ບົດບັນທຶກປະຈຳວັນຂອງນັກຂ່າວທີ່ຕິດຕາມຂະບວນລົດແລ່ນລີຈີນອາຊຽນ
ສະບາຍດີທ່ານຜູ້ອ່ານ, ພົບກັບລັດຕະນະທີ່ປະເທດກໍາປູເຈຍ. ໃນວັນທີ 31 ສິງຫານີ້, ລັດຕະນະໄດ້ຕິດຕາມຂະບວນລົດແລ່ນລີ້ຈີນ-ອາຊຽນເດີນທາງຈາກທາງພາກໄຕ້ຂອງໄທຜ່ານຊາຍແດນໄທ-ກໍາປູເຈຍ. ໄກ້ຈະນັບຖອຍຫຼັງແລ້ວຍັງເຫຼືອອີກບໍ່ພໍເທົ່າໃດມື້, ຂະບວນກໍຈະເດີນທາງຮອດໜານໜິງປະເທດຈີນ. ສໍາລັບການເດີນທາງເຊົ້າມື້ນີ້, ກໍ່ເຊັ່ນເຄີຍ, ຂະບວນລົດເລີ່ມອອກເດີນທາງແຕ່ເຊົ້າຫຼັງຈາກທີ່ຫຼາຍຄົນໄດ້ພັກຜ່ອນເອົາແຮງເຕັມທີ່ແລ້ວ, ຈາກເມືອງພັດທະຍາປະເທດໄທຫາຊຽມແລບກໍາປູເຈຍກໍ່ບໍ່ຫ່າງໄກກັນຫຼາຍປານໃດ, ມີປະມານ 380 ກິໂລແມັດເທົ່ານັ້ນ. ພໍຮອດຊາຍແດນປອຍເປັດກໍາປູເຈຍ, ລັດຕະນະກໍໄດ້ຖ່າຍຮູບເພື່ອເອົາມາຝາກທ່ານຜູ້ອ່ານ, ປະຊາຊົນທີ່ອາໃສຢູ່ລະຫວ່າງຊາຍແດນຂອງສອງປະເທດ, ສ່ວນລາຍແມ່ນຄ້າຂາຍ, ສໍາລັບການໃຊ້ຈ່າຍດ້ວຍເງິນໄທກັບເງິນກໍາປູເຈ້ຍແມ່ນບໍ່ເປັນບັນຫາເລີຍ, ການດໍາລົງຊີວິດຂອງປະຊາຊົນຕາມຊາຍແດນແລະຕະຫຼອດທາງ, ການທໍາມາຫກິນກໍ່ຄ້າຍຄືກັບປະເທດລາວ, ມີໄຮ່ນາ, ຮົ້ວສວນ, ງົວ, ຄວາຍ, ແລະອື່ນໆ, ຕະຫຼອດຮອດເຮືອນຊານບ້ານຊ່ອງກໍ່ເຊັ່ນດຽວກັນ. ແລະເປັນຄັ້ງທໍາອິດທີ່ລັດຕະນະໄດ້ມາປະເທດນີ້, ສິ່ງທີ່ລັດຕະນະຢາກພາທ່ານໄປເບິ່ງສະຖານທີ່ຕ່າງໆທີ່ເປັນເອກະລັກຂອງປະເທດນີ້ມີຫຼາຍຢ່າງ, ເປັນຕົ້ນແມ່ນອັງກໍວັດ, chong kneaseແລະອື່ນໆ.
ມື້ນີ້, ເດີນທາງຮອດຊຽມລຽມກໍ່ທ່ຽງແລ້ວ, ລັດຕະນະຈະພາທ່ານໄປທ່ອງທ່ຽວ chong knease ກ່ອນເນາະ. ເພາະສະຖານທີ່ນີ້ໄກ້ກັບບ່ອນພັກແດ່, ແລ້ວມື້ອື່ນຈະພາທ່ານໄປທ່ຽວອັງກໍວັດ. chong knease ເປັນອີກສະຖານທີ່ໜື່ງທີ່ຫຼາຍຄົນໃຫ້ຄວາມສົນໃຈ, ໂດຍສະເພາະແມ່ນນັກທ່ອງທ່ຽວທີ່ເດີນທາງມາປະເທດນີ້, ຕ້ອງໄດ້ໄປຖ່າຍຮູບເປັນທີ່ລະນຶກ, ແຕ່ບໍ່ຜິດຫວັງ, ແນ່ນອນທີວທັດທໍາມະຊາດແຖວນີ້ງາມຫຼາຍ, ລະຫວ່າງການເດີນທາງ, ມີຝົນຕົກກເປັນໄລຍະໆ, ແຕ່ລັດຕະນະຈະພາທ່ານໄປເບິ່ງສະຖານທີ່ແຫ່ງນີ້ຕາມທີ່ສັນຍາໄວ້ແນ່ນອນ. ຈາກນັ້ນຂະບວນລົດພວກເຮົາກໍ່ໄດ້ລ່ອງເຮືອເບິ່ງທໍາມະຊາດ, ກິນລົມຊົມວີວ, ບັນຍາກາດດີຫຼາຍ, ປະຊາຊົນທີ່ອາໃສຢູ່ແຖວນີ້, ມີທັງຄົນກຳປູເຈຍ, ແລະຄົນຫວຽດນາມ. ເຮືອນເຂົາເຈົ້າຈະເປັນຄ້າຍເຮືອນແພ, ເປັນອີກໜູ່ບ້ານໜື່ງກໍວ່າໄດ້. ເຂົາເຈົ້າອາໃສຢູ່ທີ່ນີ້ມາແຕ່ດົນນານແລ້ວ, ຢູ່ບ່ອນນີ້ມີຮ້ານອາຫານ, ໂຮງຮຽນ, ສຸສາລາແລະຍັງເປັນບ່ອນທ່ຽວທ່ອງທີ່ສໍາຄັນອີກແຫ່ງໜື່ງສຳລັບທາງພາກໄຕ້ຂອງປະເທດນີ້. ຄົນສ່ວນຫຼາຍເອີ້ນບ່ອນນີ້ວ່າ chong knease ໝາຍຄວາມວ່າເປັນເທສາບ.
