ຜູ້ຂຽນບົດຄວາມ《ເກາະຫວງຢຽນຂຶ້ນກັບຈີນ》ຂອງຟີລິບປິນກ່າວວ່າ,ຂ້ອຍພຽງແຕ່ເວົ້າຕາມຄວາມເປັນຈີງທີ່ຈະແຈ້ງ
(GMT+08:00) 2012-05-10 16:27:48 cri
ຕາມຂ່າວສານຊີນຮວາ:ໜັງສືພິມ《ມະນີລາ ສແຕນດາດ ທູເດ》ຂອງຟີລິບປິນສະບັບວັນທີ 28 ເມສາແລ້ວນີ້ໄດ້ລົງພິມບົດຄວາມທີ່ລົງນາມຂອງທ່ານວິກຕໍ ອາເຊັສ,ນັກລົງທຶນຟີລິບປິນທີ່ມີຫົວຂໍ້ວ່າ《ເກາະຫວງຢຽນຂຶ້ນກັບຈີນ》,ເຫັນວ່າ,ເກາະຫວງຢຽນແມ່ນຂຶ້ນກັບຈີນແທ້ໆ,ເຈດຈຳນົງຂອງຟີລິບປິນບໍ່ສາມາດປ່ຽນແປງຄວາມຈີງດັ່ງກ່າວໄດ້.ເມື່ອບໍ່ດົນມານີ້,ໃນເວລາທ່ານວິກຕໍ ອາເຊັສໃຫ້ສຳພາດຕໍ່ນັກຂ່າວ,ທ່ານກ່າວວ່າ,"ຂ້ອຍບໍ່ຢ້ານລັດຖະບານ,ຫຼັກໝັ້ນຂອງຂ້ອຍແມ່ນມີຫຼັກອ້າງອີງທີ່ເປັນຄວາມຈີງ,ຂ້ອຍພຽງແຕ່ເວົ້າຕາມຄວາມເປັນຈີງທີ່ຈະແຈ້ງເທົ່ານັ້ນ."
ບົດຄວາມ《ເກາະຫວງຢຽນຂຶ້ນກັບຈີນ》ຊີ້ໃຫ້ເຫັນຄວາມຈີງຫຼາຍຂໍ້ເຊັ່ນ ລາຊະວົງຢວນຂອງຈີນໄດ້ຂີດໝາຍໃນແຜນທີ່ເກາະຫວງຢຽນເມື່ອປີ 1279,ການບັນທຶກຕໍ່ເກາະຫວງຢຽນໃນເອກະສານສຳຫຼວດວິທະຍາສາດຍຸກປະຈຸບັນແລະສະໄໝໃໝ່ຂອງຈີນແລະອື່ນໆ,ໄດ້ຢືນຢັນວ່າເກາະຫວງຢຽນແມ່ນຂຶ້ນກັບຈີນແທ້ໆ.
ເມື່ອເວົ້າເຖິງເປັນຫຍັງຈຶ່ງຂຽນບົດຄວາມນີ້,ທ່ານອາເຊັສກ່າວວ່າ,ທ່ານເຮັດແນວນີ້ແມ່ນເພື່ອບອກໃຫ້ຜູ້ອ່ານຮູ້ວ່າ,ໃນບັນຫາເກາະຫວງຢຽນ,ເນື້ອໃນທີ່ໜັງສືພິມຟີລິບປິນຂຽນນັ້ນແມ່ນບໍ່ມີມູນຄວາມຈີງ.
ທ່ານອາເຊັສກ່າວວ່າ,ທ່ານເຄີຍໄປຢ້ຽມຢາມແຜ່ນດິນໃຫຍ່ຈີນແລະໄຕ້ຫວັນຂອງຈີນຫຼາຍເທື່ອ,ແລະເຄີຍໄປຮອດປັກກິ່ງ,ຊຽງໄຮ້,ກວາງໂຈ່ວ,ເຊ້ຍເໝິນແລະເຊິ່ນເຈິ້ນ.ທ່ານແລະຄອບຄົວຂອງທ່ານລ້ວນແຕ່ມັກຈີນ,ຈີນແລະປະຊາຊົນຈີນໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ເຂົາເຈົ້າ.ແຕ່ທ່ານບໍ່ໄດ້ດຳເນີນທຸລະກິດໃດໆຢູ່ຈີນ.
ທ່ານອາເຊັສເຫັນວ່າ,ການກະທຳຂອງລັດຖະບານຟີລິບປິນທີ່ຮຽກຮ້ອງໃຫ້ຈີນເຫັນດີຍື່ນບັນຫາເກາະຫວງຢຽນໃຫ້ສານກົດໝາຍທະເລສາກົນຕັດສິນນັ້ນແມ່ນບໍ່ຊອບດ້ວຍກົດໝາຍ.ທ່ານກ່າວວ່າ,ໃນສະພາບທີ່ອັດຕາສະໜັບສະໜູນຫຼຸດຕ່ຳລົງແລະຄວາມໄວ້ເນື້ອເຊື່ອໃຈຈາກປະຊາຊົນຫຼຸດໜ້ອຍລົງເປັນກ້າວໆ,ລັດຖະບານອາກີໂນພວມເຈດຕະນາໃຊ້ຮູບການນີ້ມາຍາດການສະໜັບສະໜູນຄືນຈາກປະຊາຊົນຟີລິບປິນ.