ອາຊຽນຈັດພິທີສະເຫຼີມສະຫຼອງວັນສ້າງຕັ້ງຄົບຮອບ 45 ປີ
(GMT+08:00) 2012-08-09 19:24:10 cri
ຕາມຂ່າວCRI:ວັນທີ 8 ສິງຫານີ້ແມ່ນວັນລະລຶກວັນສ້າງຕັ້ງອາຊຽນຄົບຮອບ 45 ປີ. ໃນປີນີ້,ກຳປູເຈຍທີ່ເປັນປະເທດປະທານໝູນວຽນຂອງອາຊຽນໄດ້ຊັກທຸງອາຊຽນຢູ່ພະນົມເປັນແລະຈັດງານສະຫຼອງໃນມື້ດຽວກັນ.ທ່ານສຸຣິນ ພິດສຸວັນ,ເລຂາທິການໃຫຍ່ອາຊຽນ, ທ່ານຮຸນແຊນ,ນາຍົກລັດຖະມົນຕີກຳປູເຈຍ, ເອກອັກຄະລັດຖະທູດບັນດາປະເທດອາຊຽນປະຈຳກຳປູເຈຍ, ເອກອັກຄະລັດຖະທູດບັນດາປະເທດຄູ່ສົນທະນາຂອງອາຊຽນເຊັ່ນຈີນແລະປະເທດອື່ນໆປະຈຳກຳປູເຈຍພ້ອມດ້ວຍເຈົ້າໜ້າທີ່ອາວຸໂສຂອງລັດຖະບານກຳປູເຈຍຫຼາຍທ່ານໄດ້ເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງອາຊຽນຄົບຮອບ 45 ປີ.
ໃນພິທີ,ທ່ານຮຸນແຊນ,ນາຍົກລັດຖະມົນຕີກຳປູເຈຍກ່າວວ່າ,ຜ່ານການພັດທະນາມາເປັນເວລາ 45 ປີ,ອາຊຽນໄດ້ຮັບຜົນສຳເລັດທີ່ສຳຄັນຢ່າງຫຼວງຫຼາຍ,ມີບົດບາດສາກົນນັບມື້ນັບສູງຂຶ້ນ.ປະຈຸບັນ,ອາຊຽນພວມຫັນການເມືອງແລະເສດຖະກິດເປັນອັນໜຶ່ງອັນດຽວກັນເປັນກ້າວໆ,ໄດ້ກາຍເປັນອົງການຈັດຕັ້ງສາກົນທີ່ມີບົດບາດໃນທະວີບອາຊີ,ແລະໄດ້ກາຍເປັນຄູ່ຮ່ວມມືຍຸດທະສາດທີ່ບໍ່ຄວນເບິ່ງຂ້າມຂອງປະເທດໃຫຍ່ແລະອົງການຈັດຕັ້ງສາກົນທີ່ສຳຄັນໃນໂລກ.ທ່ານຮຸນແຊນຊີ້ອອກເປັນພິເສດວ່າ,ໃນ 2 ປີທີ່ຜ່ານມາ,ຍອດມູນຄ່າເສດຖະກິດ ໂດຍສະເພາະແມ່ນມູນຄ່າການຄ້າເສລີຂອງອາຊຽນໄດ້ຮັກສາການເຕີບໂຕຫຼາຍສົມຄວນ,ອາຊຽນໄດ້ກາຍເປັນເຂດໜຶ່ງທີ່ເສດຖະກິດພັດທະນາໄວທີ່ສຸດໃນໂລກ.
ພ້ອມກັນນັ້ນ,ທ່ານຮຸນແຊນຍັງຊີ້ອອກວ່າ,ອາຊຽນຍັງປະເຊີນກັບສິ່ງທ້າທາຍຫຼາຍຢ່າງ,ບັນດາປະເທດສະມາຊິກຍັງມີຄວາມຂັດແຍ່ງກັນດ້ານຫຼັກໝັ້ນກ່ຽວກັບບາງບັນຫາ.ປີ 2012 ແມ່ນປີທີ່ສຳຄັນທີ່ສຸດສຳລັບອາຊຽນໃນການບັນລຸເປົ້າໝາຍສ້າງປະຊາຄົມອາຊຽນ,ບັນດາປະເທດສະມາຊິກອາຊຽນຄວນໂຈະຄວາມຂັດແຍ່ງໄວ້ກ່ອນ,ເພີ່ມທະວີການຮ່ວມມື,ຊຸກຍູ້ຂະບວນການຫັນອາຊຽນເປັນອັນດຽວກັນ.ທ່ານເຊື່ອວ່າ,ອາຊຽນຈະມີຄວາມສາມາດແກ້ໄຂຄວາມຂັດແຍ່ງກັນໄດ້,ຮັກສາຄວາມເປັນເອກະພາບແລະຄວາມສາມັກຄີພາຍໃນອາຊຽນ,ສ້າງອາຊຽນໃຫ້ເປັນພັນທະມິດໃນພາກພື້ນທີ່ມີສັນຕິພາບ ຄວາມຈະເລີນຮຸ່ງເຮືອງແລະການພັດທະນາ.ທ່ານກ່າວວ່າ:"ພວກເຮົາໄດ້ຕັດສິນໃຈຈະກ້າວໄປພ້ອມກັນ,ຢູ່ບົນພື້ນຖານນ້ຳໃຈສາມັກຄີ ເອກະພາບແລະຮັກສາຄວາມປອງດອງກັນໃນວົງຄະນາຍາດ,ໂຈະບັນຫາທີ່ມີຄວາມຂັດແຍ່ງກັນໄວ້ກ່ອນ,ສືບຕໍ່ຮັກສາຖານະໃນການນຳພາໃນອາຊຽນ,ເພື່ອບັນລຸເປົ້າໝາຍທີ່ເຮັດໃຫ້ອາຊຽນເປັນເອກກະພົບດຽວແລະຮ່ວມທຸກຮ່ວມສຸກນຳກັນ."
ໃນພິທີ,ທ່ານຮຸນແຊນ,ນາຍົກລັດຖະມົນຕີກຳປູເຈຍກ່າວວ່າ,ຜ່ານການພັດທະນາມາເປັນເວລາ 45 ປີ,ອາຊຽນໄດ້ຮັບຜົນສຳເລັດທີ່ສຳຄັນຢ່າງຫຼວງຫຼາຍ,ມີບົດບາດສາກົນນັບມື້ນັບສູງຂຶ້ນ.ປະຈຸບັນ,ອາຊຽນພວມຫັນການເມືອງແລະເສດຖະກິດເປັນອັນໜຶ່ງອັນດຽວກັນເປັນກ້າວໆ,ໄດ້ກາຍເປັນອົງການຈັດຕັ້ງສາກົນທີ່ມີບົດບາດໃນທະວີບອາຊີ,ແລະໄດ້ກາຍເປັນຄູ່ຮ່ວມມືຍຸດທະສາດທີ່ບໍ່ຄວນເບິ່ງຂ້າມຂອງປະເທດໃຫຍ່ແລະອົງການຈັດຕັ້ງສາກົນທີ່ສຳຄັນໃນໂລກ.ທ່ານຮຸນແຊນຊີ້ອອກເປັນພິເສດວ່າ,ໃນ 2 ປີທີ່ຜ່ານມາ,ຍອດມູນຄ່າເສດຖະກິດ ໂດຍສະເພາະແມ່ນມູນຄ່າການຄ້າເສລີຂອງອາຊຽນໄດ້ຮັກສາການເຕີບໂຕຫຼາຍສົມຄວນ,ອາຊຽນໄດ້ກາຍເປັນເຂດໜຶ່ງທີ່ເສດຖະກິດພັດທະນາໄວທີ່ສຸດໃນໂລກ.
ພ້ອມກັນນັ້ນ,ທ່ານຮຸນແຊນຍັງຊີ້ອອກວ່າ,ອາຊຽນຍັງປະເຊີນກັບສິ່ງທ້າທາຍຫຼາຍຢ່າງ,ບັນດາປະເທດສະມາຊິກຍັງມີຄວາມຂັດແຍ່ງກັນດ້ານຫຼັກໝັ້ນກ່ຽວກັບບາງບັນຫາ.ປີ 2012 ແມ່ນປີທີ່ສຳຄັນທີ່ສຸດສຳລັບອາຊຽນໃນການບັນລຸເປົ້າໝາຍສ້າງປະຊາຄົມອາຊຽນ,ບັນດາປະເທດສະມາຊິກອາຊຽນຄວນໂຈະຄວາມຂັດແຍ່ງໄວ້ກ່ອນ,ເພີ່ມທະວີການຮ່ວມມື,ຊຸກຍູ້ຂະບວນການຫັນອາຊຽນເປັນອັນດຽວກັນ.ທ່ານເຊື່ອວ່າ,ອາຊຽນຈະມີຄວາມສາມາດແກ້ໄຂຄວາມຂັດແຍ່ງກັນໄດ້,ຮັກສາຄວາມເປັນເອກະພາບແລະຄວາມສາມັກຄີພາຍໃນອາຊຽນ,ສ້າງອາຊຽນໃຫ້ເປັນພັນທະມິດໃນພາກພື້ນທີ່ມີສັນຕິພາບ ຄວາມຈະເລີນຮຸ່ງເຮືອງແລະການພັດທະນາ.ທ່ານກ່າວວ່າ:"ພວກເຮົາໄດ້ຕັດສິນໃຈຈະກ້າວໄປພ້ອມກັນ,ຢູ່ບົນພື້ນຖານນ້ຳໃຈສາມັກຄີ ເອກະພາບແລະຮັກສາຄວາມປອງດອງກັນໃນວົງຄະນາຍາດ,ໂຈະບັນຫາທີ່ມີຄວາມຂັດແຍ່ງກັນໄວ້ກ່ອນ,ສືບຕໍ່ຮັກສາຖານະໃນການນຳພາໃນອາຊຽນ,ເພື່ອບັນລຸເປົ້າໝາຍທີ່ເຮັດໃຫ້ອາຊຽນເປັນເອກກະພົບດຽວແລະຮ່ວມທຸກຮ່ວມສຸກນຳກັນ."
