ລັດຖະມົນຕີການຕ່າງປະເທດຟີລິບປິນຢ້ຽມຢາມຈີນເປັນເທື່ອທຳອິດຫຼັງຈາກເຫດການເກາະຫວງຢຽນທີ່ເກີດຂຶ້ນໃນປີນີ້
(GMT+08:00) 2012-08-27 17:20:09 cri
ວັນທີ25ສິງຫານີ້,ຢູ່ນະຄອນຫຼວງປັກກິ່ງ,ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານອັນເບີດ ເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນທີ່ມາຢ້ຽມຢາມຈີນບໍ່ເປັນທາງການ.ສອງຝ່າຍໄດ້ດຳເນີນການເຈລະຈາກັນຢ່າງມີລັກສະນະສ້າງສັນ,ທ່າມກາງບັນຍາກາດອັນຕັ້ງໜ້າ,ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍແລະບັນຫາທີ່ສົນໃຈຮ່ວມກັນ.ຕາມສື່ມວນຊົນຟີລິບປິນລາຍງານວ່າ,ທ່ານເດວ ໂຣຊາຣີໂອມາຢ້ຽມຢາມຈີນເທື່ອນີ້ແມ່ນມີຈຸດປະສົງເພື່ອໄປຢ້ຽມຢາມທ່ານນາງໂຊເນຍ ໄບຼດີ ເອກອັກຄະລັດຖະທູດຟີລິບປິນປະຈຳຈີນທີ່ພວມນອນປິ່ນປົວຢູ່ໂຮງໝໍ.
ທ່ານນາງໂຊເນຍ ໄບຼດີ ຫາກໍ່ຂຶ້ນຮັບຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນເປັນເວລາພຽງ2ເດືອນກວ່າເທົ່ານັ້ນ,ວັນທີ22ສິງຫານີ້,ນາງນອນປິ່ນປົວຢູ່ໂຮງໝໍຍ້ອນເປັນອຳມະພາດຂັ້ນເບົາ,ທ່ານເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນກໍ່ຖືໂອກາດທີ່ໄປຢ້ຽມຢາມທ່ານນາງໂຊເນຍ ໄບຼດີເພື່ອຢ້ຽມຢາມຈີນໃນວັນທີ25ສິງຫານີ້.ໜັງສືພິມຟີລິບປິນເດລີ ອິນຄວາຍເອີ ສະບັບວັນທີ26ສິງຫານີ້ລາຍງານວ່າ,ນີ້ແມ່ນລັດຖະມົນຕີການຕ່າງປະເທດຟີລິບປິນຢ້ຽມຢາມຈີນເປັນເທື່ອທຳອິດຫຼັງຈາກສອງປະເທດເກີດຄວາມຂັດແຍ່ງກັນຍ້ອນເຫດການເກາະຫວງຢຽນທີ່ເກີດຂຶ້ນໃນເດືອນເມສາປີນີ້.
ເດືອນພຶດສະພາທີ່ຜ່ານມາ,ການພົວພັນລະຫວ່າງຈີນກັບຟີລິບປິນໄດ້ຕົກຢູ່ໃນສະພາບຕົກຕ່ຳທີ່ສຸດຍ້ອນຄວາມຂັດແຍ່ງຢູ່ເກາະຫວງຢຽນ,ທ່ານເບນິກໂນ ອາກີໂນ 3 ປະທານາທິບໍດີຟີລິບປິນສະເໜີຊື່ທ່ານໂດມິນໂກ ລີ ຜູ່ສະໜິດໃກ້ຊິດກັບຕົນເອງຂຶ້ນດຳລົງຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນ,ແຕ່ຖືກສະພາຕ່ຳຟີລິບປິນຄັດຄ້ານ,ທ່ານອາກີໂນສະເໜີຊື່ຫຼາຍເທື່ອແຕ່ບໍ່ຜ່ານການຮັບຮອງ.ສ່ວນໃນເວລານັ້ນ,ຕຳແໜ່ງເອກອັກຄະລັດຖະທູດຟີລິບປິນປະຈຳຈີນໄດ້ເປົ່າຫວ່າງມາເປັນເວລາ1ປີກວ່າແລ້ວ.ຕໍ່ມາ,ທ່ານນາງໂຊເນຍ ໄບຼດີ ທີ່ເຄີຍດຳລົງຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນໃນປີ2006ນັ້ນໄດ້ດຳລົງຕຳແໜ່ງນີ້ຄືນອີກ.ບຸກຄົນວົງການການຕ່າງປະເທດກ່າວວ່າ,ໃນໄລຍະທ່ານນາງໄບຼດີພັກຟື້ນສຸຂະພາບນັ້ນ,ຜູ່ຊ່ວຍຂອງນາງຈະຮັບຜິດຊອບວຽກງານໃນສະຖານທູດ.
ທ່ານນາງໂຊເນຍ ໄບຼດີເປັນອຳມະພາດຢ່າງກະທັນຫັນພາໃຫ້ພາຍນອກມີການຄາດເດົາວ່ານາງອາດຈະຖືກຜູ່ອື່ນມາດຳລົງຕຳແໜ່ງເອກອັກຄະລັດຖະທູດປະຈຳຈີນແທນ.ວັນທີ25ສິງຫານີ້,ໃນເວລາຕອບຄຳຖາມຂອງນັກຂ່າວວ່າທ່ານນາງໂຊເນຍ ໄບຼດີຈະຖືກປົດຕຳແໜ່ງຫຼືບໍ່? ໂຄສົກທຳນຽບປະທານາທິບໍດີຟີລິບປິນກ່າວວ່າ,ລັດຖະບານຟີລິບປິນຈະພິຈາລະນາເຖິງບັນຫານີ້ແຕ່ຈະບໍ່ເອົາຄົນອື່ນມາປ່ຽນແທນທ່ານນາງໄບຼດີຢ່າງກະທັນຫັນແນ່ນອນ.
ທ່ານນາງໂຊເນຍ ໄບຼດີ ຫາກໍ່ຂຶ້ນຮັບຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນເປັນເວລາພຽງ2ເດືອນກວ່າເທົ່ານັ້ນ,ວັນທີ22ສິງຫານີ້,ນາງນອນປິ່ນປົວຢູ່ໂຮງໝໍຍ້ອນເປັນອຳມະພາດຂັ້ນເບົາ,ທ່ານເດວ ໂຣຊາຣີໂອ ລັດຖະມົນຕີວ່າການກະຊວງການຕ່າງປະເທດຟີລິບປິນກໍ່ຖືໂອກາດທີ່ໄປຢ້ຽມຢາມທ່ານນາງໂຊເນຍ ໄບຼດີເພື່ອຢ້ຽມຢາມຈີນໃນວັນທີ25ສິງຫານີ້.ໜັງສືພິມຟີລິບປິນເດລີ ອິນຄວາຍເອີ ສະບັບວັນທີ26ສິງຫານີ້ລາຍງານວ່າ,ນີ້ແມ່ນລັດຖະມົນຕີການຕ່າງປະເທດຟີລິບປິນຢ້ຽມຢາມຈີນເປັນເທື່ອທຳອິດຫຼັງຈາກສອງປະເທດເກີດຄວາມຂັດແຍ່ງກັນຍ້ອນເຫດການເກາະຫວງຢຽນທີ່ເກີດຂຶ້ນໃນເດືອນເມສາປີນີ້.
ເດືອນພຶດສະພາທີ່ຜ່ານມາ,ການພົວພັນລະຫວ່າງຈີນກັບຟີລິບປິນໄດ້ຕົກຢູ່ໃນສະພາບຕົກຕ່ຳທີ່ສຸດຍ້ອນຄວາມຂັດແຍ່ງຢູ່ເກາະຫວງຢຽນ,ທ່ານເບນິກໂນ ອາກີໂນ 3 ປະທານາທິບໍດີຟີລິບປິນສະເໜີຊື່ທ່ານໂດມິນໂກ ລີ ຜູ່ສະໜິດໃກ້ຊິດກັບຕົນເອງຂຶ້ນດຳລົງຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນ,ແຕ່ຖືກສະພາຕ່ຳຟີລິບປິນຄັດຄ້ານ,ທ່ານອາກີໂນສະເໜີຊື່ຫຼາຍເທື່ອແຕ່ບໍ່ຜ່ານການຮັບຮອງ.ສ່ວນໃນເວລານັ້ນ,ຕຳແໜ່ງເອກອັກຄະລັດຖະທູດຟີລິບປິນປະຈຳຈີນໄດ້ເປົ່າຫວ່າງມາເປັນເວລາ1ປີກວ່າແລ້ວ.ຕໍ່ມາ,ທ່ານນາງໂຊເນຍ ໄບຼດີ ທີ່ເຄີຍດຳລົງຕຳແໜ່ງເປັນເອກອັກຄະລັດຖະທູດຟີລິບປິນປະຈຳຈີນໃນປີ2006ນັ້ນໄດ້ດຳລົງຕຳແໜ່ງນີ້ຄືນອີກ.ບຸກຄົນວົງການການຕ່າງປະເທດກ່າວວ່າ,ໃນໄລຍະທ່ານນາງໄບຼດີພັກຟື້ນສຸຂະພາບນັ້ນ,ຜູ່ຊ່ວຍຂອງນາງຈະຮັບຜິດຊອບວຽກງານໃນສະຖານທູດ.
ທ່ານນາງໂຊເນຍ ໄບຼດີເປັນອຳມະພາດຢ່າງກະທັນຫັນພາໃຫ້ພາຍນອກມີການຄາດເດົາວ່ານາງອາດຈະຖືກຜູ່ອື່ນມາດຳລົງຕຳແໜ່ງເອກອັກຄະລັດຖະທູດປະຈຳຈີນແທນ.ວັນທີ25ສິງຫານີ້,ໃນເວລາຕອບຄຳຖາມຂອງນັກຂ່າວວ່າທ່ານນາງໂຊເນຍ ໄບຼດີຈະຖືກປົດຕຳແໜ່ງຫຼືບໍ່? ໂຄສົກທຳນຽບປະທານາທິບໍດີຟີລິບປິນກ່າວວ່າ,ລັດຖະບານຟີລິບປິນຈະພິຈາລະນາເຖິງບັນຫານີ້ແຕ່ຈະບໍ່ເອົາຄົນອື່ນມາປ່ຽນແທນທ່ານນາງໄບຼດີຢ່າງກະທັນຫັນແນ່ນອນ.
