ບົດບັນທຶກປະຈຳວັນຂອງນັກຂ່າວທີ່ໄປເອົາຂ່າວກ່ຽວກັບການແຂ່ງຂັນແລ່ນລົດແລ່ນລີ(2)
(GMT+08:00) 2012-08-24 15:48:28 cri
ສະບາຍດີທ່ານຜູ້ອ່ານ, ພົບກັນວັນທີ 20 ສິງຫານີ້, ເປັນມື້ທໍາອິດທີ່ລັດຕະນະຈະ ພາທ່ານເດີນທາງໄປກັບຂະບວນລົດແລ່ນລີ້ຈີນ-ອາຊຽນ, ສໍາລັບຈຸດໝາຍປາຍທາງແມ່ນຈະແລ່ນຜ່ານປະເທດ ສປປ ລາວ, ຜ່ານທາງຂົວມິດຕະພາບລາວ-ໄທເພື່ອເດີນທາງໄປສຸໂຂໄທ, ດ້ວຍໄລຍະທາງປະມານ 500 ກິໂລແມັດ. ມື້ນີ້ແມ່ນມື້ທໍາອິດທີ່ລັດຕະນະໄດ້ຮ່ວມເດີນທາງກັບຂະບວນລົດແລ່ນລີ້ຈີນ-ອາຊຽນ, ພິເສດແມ່ນໄດ່ຮ່ວມຂະບວນກັບບັນດານັກຂ່າວທີ່ມາຈາກຫຼາຍໆປະເທດເປັນຕົ້ນແມ່ນປະເທດຈີນ, ໄທ, ສິງກະໂປ, ມາເລເຊຍ, ມຽນມາ, ແລະລາວທີ່ເຂົ້າຮ່ວມໃນການເດີນທາງຄັ້ງນີ້ອີກດ້ວຍ.
ມື້ນີ້, ຂະບວນລົດໄດ້ອອກເດີນທາງຈາກບ່ອນພັກໄປປະຕູໄຊເພື່ອເປີດພິທີເດີນຂະບວນຢ່າງເປັນທາງການ ໂດຍການເປັນປະທານຂອງທ່ານ ອູຈື້ອູ ທູດຝ່າຍເສດຖະກິດຂອງຈີນປະຈໍາລາວ, ຈາກນັ້ນ, ຂະບວນລົດກໍ່ໄດ້ໄປຢ້ຽມຊົມສະຖານທີ່ທ່ອງທ່ຽວທີ່ມີຊື່ສຽງຂອງປະເທດລາວ, ຄືພະທາດຫຼວງວຽງຈັນເຊິ່ງເປັນສະຖານທີ່ເຄົາລົບຂອງປວງຊົນລາວທັງຊາດ. ຈາກນັ້ນຂະບວນລົດ ເລີ່ມເຄື່ອນອອກເດີນທາງໄປສຸໂຂໄທ. ໃນຕະຫຼອດໄລຍະການເດີນທາງນອກຈາກຈະຖ່າຍຮູບພາບທໍາມະຊາດຕະຫຼອດໄລຍະການເດີນທາງແລ້ວ, ຜູ້ຮ່ວມຂະບວນກໍໄດ້ສ້າງບັນຍາກາດຕະຫຼອດການເດີນທາງໃນຄັ້ງນີ້, ໂດຍສະເພາະທີມຂ່າວພວກເຮົາ, ເດີນທາງພໍເທົ່າໃດຊົ່ວໂມງກໍ່ຮອດເມືອງສຸໂຂໄທຈັງຫວັດສຸໂຂໄທຂອງປະເທດໄທແລ້ວ, ຂະບວນລົດໄປພັກຢູ່ໄກ້ໆກັບເມືອງບູຮານຫຼືຫໍພິພິທະພັນແຫ່ງຊາດຂອງເມືອງສຸໂຂໄທນັ້ນເອງ. ຫໍພິພິທະພັນແຫ່ງນີ້ເປັນເມືອງທີ່ເກົ່າແກ່ທາງດ້ານວັດທະນະທໍາ, ປະຫວັດຄວາມເປັນມາຂອງຮ່ອງຮອຍທາງດ້ານປະຫວັດສາດ, ມີພະທາດເກົ່າແກ່ , ເສົາຫີນ, ແລະອື່ນໆທີ່ຕັ້ງລຽງກັນປານຮູບແຕ້ມ, ເຮັດໃຫ້ຜູ້ໄດ້ພົບເຫັນຮູ້ສືກເຊົາເມື່ອຍທັນທີ.
ມື້ນີ້, ຂະບວນລົດໄດ້ອອກເດີນທາງຈາກບ່ອນພັກໄປປະຕູໄຊເພື່ອເປີດພິທີເດີນຂະບວນຢ່າງເປັນທາງການ ໂດຍການເປັນປະທານຂອງທ່ານ ອູຈື້ອູ ທູດຝ່າຍເສດຖະກິດຂອງຈີນປະຈໍາລາວ, ຈາກນັ້ນ, ຂະບວນລົດກໍ່ໄດ້ໄປຢ້ຽມຊົມສະຖານທີ່ທ່ອງທ່ຽວທີ່ມີຊື່ສຽງຂອງປະເທດລາວ, ຄືພະທາດຫຼວງວຽງຈັນເຊິ່ງເປັນສະຖານທີ່ເຄົາລົບຂອງປວງຊົນລາວທັງຊາດ. ຈາກນັ້ນຂະບວນລົດ ເລີ່ມເຄື່ອນອອກເດີນທາງໄປສຸໂຂໄທ. ໃນຕະຫຼອດໄລຍະການເດີນທາງນອກຈາກຈະຖ່າຍຮູບພາບທໍາມະຊາດຕະຫຼອດໄລຍະການເດີນທາງແລ້ວ, ຜູ້ຮ່ວມຂະບວນກໍໄດ້ສ້າງບັນຍາກາດຕະຫຼອດການເດີນທາງໃນຄັ້ງນີ້, ໂດຍສະເພາະທີມຂ່າວພວກເຮົາ, ເດີນທາງພໍເທົ່າໃດຊົ່ວໂມງກໍ່ຮອດເມືອງສຸໂຂໄທຈັງຫວັດສຸໂຂໄທຂອງປະເທດໄທແລ້ວ, ຂະບວນລົດໄປພັກຢູ່ໄກ້ໆກັບເມືອງບູຮານຫຼືຫໍພິພິທະພັນແຫ່ງຊາດຂອງເມືອງສຸໂຂໄທນັ້ນເອງ. ຫໍພິພິທະພັນແຫ່ງນີ້ເປັນເມືອງທີ່ເກົ່າແກ່ທາງດ້ານວັດທະນະທໍາ, ປະຫວັດຄວາມເປັນມາຂອງຮ່ອງຮອຍທາງດ້ານປະຫວັດສາດ, ມີພະທາດເກົ່າແກ່ , ເສົາຫີນ, ແລະອື່ນໆທີ່ຕັ້ງລຽງກັນປານຮູບແຕ້ມ, ເຮັດໃຫ້ຜູ້ໄດ້ພົບເຫັນຮູ້ສືກເຊົາເມື່ອຍທັນທີ.
