"ໜັງສືພິມເສດຖະກິດລາຍວັນ"ແຈ້ງໃຫ້ຮູ້ວ່າ,ນັບແຕ່ກ້າວໄປສູ່ໂລກໃນຊຸມປີ90 ສັດຕະວັດແລ້ວນີ້, ເຕັກນິກເຂົ້າພັນປະສົມຂອງຈີນໄດ້ປະກອບສ່ວນສຳຄັນເພື່ອແກ້ໄຂບັນຫາທັນຍາຫານຂອງປະເທດຕ່າງໆ, ໃນນັ້ນກໍ່ລວມທັງປະເທດອາຊີອາຄະເນ.
ປີ2009,"ໂລ້ຢີ່ວເລກ8"ໄດ້ຮັບລາງວັນທີໜຶ່ງໃນການປະກວດລາງວັນສາມລາຍການ,ຄື, ປະລິມານຈຳໜ່າຍແນວພັນ, ຂອບເຂດການປູກຝັງ ແລະ ຄຸນນະພາບລວມຂອງແນວພັນ, ແລະໄດ້ຮັບລາງວັນຄວາມປອດໄພທັນຍາຫານທີ່ກະຊວງກະສິກຳຫວຽດນາມມອບໃຫ້. "ໂລ້ຢີ່ວເລກ8"ກໍ່ໄດ້ຮັບຜົນສຳເລັດໃນເວລາທົດລອງປູກຝັງຢູ່ອິນໂດເນເຊຍ, ມະເລເຊຍ, ລາວ ແລະ ມຽນມາ. ນອກນີ້, ປະລິມານການຜະລິດເຂົ້າພັນປະສົມຈີນຢູ່ອິນໂດເນເຊຍແລະບຼູໄນກໍ່ສູງກວ່າປະລິມານເຂົ້າທ້ອງຖິ່ນ.
ຂ່າວແຈ້ງວ່າ, ປີ2011, ທົ່ວໂລກໄດ້ປູກເຂົ້າພັນປະສົມຈີນປະມານ 4 ລ້ານເຮັກຕາ,ໃນນັ້ນອາຊີອາຄະເນແມ່ນເຂດສຳຄັນທີ່ປູກຝັງ. ປັດຈຸບັນ, ປະເທດອາຊີອາຄະເນໄດ້ນຳເຂົ້າແນວພັນເຂົ້າພັນປັບປຸງຫຼາຍສິບຊະນິດ,ໃນນັ້ນ 90% ແມ່ນມາຈາກຈີນ.
ໃນຂະນະທີ່ຊຸບເບີເຂົ້າຂອງຈີນໄດ້ຮັບຄວາມຫວັງຢູ່ອາຊີອາຄະເນ, ແລະໄດ້ຮັບຄວາມເຊື່ອຖືແລະໄວ້ວາງໃຈ, ບໍ່ພຽງແຕ່ໄດ້ຊຸກຍູ້ການພົວພັນຮ່ວມມືເສດຖະກິດການຄ້າລະຫວ່າງຈີນກັບປະເທດອາຊຽນທໍ່ນັ້ນແຕ່ຍັງໄດ້ສ້າງພື້ນຖານທີ່ໝັ້ນຄົງໃຫ້ແກ່ການຮ່ວມມືຢ່າງຮອບດ້ານ ແລະ ຕໍ່ເນື່ອງໃນອະນາຄົດ.
© China Radio International.CRI. All Rights Reserved. 16A Shijingshan Road, Beijing, China. 100040 |