ບົດບັນທຶກປະຈຳວັນຂອງນັກຂ່າວທີ່ຕິດຕາມຂະບວນລົດແລ່ນລີຈີນອາຊຽນ
(GMT+08:00) 2012-09-06 11:17:06 cri
ສະບາຍດີທ່ານຜູ່ອ່ານພົບກັບລັດຕະນະອີກແລ້ວທີ່ດານັງປະເທດຫວຽດນາມ, ພົບກັນວັນອັງຄານທີ 5 ກັນຍານີ້, ລັດຕະນະຈະພາທ່ານໄປທ່ຽວສະຖານທີ່ເລີ່ມແຕ່ບ່ອນທີ່ໄກ້ກັບເມືອງດານັງກ່ອນ, ດານັງເປັນເຂດກະສິກໍາອຸດົມສົມບູນຫຼາຍ, ເປັນຕົ້ນແມ່ນເຂົ້າ, ສາລີ, ແລະພືດພັນທັນຍາຫານອື່ນໆ. ນອກນັ້ນ, ຍັງມີບ່ອນທ່ອງທ່ຽວຫຼາຍແຫ່ງບໍ່ວ່າຈະເປັນທາງດ້ານປະຫວັດສາດ, ທໍາມະຊາດແລະອື່ນໆ. ແຕ່ມື້ນີ້, ລັດຕະນະຈະພາທ່ານໄປເບິ່ງສະຖານທີ່ໆສໍາຄັນອີກແຫ່ງໜື່ງ, ເຊິ່ງບໍ່ຫ່າງໄກຈາກແຂວງດານັງປານໃດພຽງແຕ່ 70 ກິໂລແມັດເທົ່ານັ້ນ, ຫ່າງຈາກເມືອງດານັງໄປທາງທິດຕາເວັນຕົກພຽງແຕ່ 40 ກິໂລແມັດ, ເປັນເມືອງບູຮານຂະໜາດໃຫຍ່, ມີພະທາດຫຼາຍກວ່າ 70 ຜົນງານ. ທີ່ຕັ້ງເທີງພູແລະເປັນທີ່ຮູ້ຈັກຂອງຄົນຫວຽດນາມເອີ້ນວ່າ: " ມາຍຊັນ " ຢູ່ບ່ອນນີ້ຍັງມີແກະສະຫຼັກຮູບປັ້ນຫີນທີ່ສວຍງາມແລະຊາກຫັກພັງທີ່ມີອາຍຸກວ່າ 1500 ປີ. ເປັນໜື່ງໃນເມືອງຫຼວງຂອງອານາຈັກຈໍາປາ. ໃນທ້າຍສັດຕະຫວັດທີ 16 ເຄີຍຖືກທໍາລາຍ, ແຕ່ໄດ້ສ້າງຂື້ນມາໃໝ່ແລະຍັງມີໃຫ້ເຫັນຢູ່ໃນປັດຈຸບັນ.
ຈາກເມືອງບູຮານທີ່ເມືອງດານັງແລ້ວ, ຍັງມີອີກສະຖານທີ່ທ່ອງທ່ຽວອີກແຫ່ງໜື່ງທີ່ລັດຕະນະຈະພາທ່ານໄປເບິ່ງ, ເປັນເມືອງບູຮານອີກເຊັ່ນກັນ, ເຊິ່ງຕັ້ງຢູ່ບໍ່ໄກຈາກ " ມາຍຊັນ " ປານໃດ, ນັ້ນກໍ່ຄືເມືອງ " ຮອຍອັນ " ເປັນເມືອງແຫ່ງທຸລະກິດການຄ້າທາງດ້ານການທ່ອງທ່ຽວເປັນເມືອງເກົ່າແກ່, ຫງຽບສະຫງົບ, ແລະໄດ້ຮັບລາງວັນຈາກອົງການຍູເນັສໂກໃນປີ 1999. ແລະເຮັດໃຫ້ເມືອງແຫ່ງນີ້ມີຊື່ສຽງຫຼາຍ, ບັນດານັກທ່ອງທ່ຽວໃນທົ່ວໂລກລັ່ງໄຫຼກັນມາທ່ຽວຊົມ. ນີ້ແມ່ນສະຖານທີ່ໆລັດຕະນະພາທ່ານໄປທ່ຽວແຕ່ຍັງບໍ່ໝົດພຽງເທົ່ານີ້, ມື້ອື່ນລັດຕະນະຈະພາທ່ານໄປຮ່າໂນຍແຕ່ເຊົ້າ. ແຕ່ມື້ນີ້ຂໍພັກເອົາແຮງກ່ອນເພື່ອຕຽມຕົວເດີນທາງຕໍ່ໄປ, ບາຍບາຍ.
ຈາກເມືອງບູຮານທີ່ເມືອງດານັງແລ້ວ, ຍັງມີອີກສະຖານທີ່ທ່ອງທ່ຽວອີກແຫ່ງໜື່ງທີ່ລັດຕະນະຈະພາທ່ານໄປເບິ່ງ, ເປັນເມືອງບູຮານອີກເຊັ່ນກັນ, ເຊິ່ງຕັ້ງຢູ່ບໍ່ໄກຈາກ " ມາຍຊັນ " ປານໃດ, ນັ້ນກໍ່ຄືເມືອງ " ຮອຍອັນ " ເປັນເມືອງແຫ່ງທຸລະກິດການຄ້າທາງດ້ານການທ່ອງທ່ຽວເປັນເມືອງເກົ່າແກ່, ຫງຽບສະຫງົບ, ແລະໄດ້ຮັບລາງວັນຈາກອົງການຍູເນັສໂກໃນປີ 1999. ແລະເຮັດໃຫ້ເມືອງແຫ່ງນີ້ມີຊື່ສຽງຫຼາຍ, ບັນດານັກທ່ອງທ່ຽວໃນທົ່ວໂລກລັ່ງໄຫຼກັນມາທ່ຽວຊົມ. ນີ້ແມ່ນສະຖານທີ່ໆລັດຕະນະພາທ່ານໄປທ່ຽວແຕ່ຍັງບໍ່ໝົດພຽງເທົ່ານີ້, ມື້ອື່ນລັດຕະນະຈະພາທ່ານໄປຮ່າໂນຍແຕ່ເຊົ້າ. ແຕ່ມື້ນີ້ຂໍພັກເອົາແຮງກ່ອນເພື່ອຕຽມຕົວເດີນທາງຕໍ່ໄປ, ບາຍບາຍ.
