ທຄຕລ ເປີດຕົວບັດນັກສຶກສາ ທີ່ເປັນບັດດຽວກັນກັບບັດ ATM
(GMT+08:00) 2013-04-25 15:44:20 cri
ທະນາຄານການຄ້າຕ່າງປະເທດລາວ(ທຄຕລ) ໄດ້ຈັດພິທີເຊັນເປີດການນຳໃຊ້ບັດນັກສຶກສາ ທີ່ເປັນບັດດຽວກັນກັບບັດ ATM ຂອງ ທຄຕລ ຂຶ້ນໃນຕອນແລງຂອງວັນທີ 24 ເມສາ ປີ 2013 ທີ່ສະໂມສອນໃຫຍ່ຂອງມະຫາວິທະຍາໄລແຫ່ງຊາດລາວ.
ພາຍໃນງານມີ ທ່ານ ຮອງສາດສະດາຈານ ດຣ. ກອງສີ ແສງມະນີ ລັດຖະມົນຕີຊ່ວຍວ່າການກະຊວງສຶກສາ ແລະ ກິລາ, ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ, ທ່ານ ຊູ ລົວເຕີ ປະທານ ແລະ ຫົວໜ້າຜູ້ບໍລິຫານໃຫຍ່ ບໍລິສັດ China UnionPay ແລະ ມີບັນດາທ່ານອະທິການບໍດີ, ຄະນະບໍດີ, ຜູ້ອຳນວຍການ ແລະ ຄະນະຜູ້ບໍລິຫານຂອງມະຫາວິທະຍາໄລ ແລະ ສະຖາບັນການສຶກສາທຸກແຫ່ງ ເຂົ້າຮ່ວມຢ່າງພ້ອມໜ້າພ້ອມຕາ.
ບັດນັກສຶກສາທີ່ເປັນບັດດຽວກັນກັບບັດATMຂອງທຄຕລມີຄຸນປະໂຫຍດຫຼາຍດ້ານ, ເຊັ່ນ: ຊ່ວຍເຮັດໃຫ້ການຄຸ້ມຄອງນັກສຶກສາມີຄວາມສະດວກແລະເປັນລະບົບຍິ່ງຂຶ້ນ,ອຳນວຍຄວາມສະດວກໃຫ້ແກ່ການຊຳລະຄ່າຮຽນຂອງນັກສຶກສາ, ເຮັດໃຫ້ເງິນດັ່ງກ່າວເຂົ້າສູ່ບັນຊີຢ່າງຄົບຖ້ວນແລະເຮັດໃຫ້ເງິນຢູ່ໃນລະບົບທະນາຄານ, ເປັນການຊ່ວຍໃຫ້ນັກສຶກສາຮູ້ນຳໃຊ້ບັນຊີແລະເທັກໂນໂລຊີທະນາຄານ,ເປັນຈຸດລິເລີ່ມສຳຄັນອັນໜຶ່ງທີ່ຈະຊ່ວຍໃຫ້ການຊຳລະສະສາງໃນພາກການສຶກສາ, ຊໍາລະຄ່າສິນຄ້າຢ່າງປອດໄພກວ່າເງິນສົດແລະຍັງຈະເປັນການສົ່ງເສີມການນຳໃຊ້ເງິນກີບຕາມແນວທາງຂອງພັກແລະລັດຖະບານ, ດັ່ງນີ້ເປັນຕົ້ນ.
ບັດນັກສຶກສາທີ່ເປັນບັດດຽວກັນກັບATMແລະUnion Payເປັນໂຄງການຮ່ວມມືລະຫວ່າງບໍລິສັດChina UnionPayກັບກະຊວງສຶກສາແລະກິລາລາວແລະທະນາຄານການຄ້າຕ່າງປະເທດລາວ,ໂດຍສະແດງໃຫ້ເຫັນເຖິງຄວາມກ້າວໜ້າເຖິງການຮ່ວມມືດ້ານການທະນາຄານລະຫວ່າງບໍລິສັດChina UnionPayກັບບໍລິສັດການຄ້າຕ່າງປະເທດລາວ, ທັງສ່ອງແສງເຖິງຜົນການຮ່ວມມືທີ່ສຳຄັນໃນຂົງເຂດການທະນາຄານລະຫວ່າງສອງປະເທດຈີນລາວ.
ພາຍໃນງານມີ ທ່ານ ຮອງສາດສະດາຈານ ດຣ. ກອງສີ ແສງມະນີ ລັດຖະມົນຕີຊ່ວຍວ່າການກະຊວງສຶກສາ ແລະ ກິລາ, ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ, ທ່ານ ຊູ ລົວເຕີ ປະທານ ແລະ ຫົວໜ້າຜູ້ບໍລິຫານໃຫຍ່ ບໍລິສັດ China UnionPay ແລະ ມີບັນດາທ່ານອະທິການບໍດີ, ຄະນະບໍດີ, ຜູ້ອຳນວຍການ ແລະ ຄະນະຜູ້ບໍລິຫານຂອງມະຫາວິທະຍາໄລ ແລະ ສະຖາບັນການສຶກສາທຸກແຫ່ງ ເຂົ້າຮ່ວມຢ່າງພ້ອມໜ້າພ້ອມຕາ.
ບັດນັກສຶກສາທີ່ເປັນບັດດຽວກັນກັບບັດATMຂອງທຄຕລມີຄຸນປະໂຫຍດຫຼາຍດ້ານ, ເຊັ່ນ: ຊ່ວຍເຮັດໃຫ້ການຄຸ້ມຄອງນັກສຶກສາມີຄວາມສະດວກແລະເປັນລະບົບຍິ່ງຂຶ້ນ,ອຳນວຍຄວາມສະດວກໃຫ້ແກ່ການຊຳລະຄ່າຮຽນຂອງນັກສຶກສາ, ເຮັດໃຫ້ເງິນດັ່ງກ່າວເຂົ້າສູ່ບັນຊີຢ່າງຄົບຖ້ວນແລະເຮັດໃຫ້ເງິນຢູ່ໃນລະບົບທະນາຄານ, ເປັນການຊ່ວຍໃຫ້ນັກສຶກສາຮູ້ນຳໃຊ້ບັນຊີແລະເທັກໂນໂລຊີທະນາຄານ,ເປັນຈຸດລິເລີ່ມສຳຄັນອັນໜຶ່ງທີ່ຈະຊ່ວຍໃຫ້ການຊຳລະສະສາງໃນພາກການສຶກສາ, ຊໍາລະຄ່າສິນຄ້າຢ່າງປອດໄພກວ່າເງິນສົດແລະຍັງຈະເປັນການສົ່ງເສີມການນຳໃຊ້ເງິນກີບຕາມແນວທາງຂອງພັກແລະລັດຖະບານ, ດັ່ງນີ້ເປັນຕົ້ນ.
ບັດນັກສຶກສາທີ່ເປັນບັດດຽວກັນກັບATMແລະUnion Payເປັນໂຄງການຮ່ວມມືລະຫວ່າງບໍລິສັດChina UnionPayກັບກະຊວງສຶກສາແລະກິລາລາວແລະທະນາຄານການຄ້າຕ່າງປະເທດລາວ,ໂດຍສະແດງໃຫ້ເຫັນເຖິງຄວາມກ້າວໜ້າເຖິງການຮ່ວມມືດ້ານການທະນາຄານລະຫວ່າງບໍລິສັດChina UnionPayກັບບໍລິສັດການຄ້າຕ່າງປະເທດລາວ, ທັງສ່ອງແສງເຖິງຜົນການຮ່ວມມືທີ່ສຳຄັນໃນຂົງເຂດການທະນາຄານລະຫວ່າງສອງປະເທດຈີນລາວ.
