ກອງປະຊຸມພາກທຸລະກິດອາຊີ-ເອີຮົບໄດ້ໄຂຂື້ນຢ່າງເປັນທາງການ ທີ່ນະຄອນຫຼວງວຽງຈັນ
(ທ່ານນາຍົກທອງສິງ ທຳມະວົງກ່າວຄຳປາໃສໃນພິທີໄຂກອງປະຊຸມພາກທຸລະກິດອາຊີເອີຣົບຄັ້ງທີ 13)
ຕອນເຊົ້າວັນທີ 4 ພະຈິກນີ້, ທີ່ໂຮງແຮມລາວພຣາຊານະຄອນຫຼວງວຽງຈັນ, ກອງປະຊຸມພາກທຸກລະກິດອາຊີ-ເອີຣົບຄັ້ງທີ 13 ໄດ້ໄຂຂື້ນຢ່າງເປັນທາງ,ທ່ານທອງສິງ ທໍາມະວົງ, ນາຍົກລັດຖະມົນຕີລາວກ່າວວ່າ, ກອງປະຊຸມຄັ້ງນີ້ມີຄວາມໝາຍສຳຄັນຍິ່ງຕໍ່ການພັດທະນາເສດຖະກິດໂລກ,ແລະຊຸກຍູ້ໃຫ້ເສດຖະກິດ,ການຄ້າແລະການລົງທຶນຂອງສອງພາກພື້ນນີ້ເຕີບໃຫຍ່ຂະຫຍາຍຕົວຢ່າງໝັ້ນຄົງແລະຍືນຍົງ.
ໃນເວລາກ່າວຄໍາປາໄສໃນພິທີເປີດ,ທ່ານທອງສິງ ທໍາມະວົງກ່າວວ່າ:ຂ້າ ພະເຈົ້າຫວັງວ່າການປືກສາຫາລືໃນກອງປະຊຸມຄັ້ງນີ້, ຈະເປັນໂອກາດອັນດີທີ່ບັນດາທ່ານ ຈະໄດ້ພ້ອມກັນສັງລວມບັນດາຄວາມເຫັນທີ່ຫຼາກຫຼາຍ, ເປັນປະໂຫຍດເພື່ອຮັບມືກັບວິກິດ ການດ້ວຍສ່ອງທາງທີ່ເໝາະສົມ, ສອດຄ່ອງເພື່ອພັດທະນາເສດຖະກິດ, ການຄ້າແລະການ ລົງທຶນໃນໄລຍະໃໝ່ຂອງໂລກເວົ້າລວມ ເວົ້າສະເພາະແມ່ນສອງພາກພື້ນອາຊີ-ເອີຣົບຢ່າງມີ ປະສິດທິຜົນ. ກະທົບຕໍ່ການພັດທະນາເສດຖະກິດການຄ້າ ແລະການລົງທຶນໃນປັດຈຸບັນ ກໍ່ຄືໃຫ້ສອດຄ່ອງ ແລະແທດເໝາະກັບສະພາບຄວາມເປັນຈິງ.
ນອກນີ້, ທ່ານທອງສິງ ທໍາມະວົງຍັງກ່າວຕື່ມວ່າ, ວັນທີ26ຕຸລາຜ່ານມານີ້, ລາວໄດ້ຖືກຮັບເຂົ້າເປັນສະມາຊິກຂອງອົງການການຄ້າໂລກຫລື WTO, ໃນເງື່ອນໄຂນີ້, ລາວຈະສືບຕໍ່ຮ່ວມມືຢ່າງສ້າງສັນກັບບັນດາປະເທດໃນວົງຄະນະຍາດສາກົນ,ພ້ອມກັນພັດທະນາເພື່ອນໍາເອົາຄວາມສົມບູນພູນສຸກມາໃຫ້ແກ່ປະຊາຊົນສອງພາກພື້ນອາຊີ ເອີລົບໃຫ້ນັບມື້ນັບຫລາຍຂຶ້ນ.
ກອງປະຊຸມຄັ້ງນີ້ມີບັນດາຜູ້ນໍາຈາກພາກທຸລະກິດ 2 ທະວີບອາຊີແລະເອີຣົບເຂົ້າ ຮ່ວມຈໍານວນ 300 ຄົນຈາກ 42 ປະເທດ,ພ້ອມດ້ວຍສື່ມວນຊົນທັງພາຍໃນແລະຕ່າງປະ ເທດ, ແມ່ນຈະໄດ້ດໍາເນີນເປັນເວລາ2 ວັນໃນລະຫວ່າງວັນທີ 4- 5ພະຈິກນີ້.
