ຈີນມີອະທິປະໄຕຕໍ່ເກາະຮວງຢຽນແມ່ນມີຫຼັກຖານທາງກົດໝາຍຢ່າງຄົບຖ້ວນ
(GMT+08:00) 2012-04-26 16:59:29 cri
ຈີນມີອະທິປະໄຕຕໍ່ເກາະຮວງຢຽນແມ່ນມີຫຼັກຖານທາງກົດໝາຍຢ່າງຄົບຖ້ວນ
ໜຶ່ງ, ຈີນໄດ້ພົບເຫັນແລະຕັ້ງຊື່ໃຫ້ເກາະຮວງຢຽນກ່ອນໝູ່, ຈັດເກາະຮວງຢຽນເຂົ້າໃນອານາເຂດຂອງຈີນແລະດຳເນີນການປົກຄອງອະທິປະໄຕ.
ຕາມຂໍ້ມູນປະຫວັດສາດ, ປີ 1279, ທ່ານໂກ່ວໂສວຈິ້ງ, ນັກດາລາສາດທີ່ມີຊື່ສຽງຂອງລາຊະວົງຢວນຂອງຈີນໄດ້ໄປ"ວັດແທກຢູ່ 4 ທະເລ"ຕາມພະລາຊະໂອງການຂອງຮ໋ອງເຕ. ຈຸດວັດແທກຢູ່ທະເລຈີນໃຕ້ກໍ່ແມ່ນເກາະຮວງຢຽນ. ເລື່ອງນີ້ສະແດງໃຫ້ເຫັນວ່າ, ຢ່າງໜ້ອຍໃນລາຊະວົງຢວນຈີນກໍ່ໄດ້ພົບເຫັນເກາະຮວງຢຽນແລ້ວ.
ເດືອນມັງກອນປີ 1935, ຄະນະກຳມະການສຳຫຼວດທາງນ້ຳແລະທາງບົກທີ່ປະກອບດ້ວຍເຈົ້າໜ້າທີ່ກະຊວງພາຍໃນ, ກະຊວງການຕ່າງປະເທດ, ກະຊວງກອງທັບເຮືອແລະກະຊວງສຶກສາທິການຈີນໄດ້ເຜີຍແຜ່ເກາະດອນໃນທະເລຈີນໃຕ້ 132 ແຫ່ງ, ໃນນັ້ນເກາະຮວງຢຽນກໍ່ມີເກາະໜຶ່ງໃນໝູ່ເກາະຈົ່ງຊາເຊິ່ງຢູ່ໃນອານາເຂດຂອງຈີນ. ປີ 1983 ຄະນະກຳມະການຕັ້ງຊື່ທ້ອງຖິ່ນແຫ່ງຊາດຈີນປະກາດຊື່ຂອງເກາະທະເລຈີນໃຕ້ສ່ວນໜຶ່ງໄດ້ກຳນົດເອົາເກາະຮວງຢວນເປັນຊື່ມາດຕະຖານ, ພ້ອມກັນນັ້ນຕັ້ງຊື່ສຳຮອງວ່າເກາະມິນຈູຫຼືເກາະປະຊາທິປະໄຕ. ແຜນທີ່ທີ່ລັດຖະບານຈີນຊຸດຕ່າງໆພິມຈຳໜ່າຍນັ້ນກໍ່ລ້ວນແຕ່ໄດ້ໝາຍເກາະຮວງຢຽນເປັນຜືນແຜ່ນດິນຂອງຈີນ. ເລື່ອງເຫຼົ່ານີ້ລ້ວນແຕ່ມີຜົນສັກສິດກ່ອນ"ສົນທິສັນຍາວ່າດ້ວຍທະເລຂອງອົງການສະຫະປະຊາຊາດ"ທີ່ມີຜົນບັງຄັບໃຊ້ໃນປີ 1994.
ສອງ. ຈີນໄດ້ດຳເນີນການພັດທະນາແລະນຳໃຊ້ເກາະຮວງຢຽນຕະຫຼອດມາ
ຕັ້ງແຕ່ສະໄໝບູຮານນະການມາແລ້ວ, ຊາວປະມົງຂອງຈີນກໍໄດ້ໄປຫາປາຢູ່ເຂດທະເລເກາະຮວງຢຽນເລື້ອຍໆ. ອົງການສະຖິຕິແຫ່ງຊາດຈີນ, ອົງການແຜ່ນດິນໄຫວແຫ່ງຊາດຈີນແລະອົງການທະເລແຫ່ງຊາດຈີນໄດ້ໄປເກາະຮວງຢຽນແລະເຂດນ່ານນ້ຳຢູ່ໃກ້ເກາະຢວງຢຽນເພື່ອດຳເນີນການຄົ້ນຄວ້າວິທະຍາສາດ.
ສາມ. ການວິຈານຕໍ່ຄຳຮ້ອງຂໍຂອງຟີລິບປີນຕໍ່ເກາະຮວງຢຽນ
ຜືນແຜ່ນດິນຂອງຟີລິບປີນຖືກກຳນົດຢູ່ໃນສົນທິສັນຍາສາກົນຫຼາຍສະບັບ, ໃນສົນທິສັນຍາເຫຼົ່ານີ້ບໍ່ມີສະບັບໃດຈັດເອົາເກາະຮວງຢຽນເຂົ້າໃນຂອບເຂດຜືນແຜ່ນດິນຂອງຟີລິບປີນ. "ສົນທິສັນຍາປາຣີລະຫວ່າງສະຫະລັດອາເມລິກາກັບແອສປາຍ"ສະບັບປີ1898, "ສົນທິສັນຍາວໍຊິງຕັນລະຫວ່າງສະຫະລັດອາເມລິກາກັບແອສປາຍ"ສະບັບປີ1990ແລະ"ສົນທິສັນຍາລະຫວ່າງອັງກິດກັບສະຫະລັດອາເມລິກາ"ສະບັບປີ1930 ໄດ້ກຳນົດວ່າເສັ້ນຊາຍແດນຕາເວັນຕົກຂອງຟີລິບປີນແມ່ນເສັ້ນແວງຕາເວັນອອກ 118°, ເກາະຮວງຢຽນແມ່ນຢູ່ນອກເສັ້ນນີ້. ລັດຖະທຳມະນູນຟີລິບປີນສະບັບປີ 1935, ສົນທິສັນຍາການພົວພັນປົກກະຕິອາເມລິກາຟີລິບປີນສະບັບປີ 1947, ສົນທິສັນຍາພັນທະມິດການທະຫານອາເມລິກາຟີລິບປີນສະບັບປີ 1952, ດຳລັດເລກທີ 3046ຂອງຟີລິບປີນກ່ຽວກັບເສັ້ນພື້ນຖານນ່ານທະເລທີ່ອອກໃນວັນທີ 17 ມິຖຸນາ 1961 ແລະດຳລັດສະບັບດັດແກ້ກ່ຽວກັບເສັ້ນພື້ນຖານນ່ານທະເລຂອງຟີລິບປີນທີ່ອອກໃນປີ 1968ລ້ວນແຕ່ໄດ້ກ້າວຢ້ຳຜົນສັກສິດທາງດ້ານກົດໝາຍຂອງສົນທິສັນຍາສາມສະບັບດັ່ງກ່າວ, ໂດຍໄດ້ກຳນົດຂອບເຂດຜືນແຜ່ນດິນຂອງຟີລິບປີນຢ່າງຈະແຈ້ງ, ຈຸດພື້ນຖານແລະເສັ້ນພື້ນຖານຂອງນ່ານທະເລຟີລິບປີນລ້ວນແຕ່ບໍ່ລວມທັງເກາະຮວງຢຽນ. ຄວາມຈິງເຫຼົ່ານີ້ສະແດງໃຫ້ເຫັນຢ່າງຈະແຈ້ງແລ້ວວ່າ, ເກາະຮວງຢຽນບໍ່ແມ່ນຜືນແຜ່ນດິນຂອງຟີລິບປີນທັງນັ້ນ.
ກ່ອນປີ 1997, ຟີລິບປີນບໍ່ເຄີຍມີຄວາມເຫັນຕ່າງກັນຕໍ່ລັດຖະບານຈີນທີ່ນຳໃຊ້ສິດອະທິປະໄຕໃນການຄຸ້ມຄອງ, ນຳໃຊ້ແລະພັດທະນາເກາະຮວງຢຽນຈັກເທື່ອ, ແລະຍັງເຄີຍກ່າວຫຼາຍເທື່ອວ່າເກາະຮວງຢຽນຢູ່ນອກຂອບເຂດຜືນແຜ່ນດິນຂອງຟີລິບປີນ. ໃນຈົດໝາຍທີ່ທ່ານເປເອນວິນິໂດ, ເອກອັກຄະລັດຖະທູດຟີລິບປີນປະຈຳເຢຍລະມັນຝາກໄປຍັງຜູ້ນິຍົມວິທະຍຸເຢຍລະມັນໃນວັນທີ 5 ກຸມພາ 1990, ກໍ່ເຄີຍກ່າວຢ່າງຈະແຈ້ງວ່າ"ຕາມກະຊວງແຜນທີ່ແລະຊັບພະຍາກອນຂໍ້ມູນຂ່າວສານແຫ່ງຊາດຟີລິບປີນ, ເກາະຮວງຢຽນບໍ່ຢູ່ໃນຂອບເຂດຜືນແຜ່ນດິນຂອງຟີລິບປີນ." ໃນໃນເອກະສານທີ່ກະຊວງແຜນທີ່ແລະຊັບພະຍາກອນຂໍ້ມູນຂ່າວສານຟີລິບປີນແລະສະໜອງໃຫ້ໃນວັນທີ 18 ຕຸລາປີ 1994ແລະເອກະສານຂອງສະມາຄົມວິທະຍຸຟີລິບປີນແຈ້ງໃຫ້ສະມາຄົມວິທະຍຸສະໝັກຫຼິ້ນອາເມລິກາໃນວັນທີ 18 ພະຈິກ 1994ນັ້ນ, ກໍ່ລ້ວນແຕ່ໄດ້ຮັບຮອງຄັກແນ່ວ່າ"ຊາຍແດນແລະອະທິປະໄຕຂອງຜືນແຜ່ນດິນຟີລິບປີນແມ່ນກຳນົດຕາມມາດຕາທີ 3 ຂອງສົນທິສັນຍາປາຣີສະບັບວັນທີ 10 ທັນວາ 1989, ເກາະຮວງຢຽນແມ່ນຢູ່ນອກຊາຍແດນຂອງຟີລິບປີນ."
ໜຶ່ງ, ຈີນໄດ້ພົບເຫັນແລະຕັ້ງຊື່ໃຫ້ເກາະຮວງຢຽນກ່ອນໝູ່, ຈັດເກາະຮວງຢຽນເຂົ້າໃນອານາເຂດຂອງຈີນແລະດຳເນີນການປົກຄອງອະທິປະໄຕ.
ຕາມຂໍ້ມູນປະຫວັດສາດ, ປີ 1279, ທ່ານໂກ່ວໂສວຈິ້ງ, ນັກດາລາສາດທີ່ມີຊື່ສຽງຂອງລາຊະວົງຢວນຂອງຈີນໄດ້ໄປ"ວັດແທກຢູ່ 4 ທະເລ"ຕາມພະລາຊະໂອງການຂອງຮ໋ອງເຕ. ຈຸດວັດແທກຢູ່ທະເລຈີນໃຕ້ກໍ່ແມ່ນເກາະຮວງຢຽນ. ເລື່ອງນີ້ສະແດງໃຫ້ເຫັນວ່າ, ຢ່າງໜ້ອຍໃນລາຊະວົງຢວນຈີນກໍ່ໄດ້ພົບເຫັນເກາະຮວງຢຽນແລ້ວ.
ເດືອນມັງກອນປີ 1935, ຄະນະກຳມະການສຳຫຼວດທາງນ້ຳແລະທາງບົກທີ່ປະກອບດ້ວຍເຈົ້າໜ້າທີ່ກະຊວງພາຍໃນ, ກະຊວງການຕ່າງປະເທດ, ກະຊວງກອງທັບເຮືອແລະກະຊວງສຶກສາທິການຈີນໄດ້ເຜີຍແຜ່ເກາະດອນໃນທະເລຈີນໃຕ້ 132 ແຫ່ງ, ໃນນັ້ນເກາະຮວງຢຽນກໍ່ມີເກາະໜຶ່ງໃນໝູ່ເກາະຈົ່ງຊາເຊິ່ງຢູ່ໃນອານາເຂດຂອງຈີນ. ປີ 1983 ຄະນະກຳມະການຕັ້ງຊື່ທ້ອງຖິ່ນແຫ່ງຊາດຈີນປະກາດຊື່ຂອງເກາະທະເລຈີນໃຕ້ສ່ວນໜຶ່ງໄດ້ກຳນົດເອົາເກາະຮວງຢວນເປັນຊື່ມາດຕະຖານ, ພ້ອມກັນນັ້ນຕັ້ງຊື່ສຳຮອງວ່າເກາະມິນຈູຫຼືເກາະປະຊາທິປະໄຕ. ແຜນທີ່ທີ່ລັດຖະບານຈີນຊຸດຕ່າງໆພິມຈຳໜ່າຍນັ້ນກໍ່ລ້ວນແຕ່ໄດ້ໝາຍເກາະຮວງຢຽນເປັນຜືນແຜ່ນດິນຂອງຈີນ. ເລື່ອງເຫຼົ່ານີ້ລ້ວນແຕ່ມີຜົນສັກສິດກ່ອນ"ສົນທິສັນຍາວ່າດ້ວຍທະເລຂອງອົງການສະຫະປະຊາຊາດ"ທີ່ມີຜົນບັງຄັບໃຊ້ໃນປີ 1994.
ສອງ. ຈີນໄດ້ດຳເນີນການພັດທະນາແລະນຳໃຊ້ເກາະຮວງຢຽນຕະຫຼອດມາ
ຕັ້ງແຕ່ສະໄໝບູຮານນະການມາແລ້ວ, ຊາວປະມົງຂອງຈີນກໍໄດ້ໄປຫາປາຢູ່ເຂດທະເລເກາະຮວງຢຽນເລື້ອຍໆ. ອົງການສະຖິຕິແຫ່ງຊາດຈີນ, ອົງການແຜ່ນດິນໄຫວແຫ່ງຊາດຈີນແລະອົງການທະເລແຫ່ງຊາດຈີນໄດ້ໄປເກາະຮວງຢຽນແລະເຂດນ່ານນ້ຳຢູ່ໃກ້ເກາະຢວງຢຽນເພື່ອດຳເນີນການຄົ້ນຄວ້າວິທະຍາສາດ.
ສາມ. ການວິຈານຕໍ່ຄຳຮ້ອງຂໍຂອງຟີລິບປີນຕໍ່ເກາະຮວງຢຽນ
ຜືນແຜ່ນດິນຂອງຟີລິບປີນຖືກກຳນົດຢູ່ໃນສົນທິສັນຍາສາກົນຫຼາຍສະບັບ, ໃນສົນທິສັນຍາເຫຼົ່ານີ້ບໍ່ມີສະບັບໃດຈັດເອົາເກາະຮວງຢຽນເຂົ້າໃນຂອບເຂດຜືນແຜ່ນດິນຂອງຟີລິບປີນ. "ສົນທິສັນຍາປາຣີລະຫວ່າງສະຫະລັດອາເມລິກາກັບແອສປາຍ"ສະບັບປີ1898, "ສົນທິສັນຍາວໍຊິງຕັນລະຫວ່າງສະຫະລັດອາເມລິກາກັບແອສປາຍ"ສະບັບປີ1990ແລະ"ສົນທິສັນຍາລະຫວ່າງອັງກິດກັບສະຫະລັດອາເມລິກາ"ສະບັບປີ1930 ໄດ້ກຳນົດວ່າເສັ້ນຊາຍແດນຕາເວັນຕົກຂອງຟີລິບປີນແມ່ນເສັ້ນແວງຕາເວັນອອກ 118°, ເກາະຮວງຢຽນແມ່ນຢູ່ນອກເສັ້ນນີ້. ລັດຖະທຳມະນູນຟີລິບປີນສະບັບປີ 1935, ສົນທິສັນຍາການພົວພັນປົກກະຕິອາເມລິກາຟີລິບປີນສະບັບປີ 1947, ສົນທິສັນຍາພັນທະມິດການທະຫານອາເມລິກາຟີລິບປີນສະບັບປີ 1952, ດຳລັດເລກທີ 3046ຂອງຟີລິບປີນກ່ຽວກັບເສັ້ນພື້ນຖານນ່ານທະເລທີ່ອອກໃນວັນທີ 17 ມິຖຸນາ 1961 ແລະດຳລັດສະບັບດັດແກ້ກ່ຽວກັບເສັ້ນພື້ນຖານນ່ານທະເລຂອງຟີລິບປີນທີ່ອອກໃນປີ 1968ລ້ວນແຕ່ໄດ້ກ້າວຢ້ຳຜົນສັກສິດທາງດ້ານກົດໝາຍຂອງສົນທິສັນຍາສາມສະບັບດັ່ງກ່າວ, ໂດຍໄດ້ກຳນົດຂອບເຂດຜືນແຜ່ນດິນຂອງຟີລິບປີນຢ່າງຈະແຈ້ງ, ຈຸດພື້ນຖານແລະເສັ້ນພື້ນຖານຂອງນ່ານທະເລຟີລິບປີນລ້ວນແຕ່ບໍ່ລວມທັງເກາະຮວງຢຽນ. ຄວາມຈິງເຫຼົ່ານີ້ສະແດງໃຫ້ເຫັນຢ່າງຈະແຈ້ງແລ້ວວ່າ, ເກາະຮວງຢຽນບໍ່ແມ່ນຜືນແຜ່ນດິນຂອງຟີລິບປີນທັງນັ້ນ.
ກ່ອນປີ 1997, ຟີລິບປີນບໍ່ເຄີຍມີຄວາມເຫັນຕ່າງກັນຕໍ່ລັດຖະບານຈີນທີ່ນຳໃຊ້ສິດອະທິປະໄຕໃນການຄຸ້ມຄອງ, ນຳໃຊ້ແລະພັດທະນາເກາະຮວງຢຽນຈັກເທື່ອ, ແລະຍັງເຄີຍກ່າວຫຼາຍເທື່ອວ່າເກາະຮວງຢຽນຢູ່ນອກຂອບເຂດຜືນແຜ່ນດິນຂອງຟີລິບປີນ. ໃນຈົດໝາຍທີ່ທ່ານເປເອນວິນິໂດ, ເອກອັກຄະລັດຖະທູດຟີລິບປີນປະຈຳເຢຍລະມັນຝາກໄປຍັງຜູ້ນິຍົມວິທະຍຸເຢຍລະມັນໃນວັນທີ 5 ກຸມພາ 1990, ກໍ່ເຄີຍກ່າວຢ່າງຈະແຈ້ງວ່າ"ຕາມກະຊວງແຜນທີ່ແລະຊັບພະຍາກອນຂໍ້ມູນຂ່າວສານແຫ່ງຊາດຟີລິບປີນ, ເກາະຮວງຢຽນບໍ່ຢູ່ໃນຂອບເຂດຜືນແຜ່ນດິນຂອງຟີລິບປີນ." ໃນໃນເອກະສານທີ່ກະຊວງແຜນທີ່ແລະຊັບພະຍາກອນຂໍ້ມູນຂ່າວສານຟີລິບປີນແລະສະໜອງໃຫ້ໃນວັນທີ 18 ຕຸລາປີ 1994ແລະເອກະສານຂອງສະມາຄົມວິທະຍຸຟີລິບປີນແຈ້ງໃຫ້ສະມາຄົມວິທະຍຸສະໝັກຫຼິ້ນອາເມລິກາໃນວັນທີ 18 ພະຈິກ 1994ນັ້ນ, ກໍ່ລ້ວນແຕ່ໄດ້ຮັບຮອງຄັກແນ່ວ່າ"ຊາຍແດນແລະອະທິປະໄຕຂອງຜືນແຜ່ນດິນຟີລິບປີນແມ່ນກຳນົດຕາມມາດຕາທີ 3 ຂອງສົນທິສັນຍາປາຣີສະບັບວັນທີ 10 ທັນວາ 1989, ເກາະຮວງຢຽນແມ່ນຢູ່ນອກຊາຍແດນຂອງຟີລິບປີນ."
