ອາເມລິກາຕັ້ງໜ້າສະແຫວງຫາການເພີ່ມທະວີການພົວພັນເສດຖະກິດການຄ້າກັບປະເທດອາຊຽນ
(GMT+08:00) 2013-02-19 16:08:54 cri
ຕາມຂ່າວໜັງສືພິມປະຊາຊົນລາຍວັນ: ຂໍ້ມູນທີ່ກະຊວງການຕ່າງປະເທດອາເມລິກາປະກາດໃນປີກາຍນີ້ສະແດງໃຫ້ເຫັນວ່າ, ອາຊຽນແລະອາເມລິກາຕ່າງເປັນຄູ່ການຄ້າໃຫຍ່ອັນດັບທີ 4 ເຊິ່ງກັນແລະກັນ. ໃນເວລາໃຫ້ສຳພາດຕໍ່ນັກຂ່າວ, ທ່ານອັນໂທນິ ເນວເຊີນ, ຫົວໜ້າພະແນກການພົວພັນສາທາລະນະຂອງສະພາມົນຕີການຄ້າອາເມລິກາ-ອາຊຽນກ່າວວ່າ, ອາຊຽນແມ່ນຕະຫຼາດສົ່ງອອກສິນຄ້າອັນດັບທີ 4 ຂອງອາເມລິກາ, ກໍ່ແມ່ນບ່ອນລົງທຶນໃຫຍ່ທີ່ສຸດຢູ່ອາຊີຂອງອາເມລິກາ. ບໍ່ວ່າເວົ້າຈາກດ້ານການເມືອງຫຼືເສດຖະກິດ, ອາຊຽນກໍແມ່ນສຳຄັນທີ່ສຸດສຳລັບອາເມລິກາ. ທ່ານເຫັນວ່າ, ອາຊຽນແມ່ນສ່ວນປະກອບສຳຄັນໃນຍຸດທະສາດທົ່ວໂລກຂອງວິສາຫະກິດອາເມລິກາ, ເຂດການຄ້າເສລີລະຫວ່າງອາຊຽນກັບປະເທດອື່ນໆໄດ້ປົກຫຸ້ມປະຊາກອນຫຼາຍກວ່າເຄິ່ງໜຶ່ງໃນທົ່ວໂລກ.
ແຕ່ວ່າໃນຫຼາຍປີມານີ້, ສ່ວນແບ່ງຕະຫຼາດຂອງອາເມລິກາຢູ່ອາຊຽນພັດຫຼຸດລົງ. ລັດຖະບານແລະວົງການການຄ້າອາເມລິກາລ້ວນແຕ່ຮູ້ສຶກເຖິງຄວາມຮີບດ່ວນຕໍ່ການເພີ່ມທະວີການພົວພັນເສດຖະກິດການຄ້າກັບອາຊຽນ. ຕົວເລກສະແດງໃຫ້ເຫັນວ່າ, ປີ 1993, ໃນຍອດມູນຄ່າການຄ້າຕໍ່ຕ່າງປະເທດຂອງອາຊຽນ, ອາເມລິກາກວມປະມານ 20%, ແຕ່ປະຈຸບັນໄດ້ຫຼຸດລົງຕ່ຳກວ່າ 10% ແລ້ວ. ທ່ານເນວເຊີນກ່າວວ່າ, ດ້ານໜຶ່ງແມ່ນຍ້ອນວ່າສະຫະພາບເອີລົບ, ຈີນແລະຍີ່ປຸ່ນໄດ້ອອກແຮງພັດທະນາຕະຫຼາດອາຊຽນ, ອີກດ້ານໜຶ່ງກໍ່ຍ້ອນວ່າການຄ້າພາຍໃນອາຊຽນໄດ້ເພີ່ມຂຶ້ນ. "ໃນຖານະເປັນຜູ້ຕາງໜ້າຂອງວິສາຫະກິດອາເມລິກາຢູ່ອາຊຽນ, ພວກຂ້າພະເຈົ້າຕ້ອງການສືບຕໍ່ເພີ່ມທະວີຄວາມສົນໃຈຕໍ່ເຂດອາຊຽນ."
ທ່ານເນວເຊີນກ່າວວ່າ, ວິສາຫະກິດອາເມລິກາສົນໃຈນຳການລົງທຶນຢູ່ຂົງເຂດແລະຂະແໜງການຕ່າງໆຂອງອາຊຽນ, ຈາກພະລັງງານ, ເຄື່ອງບໍລິໂພກ, ແລະຂະແໜງການໂທລະຄົມມະນາຄົມເປັນຕົ້ນ. ວິສາຫະກິດອາເມລິກາສົນໃຈທີ່ສຸດນຳຂະບວນການເຊື່ອມໂຍງເຂົ້າກັນຂອງອາຊຽນ, ສົ່ງເສີມປະເທດສະມາຊິກອາຊຽນຊຸກຍູ້ໃຫ້ເສດຖະກິດເຊື່ອມໂຍງເຂົ້າກັນ.
ແຕ່ວ່າໃນຫຼາຍປີມານີ້, ສ່ວນແບ່ງຕະຫຼາດຂອງອາເມລິກາຢູ່ອາຊຽນພັດຫຼຸດລົງ. ລັດຖະບານແລະວົງການການຄ້າອາເມລິກາລ້ວນແຕ່ຮູ້ສຶກເຖິງຄວາມຮີບດ່ວນຕໍ່ການເພີ່ມທະວີການພົວພັນເສດຖະກິດການຄ້າກັບອາຊຽນ. ຕົວເລກສະແດງໃຫ້ເຫັນວ່າ, ປີ 1993, ໃນຍອດມູນຄ່າການຄ້າຕໍ່ຕ່າງປະເທດຂອງອາຊຽນ, ອາເມລິກາກວມປະມານ 20%, ແຕ່ປະຈຸບັນໄດ້ຫຼຸດລົງຕ່ຳກວ່າ 10% ແລ້ວ. ທ່ານເນວເຊີນກ່າວວ່າ, ດ້ານໜຶ່ງແມ່ນຍ້ອນວ່າສະຫະພາບເອີລົບ, ຈີນແລະຍີ່ປຸ່ນໄດ້ອອກແຮງພັດທະນາຕະຫຼາດອາຊຽນ, ອີກດ້ານໜຶ່ງກໍ່ຍ້ອນວ່າການຄ້າພາຍໃນອາຊຽນໄດ້ເພີ່ມຂຶ້ນ. "ໃນຖານະເປັນຜູ້ຕາງໜ້າຂອງວິສາຫະກິດອາເມລິກາຢູ່ອາຊຽນ, ພວກຂ້າພະເຈົ້າຕ້ອງການສືບຕໍ່ເພີ່ມທະວີຄວາມສົນໃຈຕໍ່ເຂດອາຊຽນ."
ທ່ານເນວເຊີນກ່າວວ່າ, ວິສາຫະກິດອາເມລິກາສົນໃຈນຳການລົງທຶນຢູ່ຂົງເຂດແລະຂະແໜງການຕ່າງໆຂອງອາຊຽນ, ຈາກພະລັງງານ, ເຄື່ອງບໍລິໂພກ, ແລະຂະແໜງການໂທລະຄົມມະນາຄົມເປັນຕົ້ນ. ວິສາຫະກິດອາເມລິກາສົນໃຈທີ່ສຸດນຳຂະບວນການເຊື່ອມໂຍງເຂົ້າກັນຂອງອາຊຽນ, ສົ່ງເສີມປະເທດສະມາຊິກອາຊຽນຊຸກຍູ້ໃຫ້ເສດຖະກິດເຊື່ອມໂຍງເຂົ້າກັນ.
