ກອງປະຊຸມຄັ້ງທີ6ຂອງກຳມາທິການຊີ້ນຳການຮ່ວມມືລະຫວ່າງສອງຝ່າຍຈີນຫວຽດນາມໄດ້ຈັດຂຶ້ນຢູ່ປັກກິ່ງແລະໄດ້ມີຄວາມຮັບຮູ້ຄືກັນໃນການແກ້ໄຂຄວາມຂັດແຍ່ງກ່ຽວກັບທະເລຈີນໃຕ້
(GMT+08:00) 2013-05-12 13:39:24 cri
ວັນທີ11ພຶດສະພານີ້, ກອງປະຊຸມຄັ້ງທີ6ຂອງກຳມາທິການຊີ້ນຳການຮ່ວມມືລະຫວ່າງສອງຝ່າຍຈີນຫວຽດນາມໄດ້ຈັດຂຶ້ນຢູ່ປັກກິ່ງ. ທ່ານຢາງເຈຍສື ປະທານຝ່າຍຈີນ, ທີ່ປຶກສາແຫ່ງລັດຈີນ ແລະ ທ່ານຫງວຽນທຽນນັນ ປະທານຝ່າຍຫວຽດນາມ ຮອງນາຍົກລັດຖະມົນຕີຫວຽດນາມໄດ້ເປັນປະທານຄູ່ຂອງກອງປະຊຸມ. ກອງປະຊຸມໄດ້ກ້າວເຖິງຂັ້ນມີຄວາມຮັບຮູ້ຄືກັນຢ່າງກວ້າງຂວາງກ່ຽວກັບການຊຸກຍູ້ການຮ່ວມມືຍຸດທະສາດຮອບດ້ານຈີນຫວຽດນາມ, ແລະກ່າວວ່າຈະແກ້ໄຂຄວາມຂັດແຍ່ງກັນກ່ຽວກັບທະເລຈີນໃຕ້ຢ່າງເໝາະສົມ, ແລະເພີ່ມທະວີການຮ່ວມມືກັນທາງທະເລ.
ທ່ານຢາງເຈຍສືຊີ້ອອກວ່າ, ນັບແຕ່ກຳມາທິການຊີ້ນຳການຮ່ວມມືລະຫວ່າງສອງຝ່າຍຈີນຫວຽດນາມສ້າງຕັ້ງຂຶ້ນ7ປີມານີ້, ໄດ້ເສີມຂະຫຍາຍບົດບາດອັນສຳຄັນໃນການເພີ່ມຄວາມໄວ້ເນື້ອເຊື່ອໃຈກັນທາງການເມືອງແລະຊຸກຍູ້ການຮ່ວມມືທີ່ຕິດແທດຕົວຈິງລະຫວ່າງສອງປະເທດ. ສອງຝ່າຍຄວນຈັດຕັ້ງປະຕິບັດຄວາມຮັບຮູ້ຄືກັນລະຫວ່າງທ່ານສີຈິ້ນຜິງ ເລຂາທິການໃຫຍ່ພັກກອມມູນິດຈີນ ກັບ ທ່ານຫງວຽນຟູຈົງ ເລຂາທິການໃຫຍ່ພັກກອມມູນິດຫວຽດນາມ, ຍຶດໝັ້ນທິດອັນຖືກຕ້ອງແຫ່ງການຂະຫຍາຍການພົວພັນລະຫວ່າງສອງປະເທດຈາກຄວາມສູງດ້ານຍຸດທະສາດແລະມີສາຍຕາຍາວໄກ, ຊຸກຍູ້ການຮ່ວມມືດ້ານຍຸດທະສາດຮອບດ້ານລະຫວ່າງສອງປະເທດ, ເຮັດວຽກຕົວຈິງໃຫ້ຫຼາຍເພື່ອຊຸກຍູ້ການພົວພັນລະຫວ່າງສອງປະເທດ, ສ້າງຄວາມຜາສຸກໃຫ້ແກ່ປະຊາຊົນສອງຊາດ. ໂດຍນຳໃຊ້ກົນໄກສົນທະນາແລະເຈລະຈາ, ຄວບຄຸມແລະແກ້ໄຂຄວາມຂັດແຍ່ງກັນຢູ່ທະເລຈີນໃຕ້ຢ່າງບັງເກີດຜົນ, ເພີ່ມທະວີການຮ່ວມມືເທິງທະເລ, ພະຍາຍາມຫັນຄວາມຂັດແຍ່ງກັນເປັນໂອກາດດຳເນີນການຮ່ວມມືກັນ.
ທ່ານຫງວຽນທຽນນັນກ່າວວ່າ, ພັກແລະລັດຖະບານຫວຽດນາມເອົາໃຈໃສ່ໃນລະດັບສູງຕໍ່ການຮ່ວມມືດ້ານຍຸດທະສາດຮອບດ້ານລະຫວ່າງຫວຽດນາມກັບຈີນ, ຍິນດີລົງເລິກການພົວພັນມິດຕະພາບທີ່ເປັນສະຫາຍທັງເປັນອ້າຍນ້ອງລະຫວ່າງສອງພັກແລະສອງລັດຢ່າງບໍ່ຢຸດຢັ້ງ, ເພີ່ມຄວາມໄວ້ເນື້ອເຊື່ອໃຈກັນທາງການເມືອງ, ຊຸກຍູ້ການຮ່ວມມືທີ່ຕິດແທດຕົວຈິງຢ່າງຮອບດ້ານ, ແກ້ໄຂຄວາມຂັດແຍ່ງກັນກ່ຽວກັບທະເລຈີນໃຕ້ຢ່າງເໝາະສົມ.
ສອງຝ່າຍຍັງໄດ້ທົບທວນຄືນຜົນສຳເລັດດ້ານການຮ່ວມມືໃນຂົງເຂດຕ່າງໆໃນໄລຍະໜຶ່ງປີມານີ້, ເຫັນດີຊຸກຍູ້ການຮ່ວມມືລະຫວ່າງສອງພັກ, ການປ້ອງກັນປະເທດ, ການປະຕິບັດກົດໝາຍແລະຄວາມໝັ້ນຄົງ, ເສດຖະກິດການຄ້າ, ການຮ່ວມມືຈີນອາຊຽນແລະອື່ນໆ, ຊຸກຍູ້ໃຫ້ການຮ່ວມມືໃນຂົງເຂດຕ່າງໆລະຫວ່າງສອງປະເທດໄດ້ຮັບຜົນສຳເລັດຫຼາຍກວ່າເກົ່າ.
ທ່ານຢາງເຈຍສືຊີ້ອອກວ່າ, ນັບແຕ່ກຳມາທິການຊີ້ນຳການຮ່ວມມືລະຫວ່າງສອງຝ່າຍຈີນຫວຽດນາມສ້າງຕັ້ງຂຶ້ນ7ປີມານີ້, ໄດ້ເສີມຂະຫຍາຍບົດບາດອັນສຳຄັນໃນການເພີ່ມຄວາມໄວ້ເນື້ອເຊື່ອໃຈກັນທາງການເມືອງແລະຊຸກຍູ້ການຮ່ວມມືທີ່ຕິດແທດຕົວຈິງລະຫວ່າງສອງປະເທດ. ສອງຝ່າຍຄວນຈັດຕັ້ງປະຕິບັດຄວາມຮັບຮູ້ຄືກັນລະຫວ່າງທ່ານສີຈິ້ນຜິງ ເລຂາທິການໃຫຍ່ພັກກອມມູນິດຈີນ ກັບ ທ່ານຫງວຽນຟູຈົງ ເລຂາທິການໃຫຍ່ພັກກອມມູນິດຫວຽດນາມ, ຍຶດໝັ້ນທິດອັນຖືກຕ້ອງແຫ່ງການຂະຫຍາຍການພົວພັນລະຫວ່າງສອງປະເທດຈາກຄວາມສູງດ້ານຍຸດທະສາດແລະມີສາຍຕາຍາວໄກ, ຊຸກຍູ້ການຮ່ວມມືດ້ານຍຸດທະສາດຮອບດ້ານລະຫວ່າງສອງປະເທດ, ເຮັດວຽກຕົວຈິງໃຫ້ຫຼາຍເພື່ອຊຸກຍູ້ການພົວພັນລະຫວ່າງສອງປະເທດ, ສ້າງຄວາມຜາສຸກໃຫ້ແກ່ປະຊາຊົນສອງຊາດ. ໂດຍນຳໃຊ້ກົນໄກສົນທະນາແລະເຈລະຈາ, ຄວບຄຸມແລະແກ້ໄຂຄວາມຂັດແຍ່ງກັນຢູ່ທະເລຈີນໃຕ້ຢ່າງບັງເກີດຜົນ, ເພີ່ມທະວີການຮ່ວມມືເທິງທະເລ, ພະຍາຍາມຫັນຄວາມຂັດແຍ່ງກັນເປັນໂອກາດດຳເນີນການຮ່ວມມືກັນ.
ທ່ານຫງວຽນທຽນນັນກ່າວວ່າ, ພັກແລະລັດຖະບານຫວຽດນາມເອົາໃຈໃສ່ໃນລະດັບສູງຕໍ່ການຮ່ວມມືດ້ານຍຸດທະສາດຮອບດ້ານລະຫວ່າງຫວຽດນາມກັບຈີນ, ຍິນດີລົງເລິກການພົວພັນມິດຕະພາບທີ່ເປັນສະຫາຍທັງເປັນອ້າຍນ້ອງລະຫວ່າງສອງພັກແລະສອງລັດຢ່າງບໍ່ຢຸດຢັ້ງ, ເພີ່ມຄວາມໄວ້ເນື້ອເຊື່ອໃຈກັນທາງການເມືອງ, ຊຸກຍູ້ການຮ່ວມມືທີ່ຕິດແທດຕົວຈິງຢ່າງຮອບດ້ານ, ແກ້ໄຂຄວາມຂັດແຍ່ງກັນກ່ຽວກັບທະເລຈີນໃຕ້ຢ່າງເໝາະສົມ.
ສອງຝ່າຍຍັງໄດ້ທົບທວນຄືນຜົນສຳເລັດດ້ານການຮ່ວມມືໃນຂົງເຂດຕ່າງໆໃນໄລຍະໜຶ່ງປີມານີ້, ເຫັນດີຊຸກຍູ້ການຮ່ວມມືລະຫວ່າງສອງພັກ, ການປ້ອງກັນປະເທດ, ການປະຕິບັດກົດໝາຍແລະຄວາມໝັ້ນຄົງ, ເສດຖະກິດການຄ້າ, ການຮ່ວມມືຈີນອາຊຽນແລະອື່ນໆ, ຊຸກຍູ້ໃຫ້ການຮ່ວມມືໃນຂົງເຂດຕ່າງໆລະຫວ່າງສອງປະເທດໄດ້ຮັບຜົນສຳເລັດຫຼາຍກວ່າເກົ່າ.
