັດຂາດທີ່ສຸດໃນ 35 ປີຜ່ານມາ. ຖ້າວ່າວຽກງານດ້ານການລົງເລິກການປະຕິຮູບ 15 ໂຄງການທີ່ກອງປະຊຸມຄົບຄະນະຄັ້ງທີ 3 ສະເໜີອອກ ຫາກໄດ້ຮັບການຈັດຕັ້ງປະຕິບັດຢ່າງແທ້ຈິງແລ້ວ ຂົງເຂດການເມືອງ, ເສດຖະກິດ, ການທະຫານ, ສັງຄົມແລະຂົງເຂດວັດທະນະທຳຂອງຈີນພາຍໃນອະນາຄົດກໍ່ຈະເກີດມີການປ່ຽນແປງຢ່າງເລິກເຊິ່ງ, ປະເທດຈີນຈະເຂັ້ມແຂງຂຶ້ນກວ່າເກົ່າ, ບັນດາປະເທດອາຊຽນລວມທັງອິນໂດເນເຊຍ ແລະປະເທດອາຊີປາຊີຟິກ ກໍ່ຈະໄດ້ຮັບຜົນປະໂຫຍດຫຼາຍກວ່າເກົ່າໃນການພັດທະນາແລະຄວາມກ້າວໜ້າຂອງຈີນຊຶ່ງໃນນັ້ນກໍ່ລວມທັງຂົງເຂດຄວາມປອດໄພຂອງພາກພື້ນ, ການຮ່ວມມືດ້ານເສດຖະກິດແລະຂົງເຂດອື່ນໆ.
ໜັງສືພິມລຽນເຮີຈາວປ້າວຂອງສິງກະໂປໄດ້ພິມບົດນຳໂດຍກ່າວວ່າ, ແນວຄິດ "ການລົງເລິກການປະຕິຮູບຢ່າງຮອບດ້ານ"ຂອງທ່ານສີຈິ້ນຜິງ ປະທານປະເທດຈີນ, ບໍ່ໄດ້ພົ້ນອອກຈາກການປະຕິຮູບແລະໄຂປະຕູສູ່ພາຍນອກໃນ 30 ກວ່າປີຜ່ານມາທີ່ຄ່ອຍເປັນຄ່ອຍໄປ, ທັງສອດຄ່ອງກັບເງື່ອນໄຂຕົວຈິງຂອງຈີນທີ່ສຸດພາຍໃຕ້ສະຖານະການໃນປະຈຸບັນ.
ທ່ານຫູອີ້ຊ່ານ ຜູ້ຊ່ຽວຊານກ່ຽວກັບຈີນທີ່ມີຊື່ສຽງຂອງມະເລເຊຍໄດ້ຕັ້ງໜ້າຕີລາຄາຕໍ່ຄວາມໝາຍສຳຄັນຂອງກອງປະຊຸມຄົບຄະນະຄັ້ງທີ 3 ສະໄໝທີ 18 . ທ່ານກ່າວວ່າ, ກອງປະຊຸມຄົບຄະນະຄັ້ງນີ້ໄດ້ຜ່ານ "ຂໍ້ຕົກລົງ"ໂດຍສະແດງໃຫ້ເຫັນວ່າ, ຜູ້ນຳຊຸດໃໝ່ຂອງພັກຄອມມູນິດຈີນຈະລົງເລິກການປະຕິຮູບໃນຂົງເຂດຕ່າງໆຢ່າງກວາງຂວ້າງເຊັ່ນ: ເສດຖະກິດ, ການເມືອງ, ວັດທະນະທຳ, ສັງຄົມແລະນິເວດວິທະຍາເປັນຕົ້ນ, ຢູ່ໃນປະເທດຈີນຈະປະກົດມີສະພາບການປ່ຽນແປງໃໝ່ທີ່ເຮັດໃຫ້ຄົນຮູ້ສຶກມີກຳລັງໃຈຫຼາຍຂຶ້ນ. ພັກຄອມມູນິດຈີນສະໜັບສະໜູນຕະຫຼາດທີ່ເສີມຂະຫຍາຍບົດບາດຕັດສິນໃນການຈັດສັນຊັບພະຍາກອນ, ແກ້ໄຂການພົວພັນລະຫວ່າງລັດຖະບານກັບຕະຫຼາດໃຫ້ດີ, ບໍ່ພຽງແຕ່ມີຜົນດີຕໍ່ການຊຸກຍູ້ການຫັນປ່ຽນບົດບາດຂອງລັດຖະບານໃຫ້ດີກວ່າເກົ່າເທົ່ານັ້ນ, ການເສີມຂະຫຍາຍບົດບາດຂອງຕົນຢ່າງມີປະສິດທິຜົນ, ຈະມີຜົນດີຕໍ່ເສດຖະກິດຈີນໃນການເຊື່ອມໂຍງເຂົ້າກັບເສດຖະກິດໂລກ, ຊຸກຍູ້ໃຫ້ເສດຖະກິດໂລກຟື້ນຕົວຂຶ້ນ.
ສື່ມວນຊົນອິນໂດເນເຊຍເຫັນວ່າ, ຂົງເຂດການປະຕິຮູບ, ໜ້າທີ, ຊ່ອງທາງ, ມາດຕະການແລະເປົ້າໝາຍທີ່ຂໍ້ຕົກລົງດັ່ງກ່າວກ່ຽວພັນເຖິງນັ້ນແມ່ນການປະຕິຮູບທີ່ເລິກເຊິ່ງແລະເດັດຂາດທີ່ສຸດໃນ 35 ປີຜ່ານມາ. ຖ້າວ່າວຽກງານດ້ານການລົງເລິກການປະຕິຮູບ 15 ໂຄງການທີ່ກອງປະຊຸມຄົບຄະນະຄັ້ງທີ 3 ສະເໜີອອກ ຫາກໄດ້ຮັບການຈັດຕັ້ງປະຕິບັດຢ່າງແທ້ຈິງແລ້ວ ຂົງເຂດການເມືອງ, ເສດຖະກິດ, ການທະຫານ, ສັງຄົມແລະຂົງເຂດວັດທະນະທຳຂອງຈີນພາຍໃນອະນາຄົດກໍ່ຈະເກີດມີການປ່ຽນແປງຢ່າງເລິກເຊິ່ງ, ປະເທດຈີນຈະເຂັ້ມແຂງຂຶ້ນກວ່າເກົ່າ, ບັນດາປະເທດອາຊຽນລວມທັງອິນໂດເນເຊຍ ແລະປະເທດອາຊີປາຊີຟິກ ກໍ່ຈະໄດ້ຮັບຜົນປະໂຫຍດຫຼາຍກວ່າເກົ່າໃນການພັດທະນາແລະຄວາມກ້າວໜ້າຂອງຈີນຊຶ່ງໃນນັ້ນກໍ່ລວມທັງຂົງເຂດຄວາມປອດໄພຂອງພາກພື້ນ, ການຮ່ວມມືດ້ານເສດຖະກິດແລະຂົງເຂດອື່ນໆ.
ໜັງສືພິມລຽນເຮີຈາວປ້າວຂອງສິງກະໂປໄດ້ພິມບົດນຳໂດຍກ່າວວ່າ, ແນວຄິດ "ການລົງເລິກການປະຕິຮູບຢ່າງຮອບດ້ານ"ຂອງທ່ານສີຈິ້ນຜິງ ປະທານປະເທດຈີນ, ບໍ່ໄດ້ພົ້ນອອກຈາກການປະຕິຮູບແລະໄຂປະຕູສູ່ພາຍນອກໃນ 30 ກວ່າປີຜ່ານມາທີ່ຄ່ອຍເປັນຄ່ອຍໄປ, ທັງສອດຄ່ອງກັບເງື່ອນໄຂຕົວຈິງຂອງຈີນທີ່ສຸດພາຍໃຕ້ສະຖານະການໃນປະຈຸບັນ.
