ກອງປະຊຸມລັດຖະມົນຕີການຕ່າງປະເທດອາຊຽນມີຜົນພາຍຫຼັງໄດ້ອັດລົງແລ້ວ 2 ອາທິດ
(GMT+08:00) 2012-07-26 17:23:19 cri
ຕາມຂ່າວຈາກໜັງສືພິມ《ເຢີນໝິນຢື້ປ້າວ》:ພາຍຫຼັງກອງປະຊຸມລັດຖະມົນຕີການຕ່າງປະເທດອາຊຽນຄັ້ງທີ 45 ທີ່ຈັດຂຶ້ນຢູ່ທີ່ນະຄອນຫຼວງພະນົມເປັນຂອງກຳປູເຈຍໄດ້ອັດລົງເປັນເວລາ 12 ມື້ແລ້ວ,ຕອນເຊົ້າວັນທີ 25 ກໍລະກົດນີ້,ກອງເລຂາອາຊຽນໄດ້ຈັດກອງປະຊຸມຖະແຫຼງຂ່າວກ່ຽວກັບກອງປະຊຸມລັດຖະມົນຕີການຕ່າງປະເທດຄັ້ງທີ 45 ຢູ່ທີ່ສຳນັກງານໃຫຍ່ກອງເລຂາອາຊຽນທີ່ຕັ້ງຢູ່ນະຄອນຫຼວງຈາກາຕາຂອງອິນໂດເນເຊຍ.ນັກຂ່າວທີ່ມາຈາກສື່ຂອງປະເທດຕ່າງໆແລະຜູ້ແທນບັນດາປະເທດປະຈຳອາຊຽນລວມເກືອບ 200 ຄົນໄດ້ເຂົ້າຮ່ວມກອງປະຊຸມເທື່ອນີ້.
ໃນເວລາກ່າວເຖິງກອງປະຊຸມພະນົມເປັນໃນ 12 ມື້ກ່ອນໜ້ານີ້,ທ່ານສຸລິນ ພິດສຸວັນ,ເລຂາທິການໃຫຍ່ອາຊຽນກ່າວວ່າ:"ບັນຫາທີ່ໄດ້ຮັບຄວາມສົນໃຈຫຼາຍທີ່ສຸດຈາກປະຊາຄົມໂລກແມ່ນບັນຫາທະເລຈີນໃຕ້".ທ່ານກ່າວວ່າ,ປີນີ້ແມ່ນປີທີ່ລົງນາມໃນ《ຖະແຫຼງການວ່າດ້ວຍການປະຕິບັດງານຂອງຝ່າຍຕ່າງໆຢູ່ທະເລຈີນໃຕ້》ຄົບຮອບ 10 ປີ.ໃນເດືອນກໍລະກົດປີກາຍ,ອາຊຽນກັບຈີນໄດ້ກຳນົດທິດທາງດຳເນີນງານໃນການປະຕິບັດຖະແຫຼງການດັ່ງກ່າວ,ແລະກ່າວວ່າ,ອາຊຽນພວມສຸມທຸກຄວາມສາມາດເພື່ອເຮັດໃຫ້ບັນດາຝ່າຍມີຄວາມເຫັນເປັນເອກະສັນກັນກ່ຽວກັບເນື້ອໃນຂອງລະບຽບການດຳເນີນງານ,ວຽກງານທີ່ກ່ຽວຂ້ອງໄດ້ເລີ່ມຕົ້ນເປັນຢ່າງດີ.
ທ່ານສຸລິນ ພິດສຸວັນກ່າວຕໍ່ໄປວ່າ,ຈີນກັບອາຊຽນໄດ້ປຶກສາຫາລືບໍ່ເປັນທາງການກ່ຽວກັບລະບຽບການທີ່ມີເງື່ອນໄຂຜູກມັດສະບັບນີ້ຄວນຈະລວມທັງເນື້ອໃນແນວໃດແດ່.ແຕ່ວ່າ,ເຫດການທີ່ເກີດຂຶ້ນຢູ່ທະເລຈີນໃຕ້ໃນຫວ່າງມໍ່ໆນີ້,ຄືເຫດການເກາະຫວງຢຽນລະຫວ່າງຈີນກັບຟີລິບປິນ,ຄວາມຂັດແຍ່ງດ້ານການສຳຫຼວດນ້ຳມັນເຊື້ອໄຟລະຫວ່າງຈີນກັບຫວຽດນາມແລະອື່ນໆ,ໄດ້ກີດຂວາງອາຊຽນບັນລຸຖະແຫຼງການຮ່ວມໃນກອງປະຊຸມພະນົມເປັນ,ໂດຍສະເພາະແມ່ນເນື້ອໃນບາງຕອນ,ຝ່າຍຕ່າງໆມີຄວາມເຫັນທີ່ແຕກຕ່າງກັນ.ຫຼັງກອງປະຊຸມ,ທ່ານມາຕີ ນາຕາເລກາວາ,ລັດຖະມົນຕີວ່າການກະຊວງການຕ່າງປະເທດອິນໂດເນເຊຍໄດ້ເດີນທາງໄປຢ້ຽມຢາມຟີລິບປິນ,ຫວຽດນາມແລະກຳປູເຈຍຕາມລຳດັບ,ເລີ່ມດຳເນີນການໄກ່ເກ່ຍເພື່ອແກ້ໄຂເຫດການຕ່າງໆທີ່ເກີດຂຶ້ນ,ຈົນໃນທີ່ສຸດ,ໄດ້ອອກຖະແຫຼງການຂອງລັດຖະມົນຕີການຕ່າງປະເທດອາຊຽນໃນວັນທີ 20 ກໍລະກົດນີ້,ໄດ້ສະເໜີ 6 ຫຼັກການຂອງອາຊຽນກ່ຽວກັບບັນຫາທະເລຈີນໃຕ້.
ໜັງສືພິມ《ຈຽນຮວາຢື້ປ້າວ》ຂອງກຳປູເຈຍສະບັບວັນທີ 21 ກໍລະກົດນີ້ລາຍງານວ່າ,ວັນທີ 20 ກໍລະກົດນີ້,ທ່ານຮໍນາມຮົງ,ລັດຖະມົນຕີວ່າການກະຊວງການຕ່າງປະເທດກຳປູເຈຍກ່າວເນັ້ນວ່າ,ໃນກອງປະຊຸມຂອງອາຊຽນ,ມີແຕ່ສອງປະເທດເທົ່ານັ້ນທີ່ຍຶດໝັ້ນຮຽກຮ້ອງໃຫ້ຂຽນເຫດການເກາະຫວງຢຽນແລະ"ຄວາມຂັດແຍ່ງດ້ານເຂດເສດຖະກິດພິເສດ"ເຂົ້າໃນຖະແຫຼງການຮ່ວມ,ນີ້ແມ່ນການກະທຳຂອງບາງປະເທດອາຊຽນທີ່"ລັກພາຕົວ"ຖະແຫຼງການຮ່ວມເຊິ່ງບໍ່ເຄີຍມີມາກ່ອນໃນຮອບ 45 ປີທີ່ຜ່ານມາ. ໜັງສືພິມ《ເດິະເນເຊິ່ນ》ຂອງໄທສະບັບວັນທີ 25 ກໍລະກົດນີ້ຍັງໄດ້ພິມບົດຄວາມເຫັນຂອງເອກອັກຄະຣາຊະທູດກຳປູເຈຍປະຈຳໄທໂດຍຂຽນວ່າ,ນອກຈາກສອງປະເທດທີ່ມີຄວາມຂັດແຍ່ງກັບຈີນແລ້ວ,ຂໍ້ສະເໜີຂອງກຳປູເຈຍກ່ຽວກັບການທີ່ບໍ່ກ່າວເຖິງຄວາມຂັດແຍ່ງສອງຝ່າຍນັ້ນໄດ້ຮັບຄວາມເຫັນດີເຫັນພ້ອມຈາກລັດຖະມົນຕີການຕ່າງປະເທດຂອງປະເທດອາຊຽນທັງໝົດ.
ໃນເວລາກ່າວເຖິງກອງປະຊຸມພະນົມເປັນໃນ 12 ມື້ກ່ອນໜ້ານີ້,ທ່ານສຸລິນ ພິດສຸວັນ,ເລຂາທິການໃຫຍ່ອາຊຽນກ່າວວ່າ:"ບັນຫາທີ່ໄດ້ຮັບຄວາມສົນໃຈຫຼາຍທີ່ສຸດຈາກປະຊາຄົມໂລກແມ່ນບັນຫາທະເລຈີນໃຕ້".ທ່ານກ່າວວ່າ,ປີນີ້ແມ່ນປີທີ່ລົງນາມໃນ《ຖະແຫຼງການວ່າດ້ວຍການປະຕິບັດງານຂອງຝ່າຍຕ່າງໆຢູ່ທະເລຈີນໃຕ້》ຄົບຮອບ 10 ປີ.ໃນເດືອນກໍລະກົດປີກາຍ,ອາຊຽນກັບຈີນໄດ້ກຳນົດທິດທາງດຳເນີນງານໃນການປະຕິບັດຖະແຫຼງການດັ່ງກ່າວ,ແລະກ່າວວ່າ,ອາຊຽນພວມສຸມທຸກຄວາມສາມາດເພື່ອເຮັດໃຫ້ບັນດາຝ່າຍມີຄວາມເຫັນເປັນເອກະສັນກັນກ່ຽວກັບເນື້ອໃນຂອງລະບຽບການດຳເນີນງານ,ວຽກງານທີ່ກ່ຽວຂ້ອງໄດ້ເລີ່ມຕົ້ນເປັນຢ່າງດີ.
ທ່ານສຸລິນ ພິດສຸວັນກ່າວຕໍ່ໄປວ່າ,ຈີນກັບອາຊຽນໄດ້ປຶກສາຫາລືບໍ່ເປັນທາງການກ່ຽວກັບລະບຽບການທີ່ມີເງື່ອນໄຂຜູກມັດສະບັບນີ້ຄວນຈະລວມທັງເນື້ອໃນແນວໃດແດ່.ແຕ່ວ່າ,ເຫດການທີ່ເກີດຂຶ້ນຢູ່ທະເລຈີນໃຕ້ໃນຫວ່າງມໍ່ໆນີ້,ຄືເຫດການເກາະຫວງຢຽນລະຫວ່າງຈີນກັບຟີລິບປິນ,ຄວາມຂັດແຍ່ງດ້ານການສຳຫຼວດນ້ຳມັນເຊື້ອໄຟລະຫວ່າງຈີນກັບຫວຽດນາມແລະອື່ນໆ,ໄດ້ກີດຂວາງອາຊຽນບັນລຸຖະແຫຼງການຮ່ວມໃນກອງປະຊຸມພະນົມເປັນ,ໂດຍສະເພາະແມ່ນເນື້ອໃນບາງຕອນ,ຝ່າຍຕ່າງໆມີຄວາມເຫັນທີ່ແຕກຕ່າງກັນ.ຫຼັງກອງປະຊຸມ,ທ່ານມາຕີ ນາຕາເລກາວາ,ລັດຖະມົນຕີວ່າການກະຊວງການຕ່າງປະເທດອິນໂດເນເຊຍໄດ້ເດີນທາງໄປຢ້ຽມຢາມຟີລິບປິນ,ຫວຽດນາມແລະກຳປູເຈຍຕາມລຳດັບ,ເລີ່ມດຳເນີນການໄກ່ເກ່ຍເພື່ອແກ້ໄຂເຫດການຕ່າງໆທີ່ເກີດຂຶ້ນ,ຈົນໃນທີ່ສຸດ,ໄດ້ອອກຖະແຫຼງການຂອງລັດຖະມົນຕີການຕ່າງປະເທດອາຊຽນໃນວັນທີ 20 ກໍລະກົດນີ້,ໄດ້ສະເໜີ 6 ຫຼັກການຂອງອາຊຽນກ່ຽວກັບບັນຫາທະເລຈີນໃຕ້.
ໜັງສືພິມ《ຈຽນຮວາຢື້ປ້າວ》ຂອງກຳປູເຈຍສະບັບວັນທີ 21 ກໍລະກົດນີ້ລາຍງານວ່າ,ວັນທີ 20 ກໍລະກົດນີ້,ທ່ານຮໍນາມຮົງ,ລັດຖະມົນຕີວ່າການກະຊວງການຕ່າງປະເທດກຳປູເຈຍກ່າວເນັ້ນວ່າ,ໃນກອງປະຊຸມຂອງອາຊຽນ,ມີແຕ່ສອງປະເທດເທົ່ານັ້ນທີ່ຍຶດໝັ້ນຮຽກຮ້ອງໃຫ້ຂຽນເຫດການເກາະຫວງຢຽນແລະ"ຄວາມຂັດແຍ່ງດ້ານເຂດເສດຖະກິດພິເສດ"ເຂົ້າໃນຖະແຫຼງການຮ່ວມ,ນີ້ແມ່ນການກະທຳຂອງບາງປະເທດອາຊຽນທີ່"ລັກພາຕົວ"ຖະແຫຼງການຮ່ວມເຊິ່ງບໍ່ເຄີຍມີມາກ່ອນໃນຮອບ 45 ປີທີ່ຜ່ານມາ. ໜັງສືພິມ《ເດິະເນເຊິ່ນ》ຂອງໄທສະບັບວັນທີ 25 ກໍລະກົດນີ້ຍັງໄດ້ພິມບົດຄວາມເຫັນຂອງເອກອັກຄະຣາຊະທູດກຳປູເຈຍປະຈຳໄທໂດຍຂຽນວ່າ,ນອກຈາກສອງປະເທດທີ່ມີຄວາມຂັດແຍ່ງກັບຈີນແລ້ວ,ຂໍ້ສະເໜີຂອງກຳປູເຈຍກ່ຽວກັບການທີ່ບໍ່ກ່າວເຖິງຄວາມຂັດແຍ່ງສອງຝ່າຍນັ້ນໄດ້ຮັບຄວາມເຫັນດີເຫັນພ້ອມຈາກລັດຖະມົນຕີການຕ່າງປະເທດຂອງປະເທດອາຊຽນທັງໝົດ.
