ໂຄສົກກະຊວງປ້ອງກັນປະເທດຈີນຕອບຄຳຖາມຂອງນັກຂ່າວກ່ຽວກັບຈີນຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກ
(GMT+08:00) 2013-11-23 15:56:18 cri
ຕາມຂ່າວສານຊິນຮວາ, ວັນທີ 23 ພະຈິກນີ້, ທ່ານຢາງອີຈຸ່ນ ໂຄສົກກະຊວງປ້ອງກັນປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບການຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກ.
ໃນເວລາຕອບຄຳຖາມຂອງນັກຂ່າວທີ່ວ່າ ເປັນຫຍັງລັດຖະບານຈີນຈະຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກ, ນີ້ມີສ່ວນກ່ຽວຂ້ອງກັບສະຖານະການພາກພື້ນໃນປັດຈຸບັນຫຼືບໍ່, ທ່ານຢາງອີຈຸ່ນກ່າວວ່າ, ເຂດຈຳແນກປ້ອງກັນອາກາດແມ່ນປະເທດແຄມທະເລຂີດແບ່ງເຂດອາກາດຢູ່ນອກນ່ານຟ້າຂອງຕົນ ເພື່ອຮັບມືກັບການຂົ່ມຂູ່ທາງອາກາດທີ່ອາດຈະປະເຊີນ, ເພື່ອຈຳແນກ, ຕິດຕາມ, ຄວບຄຸມແລະຮັບມືກັບເຄື່ອງບິນທີ່ໄດ້ບິນເຂົ້າເຂດອາກາດດັ່ງກ່າວຢ່າງທັນການ, ເພື່ອມີເວລາເຕືອນໄພ, ປ້ອງກັນຄວາມປອດໄພດ້ານການປ້ອງກັນອາກາດ. ລັດຖະບານຈີນໄດ້ຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກຕາມການກະທຳທົ່ວໄປໃນສາກົນ, ມີຈຸດປະສົງປ້ອງກັນອະທິປະໄຕແຫ່ງຊາດແລະຄວາມປອດໄພດ້ານດິນແດນແລະນ່ານຟ້າ, ປົກປັກຮັກສາລະບຽບການການບິນທາງອາກາດ. ນີ້ແມ່ນມາດຕະການຈຳເປັນສຳລັບຈີນໃຊ້ສິດປ້ອງກັນຕົນເອງຢ່າງບັງເກີດຜົນ, ບໍ່ແນໃສ່ປະເທດແລະເປົ້າໝາຍໃດໆ, ບໍ່ມີຜົນກະທົບຕໍ່ຄວາມເສລີດ້ານການບິນຢູ່ເຂດອາກາດທີ່ກ່ຽວຂ້ອງ.
ທ່ານຢາງອີຈຸ່ນກ່າວວ່າ, ນັບແຕ່ຊຸມປີ1950ມານີ້, 20 ກວ່າປະເທດ ເຊິ່ງລວມທັງປະເທດໃຫຍ່ຈຳນວນໜຶ່ງແລະບາງປະເທດທີ່ຢູ່ອ້ອມຂ້າງຈີນ ລ້ວນແຕ່ໄດ້ຈັດໃຫ້ມີເຂດຈຳແນກປ້ອງກັນອາກາດ. ການກະທຳຂອງຈີນສອດຄ່ອງກັບກົດບັດສະຫະປະຊາຊາດ, ກົດໝາຍລະຫວ່າງຊາດແລະຮີດສາກົນ.
ທ່ານຢາງອີຈຸ່ນຍັງກ່າວວ່າ, ພາຍຫຼັງສຳເລັດວຽກງານກະກຽມຕ່າງໆແລ້ວ, ຈີນຍັງຈະຂີດແບ່ງເຂດຈຳແນກປ້ອງກັນອາກາດຢູ່ບ່ອນອື່ນໆໃນເວລາອັນເໝາະສົມ.
ໃນເວລາຕອບຄຳຖາມຂອງນັກຂ່າວທີ່ວ່າ ເປັນຫຍັງລັດຖະບານຈີນຈະຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກ, ນີ້ມີສ່ວນກ່ຽວຂ້ອງກັບສະຖານະການພາກພື້ນໃນປັດຈຸບັນຫຼືບໍ່, ທ່ານຢາງອີຈຸ່ນກ່າວວ່າ, ເຂດຈຳແນກປ້ອງກັນອາກາດແມ່ນປະເທດແຄມທະເລຂີດແບ່ງເຂດອາກາດຢູ່ນອກນ່ານຟ້າຂອງຕົນ ເພື່ອຮັບມືກັບການຂົ່ມຂູ່ທາງອາກາດທີ່ອາດຈະປະເຊີນ, ເພື່ອຈຳແນກ, ຕິດຕາມ, ຄວບຄຸມແລະຮັບມືກັບເຄື່ອງບິນທີ່ໄດ້ບິນເຂົ້າເຂດອາກາດດັ່ງກ່າວຢ່າງທັນການ, ເພື່ອມີເວລາເຕືອນໄພ, ປ້ອງກັນຄວາມປອດໄພດ້ານການປ້ອງກັນອາກາດ. ລັດຖະບານຈີນໄດ້ຂີດແບ່ງເຂດຈຳແນກປ້ອງກັນອາກາດຢູ່ທະເລຈີນຕາເວັນອອກຕາມການກະທຳທົ່ວໄປໃນສາກົນ, ມີຈຸດປະສົງປ້ອງກັນອະທິປະໄຕແຫ່ງຊາດແລະຄວາມປອດໄພດ້ານດິນແດນແລະນ່ານຟ້າ, ປົກປັກຮັກສາລະບຽບການການບິນທາງອາກາດ. ນີ້ແມ່ນມາດຕະການຈຳເປັນສຳລັບຈີນໃຊ້ສິດປ້ອງກັນຕົນເອງຢ່າງບັງເກີດຜົນ, ບໍ່ແນໃສ່ປະເທດແລະເປົ້າໝາຍໃດໆ, ບໍ່ມີຜົນກະທົບຕໍ່ຄວາມເສລີດ້ານການບິນຢູ່ເຂດອາກາດທີ່ກ່ຽວຂ້ອງ.
ທ່ານຢາງອີຈຸ່ນກ່າວວ່າ, ນັບແຕ່ຊຸມປີ1950ມານີ້, 20 ກວ່າປະເທດ ເຊິ່ງລວມທັງປະເທດໃຫຍ່ຈຳນວນໜຶ່ງແລະບາງປະເທດທີ່ຢູ່ອ້ອມຂ້າງຈີນ ລ້ວນແຕ່ໄດ້ຈັດໃຫ້ມີເຂດຈຳແນກປ້ອງກັນອາກາດ. ການກະທຳຂອງຈີນສອດຄ່ອງກັບກົດບັດສະຫະປະຊາຊາດ, ກົດໝາຍລະຫວ່າງຊາດແລະຮີດສາກົນ.
ທ່ານຢາງອີຈຸ່ນຍັງກ່າວວ່າ, ພາຍຫຼັງສຳເລັດວຽກງານກະກຽມຕ່າງໆແລ້ວ, ຈີນຍັງຈະຂີດແບ່ງເຂດຈຳແນກປ້ອງກັນອາກາດຢູ່ບ່ອນອື່ນໆໃນເວລາອັນເໝາະສົມ.
