5ຫົວຂໍ້ເດັ່ນໃນການສ້າງສາເຂດການຄ້າເສລີຈີນອາຊຽນໃນ10ປີຂ້າງໜ້າ
(GMT+08:00) 2012-09-24 17:12:30 cri
ພາຍຫຼັງໄດ້ຜ່ານໄລຍະທີ່ການຄ້າແລະການລົງທຶນເຕີບໂຕຢ່າງວ່ອງໄວແລ້ວ, 10ປີຂ້າງໜ້າ, ການສ້າງສາເຂດການຄ້າເສລີຈີນອາຊຽນຈະສຸມໃສ່ດ້ານໃດ? ແຂກຜູ້ມີກຽດຫຼາຍທ່ານທີ່ເຂົ້າຮ່ວມງານວາງສະແດງສິນຄ້າຈີນອາຊຽນຄັ້ງທີ9 ໄດ້ເອົາໃຈໃສ່ນຳ5ຫົວຂໍ້ເດັ່ນດັ່ງຕໍ່ໄປນີ້:
ໜຶ່ງ: ຍອດມູນຄ່າການຄ້າລະຫວ່າງສອງຝ່າຍຈະມີເຖິງ500ຕື້ໂດລາສະຫະລັດໃນປີ2015
ທ່ານລັດຖະມົນຕີຊ່ວຍວ່າການກະຊວງອຸດສາຫະກຳການຄ້າຫວຽດນາມກ່າວວ່າ, ເພື່ອບັນລຸເປົ້າໝາຍດັ່ງກ່າວ, ຄວນເຮັດໃຫ້ການຄ້າມີຄວາມສະດວກກວ່າເກົ່າ, ເພີ່ມທະວີການປະສານງານຕໍ່ການຄ້າສິນຄ້າທີ່ມີຄວາມອ່ອນໄຫວຈຳນວນໜຶ່ງ, ສ້າງສະພາບແວດລ້ອມທີ່ຍິ່ງມີຜົນດີຕໍ່ວິສາຫະກິດ ໂດຍສະເພາະແມ່ນວິສາຫະກິດຂະໜາດກາງແລະນ້ອຍ.
ສອງ: ກຳຈັດກຳແພງການຄ້າປະເພດບໍ່ເກັບພາສີເພື່ອຫຼຸດຕົ້ນທຶນໃນການຄ້າຂາຍໃຫ້ໜ້ອຍລົງ
ຄວາມພະຍາຍາມເພື່ອຫຼຸດຫຼືຍົກເວັ້ນພາສີທີ່ດຳເນີນມາເປັນເວລາຫຼາຍປີ ເຮັດໃຫ້ຈີນແລະອາຊຽນໄດ້ຮັບຜົນປະໂຫຍດຢ່າງຫຼວງຫຼາຍ, ນັບລວມແລ້ວ, ຈີນໄດ້ຫຼຸດຫຼືຍົກເວັ້ນພາສີ50ຕື້ຢວນໃຫ້ແກ່ສິນຄ້າຂອງປະເທດອາຊຽນ. ແຕ່ນີ້ຍັງບໍ່ພໍເທື່ອ, ສຽງຮຽກຮ້ອງທີ່ໃຫ້ຫຼຸດກຳແພງການຄ້າປະເພດບໍ່ເກັບພາສີ ນັບມື້ນັບຫຼາຍຂຶ້ນ. ທ່ານ ຮອງເລຂາທິການໃຫຍ່ກະຊວງການຄ້າອຸດສາຫະກຳມະເລເຊຍຮຽກຮ້ອງໃຫ້ຈີນແລະອາຊຽນຄວນຍົກເວັ້ນມາດຕະການປະເພດບໍ່ເກັບພາສີເພື່ອຫຼຸດຕົ້ນທຶນດ້ານການຄ້າຂາຍໃຫ້ຕ່ຳລົງ.
ສາມ: ການຮ່ວມມືລະຫວ່າງສອງຝ່າຍເລີ່ມຈາກຂະແໜງການການຄ້າແລະການລົງທຶນຂະຫຍາຍໄປສູ່ທຸກຂະແໜງການ.
ງານວາງສະແດງສິນຄ້າຈີນອາຊຽນທີ່ມີຈຸດປະສົງເປີດກວ້າງການຄ້າແລະການລົງທຶນມາໂດຍຕະຫຼອດ ປີນີ້ໄດ້ສຸມໃສ່ຂົງເຂດຮ່ວມມືດ້ານວິທະຍາສາດເຕັກໂນໂລຊີ, ນີ້ກໍໝາຍຄວາມວ່າການຮ່ວມມືລະຫວ່າງສອງຝ່າຍຈີນກັບອາຊຽນໃນອະນາຄົດ ຈະບໍ່ພຽງແຕ່ມີການຄ້າແລະການລົງທຶນເທົ່ານັ້ນ, ຍັງໄດ້ຂະຫຍາຍໄປສູ່ທຸກຂະແໜງການອີກ.
ຮອງເລຂາທິການໃຫຍ່ກອງເລຂາອາຊຽນກ່າວວ່າ, ການຮ່ວມມືດ້ານວິທະຍາສາດເຕັກໂນໂລຊີ ສາມາດຊຸກຍູ້ກນຮ່ວມມືດ້ານເສດຖະກິດໃຫ້ດີກວ່າເກົ່າ, ຈະເຮັດໃຫ້ຈີນແລະອາຊຽນໄດ້ຮັບການພັດທະນາທີ່ດີກວ່າເກົ່າ.
ສີ່: ຂະຫຍາຍຂອບເຂດຂອງເຂດການຄ້າເສລີໃຫ້ກວ້າງອອກໄດ້ຈັດເຂົ້າໃນວາລະປະຊຸມ
ເຂດພິເສດຮົງກົງຈີນອາດຈະກາຍເປັນເຂດທີ່ໄດ້ຮັບຜົນປະໂຫຍດກ່ອນໝູ່ໃນຂະບວນການຂະຫຍາຍຂອບເຂດເຂດການຄ້າເສລີຈີນອາຊຽນ. ຈີນແລະບັນດາປະເທດອາຊຽນລ້ວນແຕ່ໄດ້ສະແດງຄວາມມຸ່ງມາດປາຖະໜາທີ່ຕັ້ງໜ້າຕໍ່ເລື່ອງນີ້.
ນອກນີ້, ຕາມຂ່າວແຈ້ງວ່າ, ນອກຈາກຈີນແລ້ວ, ອາຊຽນຍັງຈະເຊັນສັນຍາເຂດການຄ້າເສລີລະຫວ່າງສອງຝ່າຍກັບຍີ່ປຸ່ນ, ສ.ເກົາຫຼີ, ອິນເດຍ, ນູແວນເຊລັງແລະອົສຕຼາລີ, ແລະຫວັງຢາກໃຫ້ຈັດເຂດການຄ້າເສລີເຫຼົ່ານີ້ເຂົ້າເປັນອັນໜຶ່ງອັນດຽວກັນ, ເພື່ອສ້າງເຂດການຄ້າເສລີທີ່ໃຫຍ່ກວ່າເກົ່າ.
ຫ້າ: ຫຼີກເວັ້ນບໍ່ໃຫ້ເລື່ອງທີ່ບໍ່ແມ່ນເສດຖະກິດລົບກວນຂະບວນການເຂດການຄ້າເສລີ
ໃນຂະນະທີ່ການຮ່ວມມືທາງເສດຖະກິດການຄ້າຈີນອາຊຽນພັດທະນາຢ່າງວ່ອງໄວ, ມີເລື່ອງທີ່ບໍ່ແມ່ນເສດຖະກິດຈຳນວນໜຶ່ງ ເຊັ່ນ: ຄວາມຂັດແຍ່ງກັນກ່ຽວກັບທະເລຈີນໃຕ້ ໄດ້ເປັນການຂົ່ມຂູ່ຕໍ່ເຂດການຄ້າເສລີ. ທ່ານຮອງຫົວໜ້າກົມອາຊີປາຊີຟິກກະຊວງອຸດສາຫະກຳການຄ້າຫວຽດນາມກ່າວວ່າ, ການມີໄມຕີຈິດມິດຕະພາບຕໍ່ກັນ ແລະການຮ່ວມມືທາງເສດຖະກິດການຄ້າທີ່ແໜ້ນແຟ້ນແມ່ນທ່າອຽງຕົ້ນຕໍໃນການໄປມາຫາສູ່ກັນລະຫວ່າງສອງປະເທດ, ບໍ່ຄວນໃຫ້ຄວາມຂັດແຍ່ງກັນກ່ຽວກັບດິນແດນສ້າງຜົນກະທົບຕໍ່ການຂະຫຍາຍການພົວພັນທາງເສດຖະກິດການຄ້າ.
ປະທານກິດຕິມະສັກຖາວອນສະພາອຸດສາຫະກຳການຄ້າໃຫຍ່ຟີລິບປິນກໍໄດ້ສະແດງຄວາມມຸ່ງມາດປາຖະໜາໃນດ້ານການຮ່ວມມື. ທ່ານກ່າວວ່າ, ການພັດທະນາເສດຖະກິດອາຊຽນຕັດແຍກອອກຈາກການເຕີບໂຕຢ່າງວ່ອງໄວຂອງເສດຖະກິດຈີນບໍ່ໄດ້, ຕະຫຼາດຈີນໄດ້ກາຍເປັນສິ່ງຮັບປະກັນຄວາມປອດໄພດ້ານເສດຖະກິດຂອງອາຊຽນ.
ໜຶ່ງ: ຍອດມູນຄ່າການຄ້າລະຫວ່າງສອງຝ່າຍຈະມີເຖິງ500ຕື້ໂດລາສະຫະລັດໃນປີ2015
ທ່ານລັດຖະມົນຕີຊ່ວຍວ່າການກະຊວງອຸດສາຫະກຳການຄ້າຫວຽດນາມກ່າວວ່າ, ເພື່ອບັນລຸເປົ້າໝາຍດັ່ງກ່າວ, ຄວນເຮັດໃຫ້ການຄ້າມີຄວາມສະດວກກວ່າເກົ່າ, ເພີ່ມທະວີການປະສານງານຕໍ່ການຄ້າສິນຄ້າທີ່ມີຄວາມອ່ອນໄຫວຈຳນວນໜຶ່ງ, ສ້າງສະພາບແວດລ້ອມທີ່ຍິ່ງມີຜົນດີຕໍ່ວິສາຫະກິດ ໂດຍສະເພາະແມ່ນວິສາຫະກິດຂະໜາດກາງແລະນ້ອຍ.
ສອງ: ກຳຈັດກຳແພງການຄ້າປະເພດບໍ່ເກັບພາສີເພື່ອຫຼຸດຕົ້ນທຶນໃນການຄ້າຂາຍໃຫ້ໜ້ອຍລົງ
ຄວາມພະຍາຍາມເພື່ອຫຼຸດຫຼືຍົກເວັ້ນພາສີທີ່ດຳເນີນມາເປັນເວລາຫຼາຍປີ ເຮັດໃຫ້ຈີນແລະອາຊຽນໄດ້ຮັບຜົນປະໂຫຍດຢ່າງຫຼວງຫຼາຍ, ນັບລວມແລ້ວ, ຈີນໄດ້ຫຼຸດຫຼືຍົກເວັ້ນພາສີ50ຕື້ຢວນໃຫ້ແກ່ສິນຄ້າຂອງປະເທດອາຊຽນ. ແຕ່ນີ້ຍັງບໍ່ພໍເທື່ອ, ສຽງຮຽກຮ້ອງທີ່ໃຫ້ຫຼຸດກຳແພງການຄ້າປະເພດບໍ່ເກັບພາສີ ນັບມື້ນັບຫຼາຍຂຶ້ນ. ທ່ານ ຮອງເລຂາທິການໃຫຍ່ກະຊວງການຄ້າອຸດສາຫະກຳມະເລເຊຍຮຽກຮ້ອງໃຫ້ຈີນແລະອາຊຽນຄວນຍົກເວັ້ນມາດຕະການປະເພດບໍ່ເກັບພາສີເພື່ອຫຼຸດຕົ້ນທຶນດ້ານການຄ້າຂາຍໃຫ້ຕ່ຳລົງ.
ສາມ: ການຮ່ວມມືລະຫວ່າງສອງຝ່າຍເລີ່ມຈາກຂະແໜງການການຄ້າແລະການລົງທຶນຂະຫຍາຍໄປສູ່ທຸກຂະແໜງການ.
ງານວາງສະແດງສິນຄ້າຈີນອາຊຽນທີ່ມີຈຸດປະສົງເປີດກວ້າງການຄ້າແລະການລົງທຶນມາໂດຍຕະຫຼອດ ປີນີ້ໄດ້ສຸມໃສ່ຂົງເຂດຮ່ວມມືດ້ານວິທະຍາສາດເຕັກໂນໂລຊີ, ນີ້ກໍໝາຍຄວາມວ່າການຮ່ວມມືລະຫວ່າງສອງຝ່າຍຈີນກັບອາຊຽນໃນອະນາຄົດ ຈະບໍ່ພຽງແຕ່ມີການຄ້າແລະການລົງທຶນເທົ່ານັ້ນ, ຍັງໄດ້ຂະຫຍາຍໄປສູ່ທຸກຂະແໜງການອີກ.
ຮອງເລຂາທິການໃຫຍ່ກອງເລຂາອາຊຽນກ່າວວ່າ, ການຮ່ວມມືດ້ານວິທະຍາສາດເຕັກໂນໂລຊີ ສາມາດຊຸກຍູ້ກນຮ່ວມມືດ້ານເສດຖະກິດໃຫ້ດີກວ່າເກົ່າ, ຈະເຮັດໃຫ້ຈີນແລະອາຊຽນໄດ້ຮັບການພັດທະນາທີ່ດີກວ່າເກົ່າ.
ສີ່: ຂະຫຍາຍຂອບເຂດຂອງເຂດການຄ້າເສລີໃຫ້ກວ້າງອອກໄດ້ຈັດເຂົ້າໃນວາລະປະຊຸມ
ເຂດພິເສດຮົງກົງຈີນອາດຈະກາຍເປັນເຂດທີ່ໄດ້ຮັບຜົນປະໂຫຍດກ່ອນໝູ່ໃນຂະບວນການຂະຫຍາຍຂອບເຂດເຂດການຄ້າເສລີຈີນອາຊຽນ. ຈີນແລະບັນດາປະເທດອາຊຽນລ້ວນແຕ່ໄດ້ສະແດງຄວາມມຸ່ງມາດປາຖະໜາທີ່ຕັ້ງໜ້າຕໍ່ເລື່ອງນີ້.
ນອກນີ້, ຕາມຂ່າວແຈ້ງວ່າ, ນອກຈາກຈີນແລ້ວ, ອາຊຽນຍັງຈະເຊັນສັນຍາເຂດການຄ້າເສລີລະຫວ່າງສອງຝ່າຍກັບຍີ່ປຸ່ນ, ສ.ເກົາຫຼີ, ອິນເດຍ, ນູແວນເຊລັງແລະອົສຕຼາລີ, ແລະຫວັງຢາກໃຫ້ຈັດເຂດການຄ້າເສລີເຫຼົ່ານີ້ເຂົ້າເປັນອັນໜຶ່ງອັນດຽວກັນ, ເພື່ອສ້າງເຂດການຄ້າເສລີທີ່ໃຫຍ່ກວ່າເກົ່າ.
ຫ້າ: ຫຼີກເວັ້ນບໍ່ໃຫ້ເລື່ອງທີ່ບໍ່ແມ່ນເສດຖະກິດລົບກວນຂະບວນການເຂດການຄ້າເສລີ
ໃນຂະນະທີ່ການຮ່ວມມືທາງເສດຖະກິດການຄ້າຈີນອາຊຽນພັດທະນາຢ່າງວ່ອງໄວ, ມີເລື່ອງທີ່ບໍ່ແມ່ນເສດຖະກິດຈຳນວນໜຶ່ງ ເຊັ່ນ: ຄວາມຂັດແຍ່ງກັນກ່ຽວກັບທະເລຈີນໃຕ້ ໄດ້ເປັນການຂົ່ມຂູ່ຕໍ່ເຂດການຄ້າເສລີ. ທ່ານຮອງຫົວໜ້າກົມອາຊີປາຊີຟິກກະຊວງອຸດສາຫະກຳການຄ້າຫວຽດນາມກ່າວວ່າ, ການມີໄມຕີຈິດມິດຕະພາບຕໍ່ກັນ ແລະການຮ່ວມມືທາງເສດຖະກິດການຄ້າທີ່ແໜ້ນແຟ້ນແມ່ນທ່າອຽງຕົ້ນຕໍໃນການໄປມາຫາສູ່ກັນລະຫວ່າງສອງປະເທດ, ບໍ່ຄວນໃຫ້ຄວາມຂັດແຍ່ງກັນກ່ຽວກັບດິນແດນສ້າງຜົນກະທົບຕໍ່ການຂະຫຍາຍການພົວພັນທາງເສດຖະກິດການຄ້າ.
ປະທານກິດຕິມະສັກຖາວອນສະພາອຸດສາຫະກຳການຄ້າໃຫຍ່ຟີລິບປິນກໍໄດ້ສະແດງຄວາມມຸ່ງມາດປາຖະໜາໃນດ້ານການຮ່ວມມື. ທ່ານກ່າວວ່າ, ການພັດທະນາເສດຖະກິດອາຊຽນຕັດແຍກອອກຈາກການເຕີບໂຕຢ່າງວ່ອງໄວຂອງເສດຖະກິດຈີນບໍ່ໄດ້, ຕະຫຼາດຈີນໄດ້ກາຍເປັນສິ່ງຮັບປະກັນຄວາມປອດໄພດ້ານເສດຖະກິດຂອງອາຊຽນ.
