ຄຳຈົ່ມຂອງນາຍພາສາຍິງຂອງອົງການສະຫະປະຊາຊາດຖືກຖ່າຍທອດສົດໂດຍບໍ່ຮູ້ສຶກຕົວ
(GMT+08:00) 2013-11-19 16:45:36 cri
ວັນທີ 14 ພະຈິກນີ້, ໃນເວລາດຳເນີນກອງປະຊຸມຄະນະກຳມະການທີ 4 ຂອງສະມັດຊາໃຫຍ່ອົງການສະຫະປະຊາຊາດ, ນາຍພາສາຍິງໄດ້ເຮັດໃຫ້ເກີດເລື່ອງຍ້ອນຫຼົງລືມ, ນາງລືມປິດໄມ,ຈົນເຮັດໃຫ້ເນື້ອໃນລົມກັນສ່ວນຕົວລະຫວ່າງຕົນເອງກັບໝູ່ຮ່ວມງານໄດ້ດັງອອກໄປໂດຍບໍ່ຮູ້ສຶກຕົວ. ນາຍພາສາແປຜູ້ນີ້ໄດ້ເວົ້າວ່າ, ມະຕິຕົກລົງກ່ຽວກັບປາແລັສຕິນແລະອິສຣາແອນ,ໜ້ອຍທີ່ສຸດກໍ່ມີ 10 ສະບັບແລ້ວ, ມັນຕ້ອງມີອັນອື່ນແດ່, ເຂົາເຈົ້າເສຍເວລາຫຼາຍປານນີ້ເຂົ້າໃນດ້ານນີ້. ຈາກນັ້ນ, ຄຳເວົ້າດັ່ງກ່າວຂອງນາຍພາສາຜູ້ນີ້ໄດ້ຜ່ານຈາກຫູຟັງເຂົ້າຫູຂອງຜູ້ທີ່ເຂົ້າຮ່ວມກອງປະຊຸມແລະໄດ້ຖ່າຍທອດສົດອອກໄປສູ່ແຫ່ງຕ່າງໆໃນທົ່ວໂລກ.
ເມື່ອໄດ້ຍິນຄວາມເວົ້າດັ່ງກ່າວແລ້ວ, ຜູ້ແທນທີ່ເຂົ້າຮ່ວມກອງປະຊຸມກໍໄດ້ມີສຽງຫົວ ລະເບີດຂຶ້ນ. ນາຍພາສາຍິງທີ່ຫຼົງເວົ້າຄວາມຈິງຜູ້ນັ້ນຈຶ່ງໄດ້ກ່າວຂໍໂທດໂດຍທັນທີ. ຕາມຂ່າວແຈ້ງວ່າ, ຫວັງວ່ານາງຈະບໍ່ຖືກໄລ່ອອກການຍ້ອນເລື່ອງນີ້. ມີການລາຍງານຂ່າວເຫັນວ່າ, ຜູ້ທີ່ຄວນກ່າວຄຳຂໍໂທດນັ້ນຄວນແມ່ນອົງການສະຫະປະຊາຊາດ. ອົງການສະຫະປະຊາຊາດສ້າງຕັ້ງຂຶ້ນຢູ່ບົນພື້ນຖານອຸດົມການທີ່ສູງສົ່ງ,ແຕ່ວ່າປັດຈຸບັນ, ອົງການຈັດຕັ້ງສາກົນແຫ່ງນີ້ຊ້ຳພັດເຮັດໃຫ້ຄວາມໄຝ່ຝັນຂອງຝ່າຍຕາເວັນຕົກຫັນປ່ຽນເປັນລາງຝັນຮ້າຍຄັ້ງໜຶ່ງ.
ຕາມຂ່າວແຈ້ງວ່າ, ຮອດເວລາກອງປະຊຸມປະຈຳປີທີ່ຈະສິ້ນສຸດລົງໃນເດືອນໜ້າ, ກອງປະຊຸມສະມັດຊາໃຫຍ່ອົງການສະຫະປະຊາຊາດຈະຜ່ານຮັບຮອງມະຕິຕົກລົງ 22 ສະບັບເພື່ອກ່າວປະນາມອິສຣາແອນ, ແຕ່ມະຕິທີ່ກ່ຽວກັບປະເທດອື່ນໃນໂລກ, ລວມທັງໝົດແລ້ວມີພຽງ 4 ສະບັບເທົ່ານັ້ນ. ການລາຍງານຂ່າວເຫັນວ່າ, ມະຕິຕົກລົງເຫຼົ່ານີ້ມີລັກສະນະເລືອກປະຕິບັດແລະລັກສະນະການເມືອງ.
ເມື່ອໄດ້ຍິນຄວາມເວົ້າດັ່ງກ່າວແລ້ວ, ຜູ້ແທນທີ່ເຂົ້າຮ່ວມກອງປະຊຸມກໍໄດ້ມີສຽງຫົວ ລະເບີດຂຶ້ນ. ນາຍພາສາຍິງທີ່ຫຼົງເວົ້າຄວາມຈິງຜູ້ນັ້ນຈຶ່ງໄດ້ກ່າວຂໍໂທດໂດຍທັນທີ. ຕາມຂ່າວແຈ້ງວ່າ, ຫວັງວ່ານາງຈະບໍ່ຖືກໄລ່ອອກການຍ້ອນເລື່ອງນີ້. ມີການລາຍງານຂ່າວເຫັນວ່າ, ຜູ້ທີ່ຄວນກ່າວຄຳຂໍໂທດນັ້ນຄວນແມ່ນອົງການສະຫະປະຊາຊາດ. ອົງການສະຫະປະຊາຊາດສ້າງຕັ້ງຂຶ້ນຢູ່ບົນພື້ນຖານອຸດົມການທີ່ສູງສົ່ງ,ແຕ່ວ່າປັດຈຸບັນ, ອົງການຈັດຕັ້ງສາກົນແຫ່ງນີ້ຊ້ຳພັດເຮັດໃຫ້ຄວາມໄຝ່ຝັນຂອງຝ່າຍຕາເວັນຕົກຫັນປ່ຽນເປັນລາງຝັນຮ້າຍຄັ້ງໜຶ່ງ.
ຕາມຂ່າວແຈ້ງວ່າ, ຮອດເວລາກອງປະຊຸມປະຈຳປີທີ່ຈະສິ້ນສຸດລົງໃນເດືອນໜ້າ, ກອງປະຊຸມສະມັດຊາໃຫຍ່ອົງການສະຫະປະຊາຊາດຈະຜ່ານຮັບຮອງມະຕິຕົກລົງ 22 ສະບັບເພື່ອກ່າວປະນາມອິສຣາແອນ, ແຕ່ມະຕິທີ່ກ່ຽວກັບປະເທດອື່ນໃນໂລກ, ລວມທັງໝົດແລ້ວມີພຽງ 4 ສະບັບເທົ່ານັ້ນ. ການລາຍງານຂ່າວເຫັນວ່າ, ມະຕິຕົກລົງເຫຼົ່ານີ້ມີລັກສະນະເລືອກປະຕິບັດແລະລັກສະນະການເມືອງ.
