ບົດບັນທຶກປະຈຳວັນຂອງນັກຂ່າວທີ່ຕິດຕາມຂະບວນລົດແລ່ນລີຈີນອາຊຽນ
ສະບາຍດີທ່ານຜູ້ອ່ານພົບກັນວັນເສົາທີ 01 ກັນຍານີ້, ເປັນວັນພັກຂອງທ້າຍອາທິດ, ຫຼາຍທ່ານອາດຈະຍັງຄິດບໍ່ອອກວ່າຈະໄປທ່ຽວໃສດີ. ຄັນຊັ້ນມື້ນີ້, ລັດຕະນະຈະພາທ່ານໄປຕາມຂະບວນລົດແລ່ນລີ້ຈີນ-ອາຊຽນໄປທ່ຽວ to Pron Temple, Elephant Stage Fighting, Angkor Thom, ແລະອັງກໍວັດຂອງກໍາປູເຈຍ ທີ່ເປັນອີກບ່ອນໜື່ງທີ່ລັດຕະນະຢາກພາທ່ານໄປທີ່ສຸດ. ດັ່ງທີ່ຫຼາຍຄົນເວົ້າວ່າ, ຜູ້ໄດ້ໄປປະເທດກໍາປູເຈຍແລ້ວ, ຖ້າບໍ່ໄດ້ໄປນະຄອນວັດ, ນະຄອນທົມແມ່ນບໍ່ໄດ້ໄປຮອດກໍາປູເຈຍນັ້ນລະ ຮ່າ….ຮ່າ….. , ມື້ນີ້ລັດຕະນະຈະພາທ່ານອອກເດີນທາງແຕ່ເຊົ້າຫຼັງຈາກຮັບປະທານອາຫານແລ້ວໄປພ້ອມຂະບວນລົດແລ່ນລີ້, ສໍາລັບ to Pron Temple, Elephant Stage Fighting, Angkor Thom ແມ່ນບໍ່ຢູ່ໄກຈາກທີ່ພັກຫຼາຍປານໃດ, ເດີນທາງປະມານ 20 ນາທີກໍ່ຮອດ, ແຕ່ບໍ່ຮອດສະຖານທີ່ດັ່ງກ່າວ, ໂອ໋! ທ່ານຜູ້ອ່ານ,ຄົນຫຼາຍອີ່ຫຼີມີທັງຊາວເອີຣົບ, ຊາວອາຊີ, ສ່ວນຫຼາຍຈະແມ່ນຊາວອາຊີທີ່ຫຼັ່ງໄຫຼກັນມາເບິ່ງສະຖານທີ່ເປັນມໍະດົກໂລກນີ້. ຄ່າຢ່າງຜ່ານປະຕູ ຜູ້ໜື່ງກໍ່ປະມານ 20 ໂດລາສະ ຫະລັດສໍາລັບຄົນຕ່າງປະເທດ, ຈາກດ້ານໜ້ານັ່ງລົດເຂົ້າໄປປະມານ 5 ນາທີກໍ່ໄປຮອດສະຖານທີ່, ໂອ່! ກວ້າງໃຫຍ່ຫຼາຍ, ບັນຍາກາດກໍມີຕົ້ນໄມ້ອ້ອມ, ອາກາດເຢັນສະບາຍ,ບວກກັບລົມພັດ, ໂອ່ຍເປັນຕາອອນຊອນ! ເຂົ້າໄປທາງໃນ, ເບິ່ງສະຖານທີ່ໄລ່ໄປແຕ່ to Pron Temple, Elephant Stage Fighting, ຈົນໄປຮອດ Angkor Thom ຍາວສຸດສາຍຕາຈົນຢ່າງບໍ່ໄຫວພຸ້ນລະ, ລັດຕະນະຢາກໃຫ້ທ່ານມາເຫັນດ້ວຍຕົນເອງແທ້ໆ, ແລະຈຸດເດັ່ນຂອງສະຖານທີ່ແຫ່ງນີ້, ມີຕົ້ນໄມ້ໃຫຍ່ທີ່ມີອາຍຸຫຼາຍຮ້ອຍປີ, ນອກຈາກ to Pron Temple, Elephant Stage Fighting, Angkor Thom ຍັງເປັນທີ່ດຶງດູດໃຈຂອງບັນດັນຜູ່ມາພົບເຫັນ, ເຊິ່ງມັນເປັນວັດທີ່ເກົ່າແກ່ແຫ່ງໜື່ງຂອງກໍາປູເຈຍ, ແລະຍັງໄດ້ຮັບການຈັດເຂົ້າເປັນເມືອງມໍລະດົກໂລກອີກດວ້ຍ, ສະຖານທີ່ແຫ່ງນີ້ເປັນອານາຈັກຂອມ, ແຕ່ລະພະຊາດມີຫີນກ້ອນໃຫຍ່ລຽງກັນເປັນຊັ້ນໆ, ເປັນຄໍາຖາມໃນໃຈຂອງຫຼາຍໆຄົນວ່າ, ຄົນສະໄໝກ່ອນເຂົາເຈົ້າເອົາເຫື່ອເອົາແຮງມາແຕ່ທາງໃດຈື່ງສ້າງສິ່ງມະຫຶມາຂະໜາດນີໂດຍບໍ່ມີຜູ້ໃດສາມາດຫາຄໍາຕອບໄດ້, ເພາະຫີນບາງກ້ອນໜັກເກືອບຮອດໂຕນ, ຫຼືກວ່ານັ້ນ! ໂອ່! ແປກອີ່ຫຼີ! ເປັນຄໍາຖາມທີ່ຄິດໃນໃຈລັດຕະນະແລະຫຼາຍໆຄົນກໍ່ເຊັ່ນດຽວກັນ. ຈາກ to Pron Temple, Elephant Stage Fighting, Angkor Thom ແລ້ວ, ລັດຕະນະຈະພາທ່ານໄປເບິ່ງ Angkor Wut , ນີ້ກໍ່ແມ່ນອີກສະຖານທີ່ໜື່ງທີ່ເປັນທີ່ຫຼົງໄຫຼຂອງທົ່ວໂລກຢາກມາເບິ່ງຕົວຈິງ, ສະຖານທີ່ນີ້ກໍບໍ່ໄກຈາກ to Pron Temple, Elephant Stage Fighting, Angkor Thom ປານໃດ.
Angkor Wut , ຫຼາຍທ່ານອາດຈະໄດ້ເຫັນຢູ່ບ່ອນໃດກໍຮູ້ວ່າແມ່ນສັນຍາລັກຂອງປະເທດກໍາປູເຈຍ, ໂດຍສະເພາະເປັນສັນຍາລັກຂອງທຸງຊາດ. Angkor Wut ສ້າງໃນສັດຕະວັດທີ 17 , ສະໄໝຂອງພະເຈົ້າສຸລິຍະວໍລະມັນທີ 2 ,ແລະ ຈາກອົງການ ຢູເນັສໂກ ຮັບຮອງເປັນເມືອງມໍລະດົກໂລກໃນປີ 1992, ມີເນື້ອທີ່ປະມານ 400 ກິໂລຕາແມັດ. ໃຫຍ່ອາລັງການຫຼາຍທາງດ້ານງານສິນ, ການແກະສະຫຼັກດ້ວຍຫີນທີ່ຊື່ເຖິງການເຄື່ອນໄຫວຂອງເຈົ້າຊີວິດແຕ່ລະພະອົງໃນສະໄໝກ່ອນ, ນອກຈາກພະສາດຫີນນີ້ແລ້ວ, ຈຸດເດັ່ນອີກອັນໜື່ງແມ່ນຍັງໜອງນໍ້າໃຫຍ່, ກວ້າງ, ຍາວທີ່ຢູ່ອ້ອມຮອບພະສາດຫີນເລົ່ານີ້, ຍາວສຸຸດສາຍຕາ, ບວກກັບທີວທັດທໍາມະຊາດທີ່ອອ້ມຮອບພະສາດຫີນນີ້, ເຮັດໃຫ້ຄົນຫຼົງໄຫຼນຳຄວາມສວຍງາມຂອງມັນ! ບ່ອນນີ້ກໍ່ໃຫຍ່, ກ້ວາງ, ທັງສູງ, ຄ້າຍໆກັບກ້ອນຫີນທີ່ຖືກຈັດວາງຍອງກັນຢ່າງມີສິນລະປະທີ່ຕັ້ງສະຫງ່າງາມ, ແລະຍັງເປັນສິ່ງດຶງດູດໃຈຂອງຜູ້ພົບເຫັນ, ນອກຈາກນີ້ແລ້ວ, ທ່ານຍັງສາມາດຊື້ເຄື່ອງທີ່ເປັນສັນຍາລັກຂອງສະຖານທີ່ແຫ່ງນີ້ເປັນຂອງຝາກໃຫ້ເພື່ອນມິດສະຫາຍ. ຄວາມກວ້າງໃຫຍ່ຈົນລືມຮອດເວລາກັບທີ່ພັກແລ້ວ! ເອົາລະ, ມື້ອື່ນລັະຕະນະຍັງຈະພາທ່ານໄປທ່ຽວພະນົມເປັນອີກ, ມື້ນີ້ຂໍພັກເອົາແຮງກ່ອນເນາະ, ສະບາຍດີ.
