ພິທີປ່ອຍຂະບວນລົດແລ່ນລີ້ຈີນ-ອາຊຽນຢູ່ປະເທດກໍາປູເຈຍ
ວັນທີ 3 ກັນຍານີ້, ທີ່ປະເທດກໍາປູເຈຍ, ທ່ານ ວັດ ຈໍາລວນ (Vath chamoeum) ເລຂາທິການໂອແລມປິກຊອງປະເທດກໍາປູເຈຍ ຮ່ວມກັບທ່ານ ດຣ ເຊິງ ລີ້ຈີ່ ຮອງຫົວໜ້າກິລາເຂດປົກຄອງຕົນເອງເຜົ່າຈວ້າງກວາງຊີ ໄດ້ຈັດພິທີປ່ອຍຂະບວນລົດແລ່ນລີ້ຈີນ-ອາຊຽນຂື້ນ. ໂດຍມີທ່ານ ເມດສ ຊາລຸນ( Meas sarou ) ຮອງເລຂາທິການກະຊວງສຶກສາຊາວໜຸ່ມແລະກິລາກໍາປູເຈຍ, ຜູ້ເຂົ້າຮ່ວມຂະບວນລົດແລ່ນລີ້ຈີນ-ອາຊຽນ, ແລະພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ, ທ່ານ ວັດ ຈໍາລວນ (Vath chamoeum) ເລຂາທິການໂອແລມປິກ ຊອງປະເທດກໍາປູເຈຍກ່າວວ່າ: ຍິນດີຕ້ອນຮັບຂະບວນລົດແລ່ນລີ້ຈີນ-ອາຊຽນທີ່ມາຢາມປະເທດກໍາປູເຈຍໃນຄັ້ງນີ້. ການເຄື່ອງໄຫວເທື່ອນີ້ຈະໄດ້ສະແດງເຖິງສາຍພົວພັນອັນເລິກເຊິ່ງລະຫວ່າງກໍາປູເຈຍກັບບັນດາປະເທດອາຊຽນໂດຍສະເພາະແມ່ນຈີນ-ກໍາປູເຈຍທີ່ມີມາແຕ່ດົນນານໃຫ້ນັບມື້ເພີ່ມທະວີຂື້ນ.
ໃນໂອກາດດັ່ງກ່າວ, ທ່ານ ເມດສ ຊາລຸນ( Meas sarou ) ຮອງເລຂາທິການກະຊວງສຶກສາຊາວໜຸ່ມແລະກິລາກໍາປູເຈຍໄດ້ໃຫ້ສໍາພາດວ່າ: ປີນີ້, ກໍາປູເຈຍກໍ່ໄດ້ສົ່ງຄົນເຂົ້າຮ່ວມຂະບວນລົດແລ່ນລີ້ເພື່ອເປັນການແລກປ່ຽນບົດຮຽນກັບປະເທດຈີນແລະບັນດາປະເທດອາຊຽນ. ຄັ້ງຕໍ່ໄປຈະພະຍາຍາມສົ່ງລົດແລະຄົນເຂົ້າຮ່ວມການແຂ່ງຂັນລົດແລ່ນລີ້ຈີນອາຊຽນອີກດ້ວຍ.
ໃນຕອນແລງມື້ດຽວກັນ, ຂະບວນລົດກໍ່ໄດ້ເດີນທາງຮອດແຂວງຈໍາປາສັກປະເທດລາວແລ້ວ, ຈາກນັ້ນກໍ່ຈະເດີນທາງໄປປະເທດຫວຽດນາມຕໍ່ໄປ.
