ການເຝິກອົບຮົມນັກຂ່າວກ່ຽວກັບ"ການນຳໃຊ້ພາສາໃຫ້ຖຶກຫຼັກການໃນສື່ມວນຊົນ"ສີ້ນສຸດລົງ
ຕາມຂ່າວCRI: ວັນທີ10 ພຶດສະພານີ້, ການເຝິກອົບຮົມນັກຂ່າວພາຍໃຕ້ຫົວຂໍ້ທີ່ວ່າ: " ການນຳໃຊ້ພາສາໃຫ້ຖຶກຫຼັກການໃນສື່ມວນຊົນ "ທີ່ດຳເນີນໄປເປັນເວລາ 4 ມື້ ໄດ້ສິ້ນສຸດລົງແລະໄດ້ຈັດພິທີປິດຢ່າງເປັນທາງການ. ໂດຍການໃຫ້ກຽດເຂົ້າຮ່ວມແລະມອບໃບຢັ້ງຢືນໃຫ້ແກ່ນັກສຳມະນາກອນ ໂດຍ ທ່ານ ສົມສະໜຸກ ມີໄຊ ຮອງປະທານສະມາຄົມ ນັກຂ່າວ, ທ່ານ ບົວລະພັນ ພັນພິລົມ ຮອງປະທານ ທັງເປັນເລຂາທິການສະມາຄົມ ນັກຂ່າວແຫ່ງປະເທດລາວ.
ໃນຊຸດເຝິກອົບຮົມຄັ້ງນີ້, ນັກສຳມະນາກອນໄດ້ຜ່ານການເຝິກອົບຮົມທັງດ້ານທິດສະດີ ແລະ ຕົງຈິງ, ສາມາດເຂົ້າໃຈການນຳໃຊ້ພາສາໃຫ້ຖືກຫຼັກການໂດຍພື້ນຖານ, ແລະຂຽນຂ່າວອອກມາຕາມຫຼັກໄວຍະກອນພາສາລາວໄດ້ດີ, ຮຽນຮູ້ເຖິງຫຼັກການວິທີການຂຽນຂ່າວແບບໃໝ່, ເຂົ້າໃຈເຖິງຈັນຍາບັນຂອງນັກຂ່າວ ແລະ ສື່ມວນຊົນທຸກພາກສ່ວນ ມີຄວາມສາມັກຄີຮັກແພງກັນຫຼາຍຂຶ້ນກວ່າເກົ່າ.
