ບົດບັນທຶກປະຈຳວັນຂອງນັກຂ່າວທີ່ຕິດຕາມຂະບວນລົດແລ່ນລີຈີນອາຊຽນ
ສະບາຍດີທ່ານຜູ້ອ່ານພົບກັນອີກແລ້ວກັບການຕິດຕາມຂະບວນລົດແລ່ນລີ້ຈີນ-ອາຊຽນ, ພົບກັບລັດຕະນະໃນວັນອາທິດທີ 26 ສິງຫານີ້, ລັດຕະນະຈະພາທ່ານເດີນທາງໄປປະເທດສຸດທ້າຍທີ່ຂະບວນລົດແລ່ນລີ້ຈະຜ່ານຄືປະເທດສິງກະໂປ, ແລະໃນຕອນເຊົ້າມື້ນີ້, ກໍ່ໄດ້ມີພິທີປ່ອຍຂະບວນລົດແລ່ນລີ້ຂື້ນ, ໂດຍມີທ່ານ ຢາງ ທ່ຽນເປີຍ ປະທານການຄ້າຈີນ-ອາຊຽນເປັນຜູ້ກ່າວເປີດພິທີ, ໄລຍະທາງທີ່ຈະພາທ່ານໄປຈາກປະເທດມາເລຍເຊຍຫາປະທດສິງກະໂປປະມານ 770 ກິໂລແມັດ, ຈາກນັ້ນ, ຂະບວນລົດກໍ່ເລີ່ມອອກເດີນທາງໄປປະເທດສິງກະໂປ, ລະຫວ່າງການເດີນທາງລັດຕະນະຈະພາທ່ານແວ່ຊົມມາລາກາເຊິ່ງເປັນອີກບ່ອນທ່ອງທ່ຽວຂອງປະເທດມາເລເຊຍທີ່ງາມຫຼາຍຕັ້ງຢູ່ແຄມທະເລ, ຈາກນັ້ນ, ບັນດາທີມນັກຂ່າວພວກເຮົາກໍ່ໄດ້ຖ່າຍຮູບຮ່ວມກັນເປັນທີ່ລະນືກ, ແລ້ວກໍເລີ່ມອອກເດີນທາງຕໍ່ໄປຫາກທ່ານຈະເດີນທາງໄປປະເທດນີ້, ທ່ານຕ້ອງກຽມຄວາມພ້ອມຮ່າງກາຍເພາະປະເທດສິງກະໂປມີອາກາດປ່ຽນແປງຕະຫຼອດເວລາ. ຕະຫຼອດໄລຍະການເດີນທາງເຫັນຫຼາຍຢ່າງທີ່ແປກຫູແປກຕາໂດຍສະເພາະແມ່ນຄວາມຈະເລີນຂອງພາກໄຕ້ປະເທດມາເລເຊຍຈົນລືມໄປວ່າຮອດດ່ານມາເລເຊຍ-ສິງກະໂປແລ້ວ, ເມື່ອຂະບວນລົດແລ່ນເຂົ້າໄກ້ຕົວເມືອງເທົ່າໃດຍິ່ງເຮັດໃຫ້ລັດຕະນະຢາກພາທ່ານໄປທ່ອງທ່ຽວຫຼາຍໆບ່ອນໃນປະເທດສິງກະໂປ. ແຕ່ວ່າມື້ນີ້, ຂໍພັກຜ່ອນກ່ອນມື້ອື່ນລັດຕະນະຈະພາທ່ານທ່ຽວທຸກບ່ອນທີ່ທ່ານຢາກເຫັນກໍ່ແລ້ວກັນ.
