ຈີນໃຊ້ມາດຕະການສຳຄັນເພື່ອເພີ່ມທະວີການພົວພັນແບບກົນໄກກັບອາຊຽນ
(GMT+08:00) 2012-08-06 16:57:33 cri
ທ່ານນາງຢາງຊິ້ວຜີງ,ເອກອັກຄະລັດຖະທູດຈີນປະຈຳອາຊຽນໄດ້ເດີນທາງໄປດຳລົງຕຳແໜ່ງຢູ່ສຳນັກງານໃຫຍ່ອາຊຽນທີ່ຕັ້ງຢູ່ຈາກາຕາແຫ່ງອິນໂດເນເຊຍໃນທ້າຍເດືອນກໍລະກົດແລ້ວນີ້,ແລະໄດ້ເປັນເອກອັກຄະລັດຖະທູດຜູ້ທຳອິດຂອງຈີນປະຈຳອາຊຽນ.ນີ້ແມ່ນມາດຕະການອັນສຳຄັນຂອງຈີນໃນການເພີ່ມທະວີການພົວພັນແບບກົນໄກກັບອາຊຽນ,ໄດ້ສະແດງໃຫ້ເຫັນວ່າ,ຈີນໃຫ້ຄວາມສຳຄັນຫຼາຍຕໍ່ການພົວພັນລະຫວ່າງຈີນກັບອາຊຽນ.
ພາຍຫຼັງທີ່ນາງຢາງຊິ້ວຜີງມາປະຕິບັດໜ້າທີ່ຢູ່ຈາກາຕາແລ້ວ,ກໍ່ໄດ້ເຂົ້າພົບປະທ່ານມານັດສະຫວີ ສຣິໂສດາພອນ,ຜູ້ຕາງໜ້າຂອງໄທທີ່ຫາກໍ່ຂຶ້ນດຳລົງຕຳແໜ່ງເປັນປະເທດປະສານງານການພົວພັນລະຫວ່າງຈີນກັບອາຊຽນປະຈຳອາຊຽນ,ທ່ານກັນ ພາຣິດ,ຜູ້ຕາງໜ້າຂອງກຳປູເຈຍ,ປະເທດປະທານໝູນວຽນຂອງອາຊຽນ,ທັງເປັນປະທານຄະນະກຳມາທິການຜູ້ຕາງໜ້າບັນດາປະເທດປະຈຳອາຊຽນ,ແລະທ່ານນູຣັດ ຊະວາຈາຢາ,ຜູ້ຕາງໜ້າອິນໂດເນເຊຍປະຈຳອາຊຽນ.ນາງໄດ້ຕີລາຄາສູງຕໍ່ການພົວພັນລະຫວ່າງຈີນກັບອາຊຽນໃນປະຈຸບັນ,ແລະໄດ້ສະແດງຄວາມຫວັງທີ່ຢາກຈະຮ່ວມມືກັບຜູ້ຕາງໜ້າຂອງບັນດາປະເທດອາຊຽນປະຈຳອາຊຽນຢ່າງໃກ້ຊິດ,ເຮັດໃຫ້ການພົວພັນລະຫວ່າງຈີນກັບອາຊຽນໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.ນາງຂອບໃຈນຳໄທແລະກຳປູເຈຍທີ່ໄດ້ພະຍາຍາມຊຸກຍູ້ການຂະຫຍາຍການພົວພັນຈີນ-ອາຊຽນມາໂດຍຕະຫຼອດ;ແລະຍັງຂອບໃຈນຳອິນໂດເນເຊຍທີ່ໄດ້ອຳນວຍຄວາມສະດວກທຸກຢ່າງແລະໃຫ້ການສະໜັບສະໜູນແກ່ຈີນໃນການຕັ້ງຄະນະທູດປະຈຳອາຊຽນຢູ່ຈາກາຕາຂອງອິນໂດເນເຊຍ.
ອາຊຽນສະແດງຄວາມຊົມເຊີຍຕໍ່ຈີນທີ່ໄດ້ແຕ່ງຕັ້ງເອກອັກຄະລັດຖະທູດປະຈຳອາຊຽນ.ທ່ານມານັດສະຫວີ ສຣິໂສດາພອນກ່າວວ່າ,ນັບແຕ່ອາຊຽນກັບຈີນສ້າງການພົວພັນຄູ່ສົນທະນາເປັນເວລາ 21 ປີມານີ້,ໄດ້ຍຶດໝັ້ນປະຕິບັດຕາມທິດທາງໄມຕີຈິດມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຢ່າງສະເໝີຕົ້ນສະເໝີປາຍ,ບໍ່ພຽງແຕ່ໄດ້ສ້າງຄວາມສຸກໃຫ້ແກ່ປະຊາຊົນສອງຝ່າຍເທົ່ານັ້ນ,ຍັງໄດ້ຊຸກຍູ້ການພັດທະນາແລະຄວາມຈະເລີນຮຸ່ງເຮືອງຂອງພາກພື້ນອີກດ້ວຍ.ໃນຖານະທີ່ເປັນປະເທດປະສານງານການພົວພັນລະຫວ່າງຈີນກັບອາຊຽນປະເທດໃໝ່,ໄທຍິນດີເສີມຂະຫຍາຍບົດບາດອັນຕັ້ງໜ້າໃນການຊຸກຍູ້ການພົວພັນລະຫວ່າງສອງຝ່າຍໃຫ້ກ້າວຂຶ້ນສູ່ລະດັບໃໝ່.ທ່ານກັນ ພາຣິດກ່າວວ່າ,ຈີນຕັ້ງຄະນະທູດປະຈຳອາຊຽນຢູ່ຈາກາຕາແລະແຕ່ງຕັ້ງເອກອັກຄະລັດຖະທູດປະຈຳອາຊຽນ,ໄດ້ສະແດງໃຫ້ເຫັນວ່າ,ຈີນໃຫ້ຄວາມສຳຄັນຫຼາຍຕໍ່ການພົວພັນລະຫວ່າງຈີນກັບອາຊຽນ.ທ່ານນູຣັດ ຊະວາຈະຢາກ່າວວ່າ,ຈີນຕັ້ງຄະນະທູດປະຈຳອາຊຽນຢູ່ຈາກາຕາແລະແຕ່ງຕັ້ງເອກອັກຄະລັດຖະທູດປະຈຳອາຊຽນ,ໄດ້ສ່ອງແສງໃຫ້ເຫັນເຖິງທ່າອຽງໃນການຂະຫຍາຍຕົວທີ່ດີຂອງການພົວພັນລະຫວ່າງຈີນກັບອາຊຽນໃນປະຈຸບັນ,ເຊື່ອວ່າ,ມາດຕະການນີ້ຈະເພີ່ມທະວີການພົວພັນແບບກົນໄກລະຫວ່າງສອງຝ່າຍຕື່ມອີກ.ພວກທ່ານຍັງກ່າວວ່າ,ຍິນດີປະສານສົມທົບກັບນາງຢາງຊິ້ວຜີງຢ່າງໃກ້ຊິດ,ເພື່ອຊຸກຍູ້ມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງຝ່າຍໃຫ້ກ້າວໄປໜ້າ.
ພາຍຫຼັງທີ່ນາງຢາງຊິ້ວຜີງມາປະຕິບັດໜ້າທີ່ຢູ່ຈາກາຕາແລ້ວ,ກໍ່ໄດ້ເຂົ້າພົບປະທ່ານມານັດສະຫວີ ສຣິໂສດາພອນ,ຜູ້ຕາງໜ້າຂອງໄທທີ່ຫາກໍ່ຂຶ້ນດຳລົງຕຳແໜ່ງເປັນປະເທດປະສານງານການພົວພັນລະຫວ່າງຈີນກັບອາຊຽນປະຈຳອາຊຽນ,ທ່ານກັນ ພາຣິດ,ຜູ້ຕາງໜ້າຂອງກຳປູເຈຍ,ປະເທດປະທານໝູນວຽນຂອງອາຊຽນ,ທັງເປັນປະທານຄະນະກຳມາທິການຜູ້ຕາງໜ້າບັນດາປະເທດປະຈຳອາຊຽນ,ແລະທ່ານນູຣັດ ຊະວາຈາຢາ,ຜູ້ຕາງໜ້າອິນໂດເນເຊຍປະຈຳອາຊຽນ.ນາງໄດ້ຕີລາຄາສູງຕໍ່ການພົວພັນລະຫວ່າງຈີນກັບອາຊຽນໃນປະຈຸບັນ,ແລະໄດ້ສະແດງຄວາມຫວັງທີ່ຢາກຈະຮ່ວມມືກັບຜູ້ຕາງໜ້າຂອງບັນດາປະເທດອາຊຽນປະຈຳອາຊຽນຢ່າງໃກ້ຊິດ,ເຮັດໃຫ້ການພົວພັນລະຫວ່າງຈີນກັບອາຊຽນໄດ້ຮັບຄວາມຄືບໜ້າໃໝ່ຢ່າງບໍ່ຢຸດຢັ້ງ.ນາງຂອບໃຈນຳໄທແລະກຳປູເຈຍທີ່ໄດ້ພະຍາຍາມຊຸກຍູ້ການຂະຫຍາຍການພົວພັນຈີນ-ອາຊຽນມາໂດຍຕະຫຼອດ;ແລະຍັງຂອບໃຈນຳອິນໂດເນເຊຍທີ່ໄດ້ອຳນວຍຄວາມສະດວກທຸກຢ່າງແລະໃຫ້ການສະໜັບສະໜູນແກ່ຈີນໃນການຕັ້ງຄະນະທູດປະຈຳອາຊຽນຢູ່ຈາກາຕາຂອງອິນໂດເນເຊຍ.
ອາຊຽນສະແດງຄວາມຊົມເຊີຍຕໍ່ຈີນທີ່ໄດ້ແຕ່ງຕັ້ງເອກອັກຄະລັດຖະທູດປະຈຳອາຊຽນ.ທ່ານມານັດສະຫວີ ສຣິໂສດາພອນກ່າວວ່າ,ນັບແຕ່ອາຊຽນກັບຈີນສ້າງການພົວພັນຄູ່ສົນທະນາເປັນເວລາ 21 ປີມານີ້,ໄດ້ຍຶດໝັ້ນປະຕິບັດຕາມທິດທາງໄມຕີຈິດມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຢ່າງສະເໝີຕົ້ນສະເໝີປາຍ,ບໍ່ພຽງແຕ່ໄດ້ສ້າງຄວາມສຸກໃຫ້ແກ່ປະຊາຊົນສອງຝ່າຍເທົ່ານັ້ນ,ຍັງໄດ້ຊຸກຍູ້ການພັດທະນາແລະຄວາມຈະເລີນຮຸ່ງເຮືອງຂອງພາກພື້ນອີກດ້ວຍ.ໃນຖານະທີ່ເປັນປະເທດປະສານງານການພົວພັນລະຫວ່າງຈີນກັບອາຊຽນປະເທດໃໝ່,ໄທຍິນດີເສີມຂະຫຍາຍບົດບາດອັນຕັ້ງໜ້າໃນການຊຸກຍູ້ການພົວພັນລະຫວ່າງສອງຝ່າຍໃຫ້ກ້າວຂຶ້ນສູ່ລະດັບໃໝ່.ທ່ານກັນ ພາຣິດກ່າວວ່າ,ຈີນຕັ້ງຄະນະທູດປະຈຳອາຊຽນຢູ່ຈາກາຕາແລະແຕ່ງຕັ້ງເອກອັກຄະລັດຖະທູດປະຈຳອາຊຽນ,ໄດ້ສະແດງໃຫ້ເຫັນວ່າ,ຈີນໃຫ້ຄວາມສຳຄັນຫຼາຍຕໍ່ການພົວພັນລະຫວ່າງຈີນກັບອາຊຽນ.ທ່ານນູຣັດ ຊະວາຈະຢາກ່າວວ່າ,ຈີນຕັ້ງຄະນະທູດປະຈຳອາຊຽນຢູ່ຈາກາຕາແລະແຕ່ງຕັ້ງເອກອັກຄະລັດຖະທູດປະຈຳອາຊຽນ,ໄດ້ສ່ອງແສງໃຫ້ເຫັນເຖິງທ່າອຽງໃນການຂະຫຍາຍຕົວທີ່ດີຂອງການພົວພັນລະຫວ່າງຈີນກັບອາຊຽນໃນປະຈຸບັນ,ເຊື່ອວ່າ,ມາດຕະການນີ້ຈະເພີ່ມທະວີການພົວພັນແບບກົນໄກລະຫວ່າງສອງຝ່າຍຕື່ມອີກ.ພວກທ່ານຍັງກ່າວວ່າ,ຍິນດີປະສານສົມທົບກັບນາງຢາງຊິ້ວຜີງຢ່າງໃກ້ຊິດ,ເພື່ອຊຸກຍູ້ມິດຕະພາບຖານບ້ານໃກ້ເຮືອນຄຽງແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງຝ່າຍໃຫ້ກ້າວໄປໜ້າ.
