ງານລ້ຽງຕ້ອນຮັບຂະບວນລົດແລ່ນລີ້ຈີນ-ອາຊຽນທີ່ປະເທດສິງກະໂປ
ວັນທີ 25 ສິງຫານີ້, ທີ່ປະເທດສິງກະໂປ, ທ່ານ ຫຼີ ເວີນເຈຍ ປະທານສະມາຊິກສະພາຂອງສິງກະໂປແລະທ່ານ ເສີນ ຕິງຫຼີ ປະທານສະມາຄົມມໍເຕີໂມບາຍສິງກະໂປ ໄດ້ຈັດງານລ້ຽງຕ້ອນຮັບຂະບວນລົດແລ່ນລີ້ຈີນ-ອາຊຽນທີ່ນໍາໂດຍທ່ານ ດຣ ເສິນ ລີ້ຈີ່ ຮອງຫົວໜ້າກົມກິລາຈີນເຂດປົກຄອງຕົນເອງເຜົ່າຈ້ວາງກວາງຊີທີ່ເດີນທາງມາປະເທດສິງກະໂປຢ່າງຄຶກຄື້ນ. ໃນພິທີ, ທ່ານ ເວີນເຈຍ ປະທານສະມາຊິກສະພາສິງກະໂປ ກ່າວຕ້ອນຮັບຢ່າງອົບອຸ່ນຕໍ່ຂະບວນລົດແລ່ນລີ້ໄດ້ເດີນທາງມາໃນຄັ້ງນີ້, ແລະຍ້ອງຍໍວ່ານີ້ເປັນການເສີມສ້າງສາຍພົວພັນຈີນກັບບັນດາປະເທດອາຊຽນໂດຍສະເພາະແມ່ນຈີນກັບສິງກະໂປໃນດ້ານການຄ້າ, ວັດທະນະທໍາ, ແລະການໄປມາຫາສູ່ລະຫວາງສອງປະເທດໃຫ້ນັບມື້ເພີ່ມທະວີຂື້ນ. ນອກນັ້ນທ່ານຍັງໄດ້ອວຍພອຍໃຫ້ຂະບວນແລ່ນລີ້ຈີນ-ອາຊຽນເດີນທາງດ້ວຍສະຫວັດດີພາບ.
ໃນໂອກາດດັ່ງກ່າວ, ທ່ານ ດຣ ເສິນລີ້ຈີ່ ກໍ່ໄດ້ກ່າວຂອບໃຈທີ່ໄດ້ໃຫ້ການຕ້ອນຮັບຄັ້ງນີ້, ແລະເຊື່ອໝັ້ນວ່າ, ການມາຂອງຂະບວນລົດແລ່ນລີ້ຄັ້ງນີ້ຈະຮັດແໜ້ນສາຍພົວພັນມິດຕະພາບລະຫວ່າງຈີນກັບປະເທດອາຊຽນໂດຍສະເພາະລະຫວ່າງຈີນກັບສິງກະໂປໃຫ້ນັບມື້ເພີ່ມທະວີຂື້ນເລື້ອຍໆ.
ໃນຕອນທ້າຍກໍ່ໄດ້ມີການເຊັນບົດບັນທຶກຊ່ວຍຈໍາທັງສອງປະເທດ, ຕາງໜ້າໃຫ້ຂະບວນລົດແລ່ນລີ້ຄັ້ງນີ້ແມ່ນແມ່ນທ່ານ ໜາ ຈີ້ຖົງ ຜູ້ຊ່ວຍຜູ້ຈັດການແລ່ນລີ້ໄຊແລະ ຕາງໜ້າຝ່າຍສິງກະໂປແມ່ນທ່ານ ທ່ານ ເສີນ ຕິງຫຼີ ປະທານສະມາຄົມມໍເຕີໂມບາຍ ສິງກະໂປ, ຈາກນັ້ນ, ໄດ້ມີການສະແດງຟ້ອນມາເລເຊຍ, ອິນເດຍ,ແລະຈີນ, ແລະມອບ ໃບຍັ້ງຢືນສໍາລັບການແຂ່ງຂັນລົດໂຄຄາດຂອງຜູ້ເຂົ້າຮ່ວມຂະບວນລົດແລ່ນລີ້ຄັ້ງນີ້ອີກດ້ວຍ.
