ໄພນ້ຳຖ້ວມທີ່ເກີດຂຶ້ນຈາກຝົນຕົກແຮງຢູ່ຫວຽດນາມໄດ້ເຮັດໃຫ້ມີຜູ້ເສຍຊີວິດແລ້ວ 41 ຄົນ
(GMT+08:00) 2013-11-19 16:54:59 cri
ອົງການຄຸ້ມຄອງໄພນ້ຳຖ້ວມແລະພາຍຸແຫ່ງຊາດຫວຽດນາມໄດ້ເປີດເຜີຍບົດລາຍງານວ່າ, ສະພາບຝົນຕົກແຮງມາແຕ່ວັນທີ 14 ພະຈິກນີ້ໄດ້ເຮັດໃຫ້ເກີດໄພນ້ຳຖ້ວມຢູ່ຫວຽດນາມ, ຊຶ່ງໄດ້ສ້າງຜົນກະທົບແກ່ເຮືອນຢູ່ອາໄສຫຼາຍກວ່າ 4 ແສນຫຼັງ, ເຮັດໃຫ້ມີຜູ້ຊີວິດ 41 ຄົນ, ປະມານ 8 ໝື່ນຄົນໄດ້ຂາດບ່ອນເພິ່ງພາອາໄສ. ປັດຈຸບັນ, ຢູ່ເຂດສ່ວນໃຫຍ່ທີ່ເກີດນ້ຳຖ້ວມໄດ້ບົກລົງແລ້ວ, ແຕ່ຍັງມີ 5 ຄົນຫາຍສາບສູນຢູ່, 74 ຄົນໄດ້ຮັບບາດເຈັບ. ນ້ຳຖ້ວມຍັງໄດ້ເຮັດໃຫ້ເນື່ອທີ່ປູກຝັງ ປະມານ 4300 ເຮັກຕາໄດ້ຮັບຜົນເສຍຫາຍ.
