ການພັດທະນາຂອງອຸດສາຫະກຳລົດຍົນອາຊຽນປະເຊີນກັບບັນຫາອະນຸລັກສິ່ງແວດລ້ອມ
(GMT+08:00) 2012-10-10 17:01:33 cri
ຕາມໜັງສືພິມ《ຈີ່ງຈີ້ຢື້ປ້າວ》:ໃນເວລາທີ່ຕະຫຼາດລົດຍົນທົ່ວໂລກມີທ່າອຽງພັດທະນາຊ້າລົງ,ອຸດສາຫະກຳລົດຍົນຢູ່ອາຊີອາຄະເນພັດໄດ້ມີການພັດທະນາຢ່າງຫຼວງຫຼາຍ,ແລະກຳລັງທຳຄວາມພະຍາຍາມສຸດຂີດເພື່ອບັນລຸເປົ້າໝາຍໃຫ້ກາຍເປັນຕະຫຼາດລົດຍົນໃຫຍ່ອັນດັບທີ 6 ຂອງໂລກ.ຕາມອົງການຊົງອິດທິພົນຄາດວ່າ,ຕາມຈັງຫວະການພັດທະນາໃນປະຈຸບັນ,ຄາດຄະເນວ່າ,ອາຊີອາຄະເນອາດຈະກາຍເປັນຕະຫຼາດລົດຍົນໃຫຍ່ອັນດັບທີ 6 ຂອງໂລກໃນປີ 2018,ເມື່ອຮອດເວລານັ້ນ,ຍອດປະລິມານການຈຳໜ່າຍລົດຍົນຢູ່ອາຊີອາຄະເນອາດຈະບັນລຸເຖິງ 4 ລ້ານ 7 ແສນຄັນ,ຈະເພີ່ມຂຶ້ນເກືອບ 1 ເທົ່າເມື່ອທຽບໃສ່ປີ 2011.
ປະເທດອາຊຽນເລີ່ມພັດທະນາອຸດສາຫະກຳລົດຍົນອ່າວຊ້າ,ແຕ່ໄດ້ທຳຄວາມພະຍາຍາມຢ່າງບໍ່ລົດລະໃນດ້ານການພັດທະນາອຸດສາຫະກຳລົດຍົນແຫ່ງຊາດ,ແລະໄດ້ຮັບຜົນສຳເລັດຢ່າງພົ້ນເດັ່ນ.ພ້ອມກັນນັ້ນ,ກໍ່ເຫັນໄດ້ວ່າ,ຄຽງຄູ່ກັບການເພີ່ມຂຶ້ນຂອງລົດຍົນໃນແຕ່ລະປີທີ່ຫຼາຍກວ່າ 2 ລ້ານ 4 ແສນຄັນແລະການເພີ່ມຂຶ້ນຂອງລົດຈັກໃນແຕ່ລະປີທີ່ຫຼາຍກວ່າລົດຍົນອີກ,ສິ່ງແວດລ້ອມຊີວະພາບແລະການດຳລົງຊີວິດ,ພື້ນຖານແຫ່ງການພັດທະນາແບບຍືນຍົງທາງດ້ານເສດຖະກິດແລະການສິ້ນເປືອງຊັບພະຍາກອນທຳມະຊາດໃນບັນດາປະເທດອາຊີອາຄະເນກໍ່ໄດ້ປະເຊີນກັບສິ່ງທ້າທາຍແລະວິກິດການທີ່ອາດຈະເກີດຂຶ້ນທີ່ບໍ່ເຄີຍມີມາກ່ອນ.
ຜູ້ຊ່ຽວຊານໃນຂະແໜງການລົດຍົນຂອງອາຊຽນສະເໜີວ່າ,ຄວນກຳນົດຖານະໃຫ້ແກ່ອຸດສາຫະກຳລົດຍົນທີ່ພັດທະນາຕາມຫຼັກວິທະຍາສາດໃນແຜນການສັງລວມຂອງການສ້າງສາເສດຖະກິດແຫ່ງຊາດ;ກຳນົດຈຸດສຸມໃນການພັດທະນາອຸດສາຫະກຳລົດຍົນຢ່າງຈະແຈ້ງ;ສົ່ງເສີມການຍົກສູງຄຸນນະພາບຂອງຜະລິດຕະພັນປະຢັດພະລັງງານແລະຫຼຸດການລະບາຍມົນລະພິດຂອງວິສາຫະກິດລົດຍົນ;ສຸມໃສ່ສ້າງສາພື້ນຖານໂຄງລ່າງຄົມມະນາຄົມໃນຕົວເມືອງ,ສ້າງລະບົບຄົມມະນາຄົມໃນຕົວເມືອງທີ່ທັນສະໄໝ.