ຈີນເຫັນວ່າການຮ່ວມກັນປະຕິບັດກົດຫມາຍຂອງ 4 ປະເທດຄືຈີນລາວມຽນມາແລະໄທໄດ້ປົກປັກຮັກສາຄວາມປອດໄພໃນການເດີນເຮືອຢູ່ຕາມລຳແມ່ນ້ຳຂອງຢ່າງມີປະສິດທິຜົນ
(GMT+08:00) 2012-09-19 15:57:41 cri
ຄະດີສັງຫານລູກເຮືອຈີນຢູ່ຕາມລຳແມ່ນ້ຳຂອງ 5 ຕຸລາຈະເລີ່ມໄຕ່ສ່ວນຢູ່ສານປະຊາຊົນຂຶ້ນກາງຂອງນະຄອນຄຸນມິງແຂວງຢຸນນານຈີນໃນວັນທີ 20 ກັນ ຍານີ້. ທ້າວຫນໍ່ຄຳພ້ອມກັບຜູ່ກະທຳຜິດອີກ 6 ຄົນຈະຖືກສານໄຕ່ສວນ. ຫວ່າງກ່ອນນີ້ບໍ່ດົນ, ທ່ານຫລີຈູ້ຊຸນ, ພະນັກງານຖານະທຽບເທົ່າຮອງກົມຂອງກົມການຮ່ວມມືສາກົນຂອງກະຊວງປ້ອງກັນຄວາມສະຫງົບຂອງຈີນໃຫ້ສຳພາດຕໍ່ນັກຂ່າວຂອງ cri ວ່າ: ນັບແຕ່ 4 ປະເທດຄືຈີນ, ລາວ, ມຽນມາແລະໄທໄດ້ດຳເນີນການລາດຕະເວນປະຕິບັດກົດຫມາຍຮ່ວມມືນັບແຕ່ທ້າຍປີກາຍນີ້ເປັນຕົ້ນມາ,ລະບຽບການແລະຄວາມປອດໄພໃນການເດີນເຮືອຢູ່ຕາມລຳແມ່ນຳຂອງໄດ້ຮັບການປົກປັກຮັກສາຢ່າງມີປະສິດທິຜົນ.
ດ້ານຫນຶ່ງ, ຜ່ານການປະຕິບັດກົດຫມາຍຮ່ວມ,ແມ່ນ້ຳຂອງໄດ້ຟື້ນຟູການເດີນເຮືອຢ່າງຮອບດ້ານ, ຫລັງຈາກເກີດຄະດີ 5 ຕຸລາແລ້ວ, ເຮືອສິນຄ້າ 120 ລຳທີ່ຂົນສົ່ງສິນຄ້າຕາມລຳແມ່ນ້ຳຂອງນັ້ນໄດ້ຢຸດການເດີນເຮືອແລ້ວ, ນັບແຕ່ວັນທີ 10 ທັນວາປີກາຍເປັນຕົ້ນມາ, ປະເທດຈີນ,ລາວ, ມຽນມາແລະໄທໄດ້ປະຕິບັດການເຄື່ອນໄຫວລາດຕະເວນ 5 ເທື່ອແລ້ວ, ໄດ້ປົກປັກຮັກສາລະບຽບການແລະຄວາມປອດໄພຂອງການເດີນເຮືອຢູ່ຕາມລຳແມ່ນນ້ຳຂອງໄດ້ຢ່າງມີປະສິດທິຜົນ, ແລະໄດ້ເພີ່ມຄວາມຫມັ້ນໃຈໃຫ້ລູກເຮືອທີ່ເປັນຫ່ວງນຳຄວາມປອດໄພໃນການເດີນເຮືອ.ອີກດ້ານຫນຶ່ງ, ຕຳຫລວດຂອງ 4 ປະເທດຄືຈີນ, ລາວ, ມຽນມາແລະໄທໄດ້ຮ່ວມມືກັນຢ່າງແຫນ້ນແຟ້ນ, ທ້າວຫນໍ່ຄຳທີ່ເປັນຜູ່ກໍ່ເຫດ 5 ຕຸລາຄົນສຳຄັນພ້ອມດ້ວຍສະມາຊິກຄົນສຳຄັນຂອງລາວຖືກຈັບຕົວ,ເຊິ່ງໄດ້ເປັນການຂົ່ມຂວັນຕໍ່ກຸ່ມຜູ່ກະທຳຜິດຕ່າງໆທີ່ຢູ່ສອງຟາກຝັ່ງແມ່ນ້ຳຂອງ.ຕາມສະຖິຕິສະແດງໃຫ້ເຫັນວ່າ, ນັບແຕ່ປີ 2007 ເປັນຕົ້ນມາ, ຄະດີອາຍາທີ່ເກີດຂຶ້ນຢູ່ຕາມລຳແມ່ນ້ຳຂອງໄດ້ເພີ່ມຂຶ້ນຄູ່ປີ, ປີ 2011 ມີເຖິງ 25 ຄະດີ, ຄຽງຄູ່ກັບການສືບສວນແລະມ້າງຄະດີ 5 ຕຸລາໄດ້ຢ່າງສຳເລັດຜົນ,ຮອດປີ 2012, ຢູ່ຕາມລຳແມ່ນ້ຳຂອງເກີດຄະດີອາຍາພຽງແຕ່ 2 ຄະດີທໍ່ນັ້ນ.
