ເອກອັກຄະລັດຖະທູດຈີນປະຈຳອາຊຽນກ່າວວ່າເຫດການເກາະຫວງຢຽນຈະສ້າງຄວາມເສຍຫາຍໃຫ້ແກ່ການພົວພັນສອງຝ່າຍຈີນແລະຟີລິບປິນຊຶ່ງລວມທັງການພົວພັນທາງດ້ານເສດຖະກິດການຄ້າ
(GMT+08:00) 2012-05-10 15:54:32 cri
ຟີລິບປິນກໍ່ເລື່ອງກໍ່ລາວຢູ່ເຂດທະເລເກາະຫວງຢຽນຂອງຈີນມາໄດ້ເກືອບ1ເດືອນແລ້ວ.ທ່ານນາງຖົງສ້ຽວຫຼິງ ເອກອັກຄະລັດຖະທູດຈີນປະຈຳອາຊຽນໃຫ້ສຳພາດຕໍ່ນັກຂ່າວCRIໃນວັນທີ8ພຶດສະພານີ້ວ່າ:ຖ້າວ່າລັດຖະບານຟີລິບປິນເຮັດຕາມລຳພັງໃຈໃນເຫດການເກາະຫວງຢຽນ,ມັນຈະສ້າງຜົນເສຍຫາຍໃຫ້ແກ່ການພົວພັນລະຫວ່າງສອງຝ່າຍຈີນຟີລິບປິນຊຶ່ງລວມທັງການພົວພັນທາງດ້ານເສດຖະກິດການຄ້າ.
ຕາມສະຖິຕິ: ມູນຄ່າການຄ້າລະຫວ່າງຟີລິບປິນກັບຈີນໃນປີ2011ຜ່ານມາມີຫຼາຍກວ່າ30ຕື້ໂດລາຊຶ່ງສ້າງສະຖິຕິສູງສຸດເທື່ອໃໝ່ໃນປະຫວັດສາດ.ໃນຕົ້ນປີນີ້, ລັດຖະມົນຕີຊ່ວຍວ່າການກະຊວງອຸດສາຫະກຳການຄ້າຂອງຟີລິບປິນກ່າວວ່າ,ຟີລິບປິນຈະປັບປຸງທິດທາງການສົ່ງອອກສິນຄ້າ,ຈະຫັນຈຸດສຸມໃນການສົ່ງອອກສິນຄ້າຈາກເອີລົບແລະອາເມລິກາໄປສູ່ຈີນພ້ອມດ້ວຍອົງກອນເສດຖະກິດອື່ນໆທີ່ໄດ້ລົງນາມໃນສັນຍາເຂດການຄ້າເສລີ.ນັກທຸລະກິດຟີລິບປິນຄາດຄະເນວ່າ:ຈີນຈະກາຍເປັນຕະຫຼາດເປົ້າໝາຍໃນການສົ່ງອອກສິນຄ້າທີ່ໃຫຍ່ທີ່ສຸດຂອງຟີລິບປິນໃນປີ2016.
ຫາງສຽງໄດ້ເຫັນວ່າ:ປະທານສະມາຄົມນັກທຸລະກິດການປູກກ້ວຍຫອມແລະການສົ່ງອອກກ້ວຍຫອມຂອງຟີລິບປິນກ່າວໃນຫວ່າງບໍ່ດົນມານີ້ວ່າ,ໄລຍະມໍ່ໆມານີ້,ໃນເວລາຟີລິບປິນສົ່ງອອກກ້ວຍຫອມງວດໜຶ່ງໄປຈີນນັ້ນບໍ່ສາມາດຜ່ານການກວດກາພະຍາດຂອງຈີນໄດ້.ທ່ານກ່າວວ່າ,ກ້ວຍຫອມ75ລ້ານແກັດທີ່ຟີລິບປິນສົ່ງອອກໄປຕ່າງປະເທດໃນແຕ່ລະປີນັ້ນ,ມີຫຼາຍກວ່າເຄິ່ງໜຶ່ງແມ່ນສົ່ງໄປປະເທດຈີນ.ຖ້າວ່າສູນເສຍຕະຫຼາດຈີນ,ອຸດສາຫະກຳການຜະລິດກ້ວຍຫອມຂອງຟີລິບປິນຈະໄດ້ຮັບຜົນເສຍຫາຍຢ່າງໜັກໜ່ວງ.ບັນຫາເກາະຫວງຢຽນອາດຈະສ້າງຜົນເສຍຫາຍໃຫ້ແກ່ການພົວພັນການຄ້າລະຫວ່າງຟີລິບປິນກັບຈີນ.
ກ່ຽວກັບເລື່ອງທີ່ກ້ວຍຫອມຂອງຟີລິບປິນບໍ່ສາມາດຜ່ານການກວດກາພະຍາດຂອງຈີນໃນເທື່ອນີ້,ທ່ານນາງຖົງສ້ຽວຫຼີງ ເອກອັກຄະລັດຖະທູດຈີນປະຈຳອາຊຽນກ່າວວ່າ:"ເລື່ອງນີ້ແມ່ນເລື່ອງປົກກະຕິແລະເກີດຂຶ້ນເລື້ອຍໆໃນເສດຖະກິດການຄ້າ.ຂ້າພະເຈົ້າເຫັນວ່າບໍ່ຄວນເອົາເຫດການນີ້ໄປພົວພັນກັບເຫດການເກາະຫວງຢຽນ.ຂ້າພະເຈົ້າເຊື່ອໝັ້ນວ່າພາກສ່ວນເສດຖະກິດການຄ້າແລະອົງການກວດກາພະຍາດຂອງຈີນຈະອີງຕາມກົດໝາຍທີ່ກ່ຽວຂ້ອງຂອງຈີນກໍ່ຄືທຳນຽມສາກົນໃນການແກ້ໄຂບັນຫາສິນຄ້າ."
ທ່ານນາງຖົງສ້ຽວຫຼິງຍັງກ່າວຕື່ມອີກວ່າ:"ຫາກສະຖານະການຢູ່ເກາະຫວງຢຽນສືບຕໍ່ຂະຫຍາຍກວ້າງອອກ,ມັນຈະສ້າງຜົນສະທ້ອນຕໍ່ການພົວພັນລະຫວ່າງຈີນກັບຟີລິບປິນໃນທຸກດ້ານຫຼືບໍ່ນັ້ນ,ຂ້າພະເຈົ້າຄິດວ່າມັນເປັນເລື່ອງທີ່ແນ່ນອນ.ທ່າທີແລະຫຼັກໝັ້ນຂອງລັດຖະບານຈີນໃນປະຈຸບັນແມ່ນຈະແຈ້ງທີ່ສຸດ,ຈີນຍັງສືບຕໍ່ສຸມກຳລັງໃນການຊອກຫາວິທີທາງການທູດເພື່ອແກ້ໄຂເຫດການເກາະຫວງຢຽນ,ແລະກໍ່ຫວັງວ່າສະຖານະການຢູ່ເຂດເກາະຫວງຢຽນຈະສາມາດກັບຄືນສູ່ຄວາມສະຫງົບໂດຍໄວ.ສ່ວນກ່ຽວກັບການພົວພັນທາງດ້ານເສດຖະກິດການຄ້າແລະການພົວພັນອື່ນໆ,ຖ້າວ່າການພົວພັນລະຫວ່າງຈີນກັບຟີລິບປິນໄດ້ຮັບຜົນກະທົບຍ້ອນເຫດການເກາະຫວງຢຽນ,ຄິດວ່າຄົງຈະສະແດງອອກມາຢ່າງຈະແຈ້ງໃນທຸກໆດ້ານ."
ຕາມສະຖິຕິ: ມູນຄ່າການຄ້າລະຫວ່າງຟີລິບປິນກັບຈີນໃນປີ2011ຜ່ານມາມີຫຼາຍກວ່າ30ຕື້ໂດລາຊຶ່ງສ້າງສະຖິຕິສູງສຸດເທື່ອໃໝ່ໃນປະຫວັດສາດ.ໃນຕົ້ນປີນີ້, ລັດຖະມົນຕີຊ່ວຍວ່າການກະຊວງອຸດສາຫະກຳການຄ້າຂອງຟີລິບປິນກ່າວວ່າ,ຟີລິບປິນຈະປັບປຸງທິດທາງການສົ່ງອອກສິນຄ້າ,ຈະຫັນຈຸດສຸມໃນການສົ່ງອອກສິນຄ້າຈາກເອີລົບແລະອາເມລິກາໄປສູ່ຈີນພ້ອມດ້ວຍອົງກອນເສດຖະກິດອື່ນໆທີ່ໄດ້ລົງນາມໃນສັນຍາເຂດການຄ້າເສລີ.ນັກທຸລະກິດຟີລິບປິນຄາດຄະເນວ່າ:ຈີນຈະກາຍເປັນຕະຫຼາດເປົ້າໝາຍໃນການສົ່ງອອກສິນຄ້າທີ່ໃຫຍ່ທີ່ສຸດຂອງຟີລິບປິນໃນປີ2016.
ຫາງສຽງໄດ້ເຫັນວ່າ:ປະທານສະມາຄົມນັກທຸລະກິດການປູກກ້ວຍຫອມແລະການສົ່ງອອກກ້ວຍຫອມຂອງຟີລິບປິນກ່າວໃນຫວ່າງບໍ່ດົນມານີ້ວ່າ,ໄລຍະມໍ່ໆມານີ້,ໃນເວລາຟີລິບປິນສົ່ງອອກກ້ວຍຫອມງວດໜຶ່ງໄປຈີນນັ້ນບໍ່ສາມາດຜ່ານການກວດກາພະຍາດຂອງຈີນໄດ້.ທ່ານກ່າວວ່າ,ກ້ວຍຫອມ75ລ້ານແກັດທີ່ຟີລິບປິນສົ່ງອອກໄປຕ່າງປະເທດໃນແຕ່ລະປີນັ້ນ,ມີຫຼາຍກວ່າເຄິ່ງໜຶ່ງແມ່ນສົ່ງໄປປະເທດຈີນ.ຖ້າວ່າສູນເສຍຕະຫຼາດຈີນ,ອຸດສາຫະກຳການຜະລິດກ້ວຍຫອມຂອງຟີລິບປິນຈະໄດ້ຮັບຜົນເສຍຫາຍຢ່າງໜັກໜ່ວງ.ບັນຫາເກາະຫວງຢຽນອາດຈະສ້າງຜົນເສຍຫາຍໃຫ້ແກ່ການພົວພັນການຄ້າລະຫວ່າງຟີລິບປິນກັບຈີນ.
ກ່ຽວກັບເລື່ອງທີ່ກ້ວຍຫອມຂອງຟີລິບປິນບໍ່ສາມາດຜ່ານການກວດກາພະຍາດຂອງຈີນໃນເທື່ອນີ້,ທ່ານນາງຖົງສ້ຽວຫຼີງ ເອກອັກຄະລັດຖະທູດຈີນປະຈຳອາຊຽນກ່າວວ່າ:"ເລື່ອງນີ້ແມ່ນເລື່ອງປົກກະຕິແລະເກີດຂຶ້ນເລື້ອຍໆໃນເສດຖະກິດການຄ້າ.ຂ້າພະເຈົ້າເຫັນວ່າບໍ່ຄວນເອົາເຫດການນີ້ໄປພົວພັນກັບເຫດການເກາະຫວງຢຽນ.ຂ້າພະເຈົ້າເຊື່ອໝັ້ນວ່າພາກສ່ວນເສດຖະກິດການຄ້າແລະອົງການກວດກາພະຍາດຂອງຈີນຈະອີງຕາມກົດໝາຍທີ່ກ່ຽວຂ້ອງຂອງຈີນກໍ່ຄືທຳນຽມສາກົນໃນການແກ້ໄຂບັນຫາສິນຄ້າ."
ທ່ານນາງຖົງສ້ຽວຫຼິງຍັງກ່າວຕື່ມອີກວ່າ:"ຫາກສະຖານະການຢູ່ເກາະຫວງຢຽນສືບຕໍ່ຂະຫຍາຍກວ້າງອອກ,ມັນຈະສ້າງຜົນສະທ້ອນຕໍ່ການພົວພັນລະຫວ່າງຈີນກັບຟີລິບປິນໃນທຸກດ້ານຫຼືບໍ່ນັ້ນ,ຂ້າພະເຈົ້າຄິດວ່າມັນເປັນເລື່ອງທີ່ແນ່ນອນ.ທ່າທີແລະຫຼັກໝັ້ນຂອງລັດຖະບານຈີນໃນປະຈຸບັນແມ່ນຈະແຈ້ງທີ່ສຸດ,ຈີນຍັງສືບຕໍ່ສຸມກຳລັງໃນການຊອກຫາວິທີທາງການທູດເພື່ອແກ້ໄຂເຫດການເກາະຫວງຢຽນ,ແລະກໍ່ຫວັງວ່າສະຖານະການຢູ່ເຂດເກາະຫວງຢຽນຈະສາມາດກັບຄືນສູ່ຄວາມສະຫງົບໂດຍໄວ.ສ່ວນກ່ຽວກັບການພົວພັນທາງດ້ານເສດຖະກິດການຄ້າແລະການພົວພັນອື່ນໆ,ຖ້າວ່າການພົວພັນລະຫວ່າງຈີນກັບຟີລິບປິນໄດ້ຮັບຜົນກະທົບຍ້ອນເຫດການເກາະຫວງຢຽນ,ຄິດວ່າຄົງຈະສະແດງອອກມາຢ່າງຈະແຈ້ງໃນທຸກໆດ້ານ."
