ວັນຫ້ອງນ້ຳໂລກຄັ້ງທຳອິດ ສິງກະໂປວາງມາດຕະຖານໃໝ່ກ່ຽວກັບໂຄງລ່າງຫ້ອງນ້ຳສາທາລະນະ
(GMT+08:00) 2013-11-20 14:28:35 cri
ວັນທີ 19 ພະຈິກປີ 2013 ແມ່ນ "ວັນຫ້ອງນ້ຳໂລກ" ຄັ້ງທຳອິດ, ມື້ດຽວກັນ ກົມສະພາບແວດລ້ອມແຫ່ງຊາດສິງກະໂປໄດ້ປະກາດມາດຕະຖານໃໝ່ກ່ຽວກັບໂຄງລ່າງຫ້ອງນ້ຳ.
ມາດຕະຖານໃໝ່ໄດ້ກຳນົດໄວ້ວ່າ, ເລີ່ມແຕ່ເດືອນມິຖຸນາປີ 2014 ເປັນຕົ້ນໄປ, ໃນໄລຍະທີ່ມີຈຳນວນຜູ້ຄົນຫຼາຍທີ່ສຸດຢູ່ເຂດທີ່ມີການສັນຈອນໄປມາຫຼາຍ ຈະເພີ່ມປະລິມານຫ້ອງນ້ຳສຳລັບແມ່ຍິງໃຫ້ຫຼາຍຂຶ້ນ ແລະປ່ຽນໂຄງລ່າງໃນຫ້ອງນ້ຳສຳລັບຜູ້ຊາຍ, ເພື່ອຫຍໍ້ເວລາລໍຖ້າເຂົ້າຫ້ອງນ້ຳຂອງແມ່ຍິງ; ປັບປຸງການອອກແບບຫ້ອງນ້ຳໃຫ້ດີຂຶ້ນ, ເພື່ອອຳນວຍຄວາມສະດວກໃຫ້ແກ່ຜູ້ຊາຍທີ່ມີອາຍຸຫຼາຍແລະເດັກນ້ອຍ, ພ້ອມທັງລິເລີ່ມໃຫ້ລ້າງມືພາຍຫຼັງເຂົ້າຫ້ອງນ້ຳແລ້ວ, ສ້າງຄວາມຊິນເຄີຍທາງດ້ານອະນາໄມທີ່ດີ. ນອກນີ້, ຢູ່ສະຖານທີ່ທີ່ມີຜູ້ໃຫຍ່ພາເດັກນ້ອຍໄປເລື້ອຍໆລ້ວນແຕ່ຕ້ອງຕັ້ງໂຕະປ່ຽນຜ້າເຈັ້ຍກັ້ນຍ່ຽວ. ມາດຕະຖານໃໝ່ຍັງໄດ້ກຳນົດວ່າ, ຢູ່ໃກ້ກັບຮ້ານຂາຍເຂົ້າໜົມແລະອາຫານຕ່າງໆ, ຕ້ອງຕັ້ງອ່າງລ້າງມືຢູ່ນອກຫ້ອງນ້ຳ, ເພື່ອຮັກສາຄວາມແຫ້ງແລະຄວາມສະອາດພາຍໃນຫ້ອງນ້ຳ, ແລະລິເລີ່ມໃຫ້ມີຄວາມຊິນເຄີຍໃນການເຮັດອະນາໄມຄືລ້າງມືກ່ອນກິນເຂົ້າທຸກຄັ້ງ.
ເດືອນກໍລະກົດປີ 2013, ສະມັດຊາໃຫຍ່ສະຫະປະຊາຊາດໄດ້ເຫັນດີເປັນເອກະສັນກັນຜ່ານຮ່າງມະຕິຕົກລົງທີ່ສິງກະໂປ, ຈີນ, ຣັດເຊຍແລະປະເທດອື່ນໆເກືອບ 100 ປະເທດຮ່ວມກັນສະເໜີອອກ, ໂດຍໄດ້ຕົກລົງໃຫ້ວັນທີ 19 ພະຈິກແຕ່ລະປີແມ່ນ "ວັນຫ້ອງນ້ຳໂລກ", ເພື່ອຊຸກຍູ້ການສ້າງໂຄງລ່າງສຳລັບນ້ຳດື່ມທີ່ປອດໄພແລະສາທາລະນະສຸກທີ່ເປັນພື້ນຖານ, ລິເລີ່ມໃຫ້ປະຊາຊົນທຸກຄົນສາມາດດຳລົງຊີວິດຢູ່ພາຍໃຕ້ສະພາບແວດລ້ອມທີ່ສະອາດ, ສະດວກສະບາຍແລະມີຄວາມອະນາໄມ.
ມາດຕະຖານໃໝ່ໄດ້ກຳນົດໄວ້ວ່າ, ເລີ່ມແຕ່ເດືອນມິຖຸນາປີ 2014 ເປັນຕົ້ນໄປ, ໃນໄລຍະທີ່ມີຈຳນວນຜູ້ຄົນຫຼາຍທີ່ສຸດຢູ່ເຂດທີ່ມີການສັນຈອນໄປມາຫຼາຍ ຈະເພີ່ມປະລິມານຫ້ອງນ້ຳສຳລັບແມ່ຍິງໃຫ້ຫຼາຍຂຶ້ນ ແລະປ່ຽນໂຄງລ່າງໃນຫ້ອງນ້ຳສຳລັບຜູ້ຊາຍ, ເພື່ອຫຍໍ້ເວລາລໍຖ້າເຂົ້າຫ້ອງນ້ຳຂອງແມ່ຍິງ; ປັບປຸງການອອກແບບຫ້ອງນ້ຳໃຫ້ດີຂຶ້ນ, ເພື່ອອຳນວຍຄວາມສະດວກໃຫ້ແກ່ຜູ້ຊາຍທີ່ມີອາຍຸຫຼາຍແລະເດັກນ້ອຍ, ພ້ອມທັງລິເລີ່ມໃຫ້ລ້າງມືພາຍຫຼັງເຂົ້າຫ້ອງນ້ຳແລ້ວ, ສ້າງຄວາມຊິນເຄີຍທາງດ້ານອະນາໄມທີ່ດີ. ນອກນີ້, ຢູ່ສະຖານທີ່ທີ່ມີຜູ້ໃຫຍ່ພາເດັກນ້ອຍໄປເລື້ອຍໆລ້ວນແຕ່ຕ້ອງຕັ້ງໂຕະປ່ຽນຜ້າເຈັ້ຍກັ້ນຍ່ຽວ. ມາດຕະຖານໃໝ່ຍັງໄດ້ກຳນົດວ່າ, ຢູ່ໃກ້ກັບຮ້ານຂາຍເຂົ້າໜົມແລະອາຫານຕ່າງໆ, ຕ້ອງຕັ້ງອ່າງລ້າງມືຢູ່ນອກຫ້ອງນ້ຳ, ເພື່ອຮັກສາຄວາມແຫ້ງແລະຄວາມສະອາດພາຍໃນຫ້ອງນ້ຳ, ແລະລິເລີ່ມໃຫ້ມີຄວາມຊິນເຄີຍໃນການເຮັດອະນາໄມຄືລ້າງມືກ່ອນກິນເຂົ້າທຸກຄັ້ງ.
ເດືອນກໍລະກົດປີ 2013, ສະມັດຊາໃຫຍ່ສະຫະປະຊາຊາດໄດ້ເຫັນດີເປັນເອກະສັນກັນຜ່ານຮ່າງມະຕິຕົກລົງທີ່ສິງກະໂປ, ຈີນ, ຣັດເຊຍແລະປະເທດອື່ນໆເກືອບ 100 ປະເທດຮ່ວມກັນສະເໜີອອກ, ໂດຍໄດ້ຕົກລົງໃຫ້ວັນທີ 19 ພະຈິກແຕ່ລະປີແມ່ນ "ວັນຫ້ອງນ້ຳໂລກ", ເພື່ອຊຸກຍູ້ການສ້າງໂຄງລ່າງສຳລັບນ້ຳດື່ມທີ່ປອດໄພແລະສາທາລະນະສຸກທີ່ເປັນພື້ນຖານ, ລິເລີ່ມໃຫ້ປະຊາຊົນທຸກຄົນສາມາດດຳລົງຊີວິດຢູ່ພາຍໃຕ້ສະພາບແວດລ້ອມທີ່ສະອາດ, ສະດວກສະບາຍແລະມີຄວາມອະນາໄມ.
