ທ່ານນາງຍິ່ງລັກ ຊິນນະວັດກ່າວວ່າ ຈະບໍ່ລາອອກຈາກຕຳແໜ່ງຫຼືຍຸບສະພາ
(GMT+08:00) 2013-11-20 14:27:30 cri
ໂດຍປະເຊີນໜ້າກັບສຽງຄັດຄ້ານລັດຖະບານທີ່ນັບມື້ນັບຮຸນແຮງຂຶ້ນພາຍໃນປະເທດໄທໃນຫວ່າງມໍ່ໆມານີ້, ວັນທີ 19 ພະຈິກນີ້, ໃນເວລາໃຫ້ສຳພາດຕໍ່ສື່ມວນຊົນຫຼັງກອງປະຊຸມຂອງລັດຖະບານ ທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທກ່າວວ່າ, ນາງບໍ່ໄດ້ພິຈາລະນາເຖິງການທີ່ຈະລາອອກຈາກຕຳແໜ່ງຫຼືຍຸບສະພາຜູ້ແທນລາຊະດອນແລະຈັດການເລືອກຕັ້ງທົ່ວໄປກ່ອນເວລາກຳນົດແຕ່ຢ່າງໃດ.
ທ່ານນາງຍິ່ງລັກ ຊິນນະວັດໄດ້ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງອົດທົນແລະເຄົາລົບປະຕິບັດຕາມກົດໝາຍ, ຮັບປະກັນໃຫ້ການເຄື່ອນໄຫວຕໍ່ຕ້ານລັດຖະບານຫຼືການເຄື່ອນໄຫວສະໜັບສະໜູນລັດຖະບານດຳເນີນດ້ວຍຊ່ອງທາງທີ່ສົມເຫດສົມຜົນແລະມີຄວາມສະຫງົບ. ກ່ອນໜ້ານີ້, ໂດຍປິ່ນອ້ອມພະລາຊະບັນຍັດນິລະໂທດກຳສະບັບໜຶ່ງທີ່ອາດຈະມີຜົນດີຕໍ່ການໃຫ້ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທທີ່ໄປອາໄສຢູ່ຕ່າງປະເທດສາມາດກັບຄືນປະເທດໄດ້, ພັກປະຊາທິປັດຊຶ່ງເປັນພັກຝ່າຍຄ້ານຂອງໄທແລະອົງການຕໍ່ຕ້ານລັດຖະບານໄທໄດ້ຈັດການເຄື່ອນໄຫວປະທ້ວງແບບມາລາທອນຢູ່ຕາມຫົນທາງຂອງນະຄອນຫຼວງບາງກອກ.
ເພື່ອຫຼີກເວັ້ນບໍ່ໃຫ້ການໂຮມຊຸມນຸມຮ້າຍແຮງຂຶ້ນຕື່ມ, ວຸດທິສະພາຂອງໄທໄດ້ປະຕິເສດພະລາຊະບັນຍັດນິລະໂທດກຳດັ່ງກ່າວດ້ວຍການລົງຄະແນນສຽງບໍ່ເຫັນດີທັງໝົດໃນວັນທີ 11 ພະຈິກນີ້. ແຕ່ວ່າ, ຈຸດສຸມຂອງຄວາມຂັດແຍ້ງກັນທາງການເມືອງຮອບນີ້ໄດ້ຫັນຈາກການສະກັດກັ້ນພະລາຊະບັນຍັດນິລະໂທດກຳປ່ຽນໄປເປັນການໂຄ່ນລົ້ມລັດຖະບານຂອງພັກເພື່ອໄທ.
ທ່ານນາງຍິ່ງລັກ ຊິນນະວັດໄດ້ຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງອົດທົນແລະເຄົາລົບປະຕິບັດຕາມກົດໝາຍ, ຮັບປະກັນໃຫ້ການເຄື່ອນໄຫວຕໍ່ຕ້ານລັດຖະບານຫຼືການເຄື່ອນໄຫວສະໜັບສະໜູນລັດຖະບານດຳເນີນດ້ວຍຊ່ອງທາງທີ່ສົມເຫດສົມຜົນແລະມີຄວາມສະຫງົບ. ກ່ອນໜ້ານີ້, ໂດຍປິ່ນອ້ອມພະລາຊະບັນຍັດນິລະໂທດກຳສະບັບໜຶ່ງທີ່ອາດຈະມີຜົນດີຕໍ່ການໃຫ້ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທທີ່ໄປອາໄສຢູ່ຕ່າງປະເທດສາມາດກັບຄືນປະເທດໄດ້, ພັກປະຊາທິປັດຊຶ່ງເປັນພັກຝ່າຍຄ້ານຂອງໄທແລະອົງການຕໍ່ຕ້ານລັດຖະບານໄທໄດ້ຈັດການເຄື່ອນໄຫວປະທ້ວງແບບມາລາທອນຢູ່ຕາມຫົນທາງຂອງນະຄອນຫຼວງບາງກອກ.
ເພື່ອຫຼີກເວັ້ນບໍ່ໃຫ້ການໂຮມຊຸມນຸມຮ້າຍແຮງຂຶ້ນຕື່ມ, ວຸດທິສະພາຂອງໄທໄດ້ປະຕິເສດພະລາຊະບັນຍັດນິລະໂທດກຳດັ່ງກ່າວດ້ວຍການລົງຄະແນນສຽງບໍ່ເຫັນດີທັງໝົດໃນວັນທີ 11 ພະຈິກນີ້. ແຕ່ວ່າ, ຈຸດສຸມຂອງຄວາມຂັດແຍ້ງກັນທາງການເມືອງຮອບນີ້ໄດ້ຫັນຈາກການສະກັດກັ້ນພະລາຊະບັນຍັດນິລະໂທດກຳປ່ຽນໄປເປັນການໂຄ່ນລົ້ມລັດຖະບານຂອງພັກເພື່ອໄທ.
