ທຸລະກິດເງິນຢວນຂອງຈີນແຕກດອກອອກຜົນຢູ່ອາຊີອາຄະເນ
(GMT+08:00) 2012-08-31 15:51:35 cri
ຕາມໜັງສືພິມເຢິນມິນຢື້ປ້າວຫຼືປະຊາຊົນລາຍວັນຂອງຈີນລາຍງານວ່າ:ຢູ່ປະເທດອາຊີອາຄະເນ,ການແລກປ່ຽນເງິນຢວນນັບມື້ນັບສະດວກວ່ອງໄວ,ຊຶ່ງໄດ້ສ້າງຄວາມສະດວກຢ່າງຫຼວງຫຼາຍໃຫ້ແກ່ນັກທ່ອງທ່ຽວຈີນແລະລູກຄ້າຂອງປະເທດເຫຼົ່ານີ້.
ປີ2005ຜ່ານມານີ້,ບໍລິສັດChina UnionPayໄດ້ເປີດບໍລິການຢູ່ໄທ,ສິງກະໂປແລະປະເທດອື່ນໆ.ປະຈຸບັນ,ຕູ້ATMຈຳນວນຫຼາຍໝື່ນໜ່ວຍຂອງທະນາຄານການຄ້າໃຫຍ່7ແຫ່ງຂອງໄທສາມາດໃຊ້ບັດ UnionPayຖອນເງິນບາດໄດ້.ຮ້ານຄ້າຢູ່ໄທທີ່ໃຊ້ການບໍລິການ UnionPayມີຫຼາຍພັນແຫ່ງ, ສ່ວນຫຼາຍແມ່ນຮ້ານສັບພະສິນຄ້າຂະໜາດໃຫຍ່ແລະຮ້ານຂາຍເຄື່ອງສຳລັບນັກທ່ອງທ່ຽວ.ຢູ່ສິງກະໂປ,ຕູ້ATMເກືອບທຸກໜ່ວຍລ້ວນແຕ່ສາມາດຖອນເງິນໂດລາສິງກະໂປດ້ວຍບັດ UnionPayໄດ້,ແລະມີຮ້ານຄ້ານັບເປັນໝື່ນແຫ່ງໄດ້ໃຊ້ການບໍລິການ UnionPayຂອງທະນາຄານຈີນ.
ການແລກປ່ຽນເງິນຢວນນັບມື້ນັບສະດວກວ່ອງໄວແມ່ນຍ້ອນໄດ້ຮັບຜົນປະໂຫຍດຈາກການຄ້າແລະການລົງທຶນລະຫວ່າງຈີນໄທນັບມື້ນັບເພີ່ມຫຼາຍຂຶ້ນ,ແລະກໍ່ແມ່ນຍ້ອນວ່ານັກທ່ອງທ່ຽວຈີນເດີນທາງໄປທ່ຽວປະເທດໄທນັບມື້ນັບຫຼາຍຂຶ້ນ.ຕົວເລກນີ້ສະແດງໃຫ້ເຫັນວ່າ,ຈີນໄດ້ກາຍເປັນປະເທດທີ່ນຳເຂົ້າສິນຄ້າໄທຫຼາຍທີ່ສຸດ,ແລະເປັນປະເທດທີ່ສົ່ງອອກສິນຄ້າໄປໃຫ້ໄທຫຼາຍເປັນອັນດັບທີສອງແລະເປັນປະເທດທີ່ລົງທຶນຢູ່ໄທຫຼາຍເປັນອັນດັບສອງ.ນອກຈາກນັ້ນ,ຈີນຍັງໄດ້ກາຍເປັນປະເທດທີ່ມີນັກທ່ອງທ່ຽວໄປທ່ຽວໄທຫຼາຍທີ່ສຸດຂຶ້ນແທນມະເລເຊຍ.
ທ່ານທອມມີເຊ້ ນັກເສດຖະສາດທະນາຄານ OCBCສິງກະໂປກ່າວວ່າ,ໃນ10ປີທີ່ຜ່ານມາ,ທຸລະກິດເງິນຢວນໄດ້ພັດທະນາໄວຫຼາຍຢູ່ອາຊີອາຄະເນ.ຈາກຂົງເຂດການຄ້າແລ້ວ,ນັບແຕ່ຈີນເລີ່ມປະຕິບັດຈຸດສຸມທົດລອງດຳເນີນທຸລະກິດຊຳລະສະສາງການຄ້າຂ້າມຊາດດ້ວຍເງິນຢວນໃນປີ2009ເປັນຕົ້ນມາ,ທະນາຄານຂອງໄທ,ລາວ,ຫວຽດນາມ,ມຽນມາແລະປະເທດອື່ນໆລ້ວນແຕ່ໄດ້ຕັ້ງໜ້າດຳເນີນທຸລະກິດເງິນຢວນ,ຊຶ່ງທຸລະກິດເງິນຢວນໄດ້ເຕີບໂຕຢ່າງວ່ອງໄວ.ຕົວເລກຫຼ້າສຸດສະແດງໃຫ້ເຫັນວ່າ,ເງິນຢວນໄດ້ກາຍເປັນເງິນຕາໃບເຄຼດິດຫຼືສິນເຊື່ອສຳຄັນອັນດັບສາມຊຶ່ງຮອງຈາກເງິນໂດລາແລະເງິນເອີໂຣ,ຊຶ່ງເງິນຢວນໄດ້ກວມອັດຕາການໃຊ້ໃນຕະຫຼາດເຖິງ4%.ສ່ວນໃບເຄຼດິດແມ່ນວິທີຈ່າຍເງິນທີ່ໃຊ້ຫຼາຍທີ່ສຸດໃນການຄ້າສາກົນ.ສິ່ງທີ່ໜ້າສົນໃຈນັ້ນແມ່ນຕະຫຼາດກູ້ຢືມເງິນຢວນຢູ່ນອກຈີນແຜ່ນດິນໃຫຍ່ກໍ່ເລີ່ມພັດທະນາຂຶ້ນແລ້ວ.ຢູ່ສິງກະໂປ,ວິສາຫະກິດຈຳນວນໜຶ່ງເລີ່ມຫັນໄປກູ້ຢືມເງິນຢວນຢູ່ທະນາຄານຂອງສິງກະໂປແລ້ວ.
ປີ2005ຜ່ານມານີ້,ບໍລິສັດChina UnionPayໄດ້ເປີດບໍລິການຢູ່ໄທ,ສິງກະໂປແລະປະເທດອື່ນໆ.ປະຈຸບັນ,ຕູ້ATMຈຳນວນຫຼາຍໝື່ນໜ່ວຍຂອງທະນາຄານການຄ້າໃຫຍ່7ແຫ່ງຂອງໄທສາມາດໃຊ້ບັດ UnionPayຖອນເງິນບາດໄດ້.ຮ້ານຄ້າຢູ່ໄທທີ່ໃຊ້ການບໍລິການ UnionPayມີຫຼາຍພັນແຫ່ງ, ສ່ວນຫຼາຍແມ່ນຮ້ານສັບພະສິນຄ້າຂະໜາດໃຫຍ່ແລະຮ້ານຂາຍເຄື່ອງສຳລັບນັກທ່ອງທ່ຽວ.ຢູ່ສິງກະໂປ,ຕູ້ATMເກືອບທຸກໜ່ວຍລ້ວນແຕ່ສາມາດຖອນເງິນໂດລາສິງກະໂປດ້ວຍບັດ UnionPayໄດ້,ແລະມີຮ້ານຄ້ານັບເປັນໝື່ນແຫ່ງໄດ້ໃຊ້ການບໍລິການ UnionPayຂອງທະນາຄານຈີນ.
ການແລກປ່ຽນເງິນຢວນນັບມື້ນັບສະດວກວ່ອງໄວແມ່ນຍ້ອນໄດ້ຮັບຜົນປະໂຫຍດຈາກການຄ້າແລະການລົງທຶນລະຫວ່າງຈີນໄທນັບມື້ນັບເພີ່ມຫຼາຍຂຶ້ນ,ແລະກໍ່ແມ່ນຍ້ອນວ່ານັກທ່ອງທ່ຽວຈີນເດີນທາງໄປທ່ຽວປະເທດໄທນັບມື້ນັບຫຼາຍຂຶ້ນ.ຕົວເລກນີ້ສະແດງໃຫ້ເຫັນວ່າ,ຈີນໄດ້ກາຍເປັນປະເທດທີ່ນຳເຂົ້າສິນຄ້າໄທຫຼາຍທີ່ສຸດ,ແລະເປັນປະເທດທີ່ສົ່ງອອກສິນຄ້າໄປໃຫ້ໄທຫຼາຍເປັນອັນດັບທີສອງແລະເປັນປະເທດທີ່ລົງທຶນຢູ່ໄທຫຼາຍເປັນອັນດັບສອງ.ນອກຈາກນັ້ນ,ຈີນຍັງໄດ້ກາຍເປັນປະເທດທີ່ມີນັກທ່ອງທ່ຽວໄປທ່ຽວໄທຫຼາຍທີ່ສຸດຂຶ້ນແທນມະເລເຊຍ.
ທ່ານທອມມີເຊ້ ນັກເສດຖະສາດທະນາຄານ OCBCສິງກະໂປກ່າວວ່າ,ໃນ10ປີທີ່ຜ່ານມາ,ທຸລະກິດເງິນຢວນໄດ້ພັດທະນາໄວຫຼາຍຢູ່ອາຊີອາຄະເນ.ຈາກຂົງເຂດການຄ້າແລ້ວ,ນັບແຕ່ຈີນເລີ່ມປະຕິບັດຈຸດສຸມທົດລອງດຳເນີນທຸລະກິດຊຳລະສະສາງການຄ້າຂ້າມຊາດດ້ວຍເງິນຢວນໃນປີ2009ເປັນຕົ້ນມາ,ທະນາຄານຂອງໄທ,ລາວ,ຫວຽດນາມ,ມຽນມາແລະປະເທດອື່ນໆລ້ວນແຕ່ໄດ້ຕັ້ງໜ້າດຳເນີນທຸລະກິດເງິນຢວນ,ຊຶ່ງທຸລະກິດເງິນຢວນໄດ້ເຕີບໂຕຢ່າງວ່ອງໄວ.ຕົວເລກຫຼ້າສຸດສະແດງໃຫ້ເຫັນວ່າ,ເງິນຢວນໄດ້ກາຍເປັນເງິນຕາໃບເຄຼດິດຫຼືສິນເຊື່ອສຳຄັນອັນດັບສາມຊຶ່ງຮອງຈາກເງິນໂດລາແລະເງິນເອີໂຣ,ຊຶ່ງເງິນຢວນໄດ້ກວມອັດຕາການໃຊ້ໃນຕະຫຼາດເຖິງ4%.ສ່ວນໃບເຄຼດິດແມ່ນວິທີຈ່າຍເງິນທີ່ໃຊ້ຫຼາຍທີ່ສຸດໃນການຄ້າສາກົນ.ສິ່ງທີ່ໜ້າສົນໃຈນັ້ນແມ່ນຕະຫຼາດກູ້ຢືມເງິນຢວນຢູ່ນອກຈີນແຜ່ນດິນໃຫຍ່ກໍ່ເລີ່ມພັດທະນາຂຶ້ນແລ້ວ.ຢູ່ສິງກະໂປ,ວິສາຫະກິດຈຳນວນໜຶ່ງເລີ່ມຫັນໄປກູ້ຢືມເງິນຢວນຢູ່ທະນາຄານຂອງສິງກະໂປແລ້ວ.
