ຜູ່ຊ່ຽວຊານເຫັນວ່າຈີນແມ່ນຜູ່ມີສ່ວນຮ່ວມຢ່າງຕັ້ງໜ້າໃນການຊຸກຍູ້ການຮ່ວມມືໃນອະນຸພາກພື້ນແມ່ນ້ຳຂອງ
(GMT+08:00) 2012-07-05 15:55:12 cri
ປີນີ້ແມ່ນກົນໄກຮ່ວມມືທາງດ້ານເສດຖະກິດອະນຸພາກພື້ນແມ່ນ້ຳຂອງສ້າງຕັ້ງຂຶ້ນຄົບຮອບ20ປີ,ບົດລາຍງານກ່ຽວກັບການຮ່ວມມືແລະການພັດທະນາອະນຸພາກພື້ນແມ່ນ້ຳຂອງປີ2012ໄດ້ທຳການເຜີຍແຜ່ ຢູ່ປັກກິ່ງໃນວັນທີ4ກໍລະກົດນີ້,ຜູ່ຊ່ຽວຊານທີ່ຄົ້ນຄວ້າບັນຫາກ່ຽວກັບອະນຸພາກພື້ນແມ່ນ້ຳຂອງເຫັນວ່າ,ອະນຸພາກພື້ນແມ່ນ້ຳຂອງແມ່ນອະນຸພາກພື້ນທຳອິດທີ່ຈີນດຳເນີນການຮ່ວມມືກັບປະເທດອ້ອມຂ້າງແລະເຂດແຄວ້ນໂດຍໄດ້ຮັບຜົນສຳເລັດທີ່ພົ້ນເດັ່ນກວ່າໝູ່.ໃນ20ປີຜ່ານມາ,ຈີນແມ່ນຜູ່ມີສ່ວນຮ່ວມຢ່າງຕັ້ງໜ້າໃນການຊຸກຍູ້ການຮ່ວມມືໃນອະນຸພາກພື້ນມາໂດຍຕະຫຼອດ.
ທ່ານຢາງປາວຈຸ່ນ ຊ່ຽວຊານທີ່ຄົ້ນຄວ້າບັນຫາກ່ຽວກັບອະນຸພາກພື້ນແມ່ນ້ຳຂອງ,ຮອງຫົວໜ້າສູນຄົ້ນຄວ້າອາຊີຕາເວັນອອກສຽງໃຕ້ຂອງມະຫາວິທະຍາໄລປັກກິ່ງເຄີຍໄປສຳຫຼວດຄົ້ນຄວ້າຢູ່ເຂດລ້ອງແມ່ນ້ຳຂອງຫຼາຍເທື່ອ,ທ່ານເຫັນວ່າ,ການຮ່ວມມືໃນອະນຸພາກພື້ນແມ່ນ້ຳຂອງໄດ້ຮັບຜົນສຳເລັດທີ່ດີ.
"ໂດຍຢູ່ພາຍໃຕ້ການທຳຄວາມພະຍາຍາມຮ່ວມຂອງຈີນແລະປະເທດທີ່ກ່ຽວຂ້ອງໃນຫຼາຍປີຜ່ານມາ,ໂຄງການການຮ່ວມມືໃນອະນຸພາກພື້ນແມ່ນ້ຳຂອງໄດ້ຮັບຜົນສຳເລັດຈຳນວນໜຶ່ງໂດຍສະເພາະໃນດ້ານການພັດທະນາແມ່ນ້ຳຂອງໄດ້ຮັບຜົນສຳເລັດຕົວຈິງບໍ່ໜ້ອຍຊຶ່ງລວມທັງການປັບປຸງທາງເດີນເຮືອ,ການເພີ່ມຄວາມສາມາດໃນການຂົນສົ່ງທາງນ້ຳ,ການແລກປ່ຽນດ້ານເສດຖະກິດແລະວັດທະນະທຳແລະອື່ນໆ.ກົນໄກຮ່ວມມືອັນນີ້ໄດ້ສ່ອງແສງໃຫ້ເຫັນເຖິງຄວາມພະຍາຍາມຂອງຈີນໃນການພິຈາລະນາເພີ່ມທະວີການຮ່ວມມືກັບປະເທດອ້ອມຂ້າງ,ຈີນໄດ້ປະກອບສ່ວນຢ່າງຫຼວງຫຼາຍ,ເງິນທຶນຈຳນວນຫຼວງຫຼາຍລ້ວນແຕ່ແມ່ນຈີນເປັນຜູ່ລົງທຶນ,ແຕ່ວ່າຈີນບໍ່ໄດ້ສະແຫວງຫາຖານະເປັນຜູ່ນຳພາໃນກົນໄກນີ້."
ບົດລາຍງານທີ່ປະກາດໃນວັນທີ4ກໍລະກົດນີ້ຂຽນວ່າ:ຈີນແມ່ນຜູ່ມີສ່ວນຮ່ວມຢ່າງຕັ້ງໜ້າໃນການຊຸກຍູ້ການຮ່ວມມືໃນອະນຸພາກພື້ນແມ່ນ້ຳຂອງມາໂດຍຕະຫຼອດ.ຈີນຕັ້ງໜ້າຊຸກຍູ້ແລະໃຫ້ທຶນຊ່ວຍເຫຼືອໃນການກໍ່ສ້າງພື້ນຖານໂຄງລ່າງຕ່າງໆເຊັ່ນແລວທາງເສດຖະກິດເໜືອໃຕ້ຊຶ່ງລວມທັງອະນຸແລວທາງຄຸນມິງ-ບາງກອກ,ແລວທາງຄຸນມິງ-ຮ່າໂນ້ຍແລະອະນຸແລວທາງໜານນິງ-ຮ່າໂນ້ຍ,ແລະຈີນກໍ່ໃຫ້ຄວາມສຳຄັນຫຼາຍໃນການພັດທະນາຊັບພະຍາກອນມະນຸດຂອງອະນຸພາກພື້ນແມ່ນ້ຳຂອງ,ຂະໜາດການຄ້າແລະການລົງທຶນລະຫວ່າງຈີນກັບ5ປະເທດໃນອະນຸພາກພື້ນກໍ່ນັບມື້ນັບເພີ່ມຫຼາຍຂຶ້ນ,ກາຍເປັນແຫຼ່ງທຶນແລະຄູ່ຮ່ວມມືການຄ້າທີ່ສຳຄັນຂອງ5ປະເທດນີ້.ປີ2011ຜ່ານມາ,ຍອດມູນຄ່າການຄ້າລະຫວ່າງຈີນກັບ5ປະເທດໃນອະນຸພາກພື້ນໄດ້ຫຼາຍກວ່າ100ຕື້ໂດລາ.
ທ່ານຢາງປາວຈຸ່ນ ຮອງຫົວໜ້າສູນຄົ້ນຄວ້າອາຊີຕາເວັນອອກສຽງໃຕ້ຂອງມະຫາວິທະຍາໄລປັກກິ່ງກ່າວວ່າ:ຖ້າຢາກຍາດໄດ້ຜົນສຳເລັດທີ່ຫຼາຍກວ່າເກົ່ານັ້ນຍັງຕ້ອງການໃຫ້ຝ່າຍຕ່າງໆພະຍາຍາມຮ່ວມກັນໃຫ້ແໜ້ນແຟ້ນກວ່າເກົ່າ.
"ການຮ່ວມມືໃນອະນຸພາກພື້ນສາມາດໄດ້ຮັບຜົນສຳເລັດຫຼາຍກວ່າເກົ່າ,ແຕ່ວ່າຍ້ອນໄດ້ຮັບຜົນກະທົບຈາກປັດໄຈຕ່າງໆຫຼາຍຢ່າງ,ຈິ່ງຕ້ອງການໃຫ້ຝ່າຍຕ່າງໆທຳຄວາມພະຍາຍາມຮ່ວມກັນ,ເຮັດໃຫ້ກົນໄກຮ່ວມມືຕາມລຳແມ່ນ້ຳຂອງທີ່ເປັນລຳແມ່ນ້ຳຄຳໄດ້ຮັບຜົນສຳເລັດຫຼາຍກວ່າເກົ່າ.ຫຼາຍປະເທດທີ່ຢູ່ນອກອະນຸພາກພື້ນແມ່ນ້ຳຂອງໄດ້ພິຈາລະນາເຖິງຜົນປະໂຫຍດຂອງເຂົາເຈົ້າເອງຈິ່ງມີການຕີລາຄາບາງຢ່າງທີ່ບໍ່ຖືກຕາມມູນຄວາມຈິງຕໍ່ຈີນ.ຈີນຄວນມີຈິດໃຈສະຫງົບທຸ່ນທ່ຽງ,ເພີ່ມທະວີການຮ່ວມມືແລະແລກປ່ຽນກັນກັບປະເທດທີ່ຢູ່ພາຍໃນແລະນອກອະນຸພາກພື້ນ,ເຮັດໃຫ້ປະເທດເຫຼົ່ານີ້ມີຄວາມຮັບຮູ້ວ່າຮ່ວມມືກັບຈີນໃນການພັດທະນາແມ່ນ້ຳຂອງ,ບໍ່ວ່າໃນດ້ານເສດຖະກິດແລະດ້ານຍຸດທະສາດແລ້ວລ້ວນແຕ່ແມ່ນມີຜົນດີຕໍ່ເຂົາເຈົ້າເອງ."
ທ່ານຢາງປາວຈຸ່ນ ຊ່ຽວຊານທີ່ຄົ້ນຄວ້າບັນຫາກ່ຽວກັບອະນຸພາກພື້ນແມ່ນ້ຳຂອງ,ຮອງຫົວໜ້າສູນຄົ້ນຄວ້າອາຊີຕາເວັນອອກສຽງໃຕ້ຂອງມະຫາວິທະຍາໄລປັກກິ່ງເຄີຍໄປສຳຫຼວດຄົ້ນຄວ້າຢູ່ເຂດລ້ອງແມ່ນ້ຳຂອງຫຼາຍເທື່ອ,ທ່ານເຫັນວ່າ,ການຮ່ວມມືໃນອະນຸພາກພື້ນແມ່ນ້ຳຂອງໄດ້ຮັບຜົນສຳເລັດທີ່ດີ.
"ໂດຍຢູ່ພາຍໃຕ້ການທຳຄວາມພະຍາຍາມຮ່ວມຂອງຈີນແລະປະເທດທີ່ກ່ຽວຂ້ອງໃນຫຼາຍປີຜ່ານມາ,ໂຄງການການຮ່ວມມືໃນອະນຸພາກພື້ນແມ່ນ້ຳຂອງໄດ້ຮັບຜົນສຳເລັດຈຳນວນໜຶ່ງໂດຍສະເພາະໃນດ້ານການພັດທະນາແມ່ນ້ຳຂອງໄດ້ຮັບຜົນສຳເລັດຕົວຈິງບໍ່ໜ້ອຍຊຶ່ງລວມທັງການປັບປຸງທາງເດີນເຮືອ,ການເພີ່ມຄວາມສາມາດໃນການຂົນສົ່ງທາງນ້ຳ,ການແລກປ່ຽນດ້ານເສດຖະກິດແລະວັດທະນະທຳແລະອື່ນໆ.ກົນໄກຮ່ວມມືອັນນີ້ໄດ້ສ່ອງແສງໃຫ້ເຫັນເຖິງຄວາມພະຍາຍາມຂອງຈີນໃນການພິຈາລະນາເພີ່ມທະວີການຮ່ວມມືກັບປະເທດອ້ອມຂ້າງ,ຈີນໄດ້ປະກອບສ່ວນຢ່າງຫຼວງຫຼາຍ,ເງິນທຶນຈຳນວນຫຼວງຫຼາຍລ້ວນແຕ່ແມ່ນຈີນເປັນຜູ່ລົງທຶນ,ແຕ່ວ່າຈີນບໍ່ໄດ້ສະແຫວງຫາຖານະເປັນຜູ່ນຳພາໃນກົນໄກນີ້."
ບົດລາຍງານທີ່ປະກາດໃນວັນທີ4ກໍລະກົດນີ້ຂຽນວ່າ:ຈີນແມ່ນຜູ່ມີສ່ວນຮ່ວມຢ່າງຕັ້ງໜ້າໃນການຊຸກຍູ້ການຮ່ວມມືໃນອະນຸພາກພື້ນແມ່ນ້ຳຂອງມາໂດຍຕະຫຼອດ.ຈີນຕັ້ງໜ້າຊຸກຍູ້ແລະໃຫ້ທຶນຊ່ວຍເຫຼືອໃນການກໍ່ສ້າງພື້ນຖານໂຄງລ່າງຕ່າງໆເຊັ່ນແລວທາງເສດຖະກິດເໜືອໃຕ້ຊຶ່ງລວມທັງອະນຸແລວທາງຄຸນມິງ-ບາງກອກ,ແລວທາງຄຸນມິງ-ຮ່າໂນ້ຍແລະອະນຸແລວທາງໜານນິງ-ຮ່າໂນ້ຍ,ແລະຈີນກໍ່ໃຫ້ຄວາມສຳຄັນຫຼາຍໃນການພັດທະນາຊັບພະຍາກອນມະນຸດຂອງອະນຸພາກພື້ນແມ່ນ້ຳຂອງ,ຂະໜາດການຄ້າແລະການລົງທຶນລະຫວ່າງຈີນກັບ5ປະເທດໃນອະນຸພາກພື້ນກໍ່ນັບມື້ນັບເພີ່ມຫຼາຍຂຶ້ນ,ກາຍເປັນແຫຼ່ງທຶນແລະຄູ່ຮ່ວມມືການຄ້າທີ່ສຳຄັນຂອງ5ປະເທດນີ້.ປີ2011ຜ່ານມາ,ຍອດມູນຄ່າການຄ້າລະຫວ່າງຈີນກັບ5ປະເທດໃນອະນຸພາກພື້ນໄດ້ຫຼາຍກວ່າ100ຕື້ໂດລາ.
ທ່ານຢາງປາວຈຸ່ນ ຮອງຫົວໜ້າສູນຄົ້ນຄວ້າອາຊີຕາເວັນອອກສຽງໃຕ້ຂອງມະຫາວິທະຍາໄລປັກກິ່ງກ່າວວ່າ:ຖ້າຢາກຍາດໄດ້ຜົນສຳເລັດທີ່ຫຼາຍກວ່າເກົ່ານັ້ນຍັງຕ້ອງການໃຫ້ຝ່າຍຕ່າງໆພະຍາຍາມຮ່ວມກັນໃຫ້ແໜ້ນແຟ້ນກວ່າເກົ່າ.
"ການຮ່ວມມືໃນອະນຸພາກພື້ນສາມາດໄດ້ຮັບຜົນສຳເລັດຫຼາຍກວ່າເກົ່າ,ແຕ່ວ່າຍ້ອນໄດ້ຮັບຜົນກະທົບຈາກປັດໄຈຕ່າງໆຫຼາຍຢ່າງ,ຈິ່ງຕ້ອງການໃຫ້ຝ່າຍຕ່າງໆທຳຄວາມພະຍາຍາມຮ່ວມກັນ,ເຮັດໃຫ້ກົນໄກຮ່ວມມືຕາມລຳແມ່ນ້ຳຂອງທີ່ເປັນລຳແມ່ນ້ຳຄຳໄດ້ຮັບຜົນສຳເລັດຫຼາຍກວ່າເກົ່າ.ຫຼາຍປະເທດທີ່ຢູ່ນອກອະນຸພາກພື້ນແມ່ນ້ຳຂອງໄດ້ພິຈາລະນາເຖິງຜົນປະໂຫຍດຂອງເຂົາເຈົ້າເອງຈິ່ງມີການຕີລາຄາບາງຢ່າງທີ່ບໍ່ຖືກຕາມມູນຄວາມຈິງຕໍ່ຈີນ.ຈີນຄວນມີຈິດໃຈສະຫງົບທຸ່ນທ່ຽງ,ເພີ່ມທະວີການຮ່ວມມືແລະແລກປ່ຽນກັນກັບປະເທດທີ່ຢູ່ພາຍໃນແລະນອກອະນຸພາກພື້ນ,ເຮັດໃຫ້ປະເທດເຫຼົ່ານີ້ມີຄວາມຮັບຮູ້ວ່າຮ່ວມມືກັບຈີນໃນການພັດທະນາແມ່ນ້ຳຂອງ,ບໍ່ວ່າໃນດ້ານເສດຖະກິດແລະດ້ານຍຸດທະສາດແລ້ວລ້ວນແຕ່ແມ່ນມີຜົນດີຕໍ່ເຂົາເຈົ້າເອງ."
