ອົງການປະຊາຊົນຈີນ ລາວແລະໄທທົດລອງຮ່ວມກັນຊຸກຍູ້ການຂົນສົ່ງໄປມາຕາມທາງຫລວງຄຸນມິງ-ບາງກອກຢ່າງຄວາມສະດວກ
(GMT+08:00) 2013-06-12 14:02:28 cri
ກ່ຽວກັບບັນຫາທີ່ທາງຫລວງສາກົນແຕ່ຄຸນມິງ-ບາງກອກເລີ່ມແລ່ນລົດແລ້ວແຕ່ຊ້ຳພັດບໍ່ສະດວກໃນລະດັບໃດຫນຶ່ງ, ຜູ່ຮັບຜິດຊອບຂອງອົງການປະຊາຊົນຈີນ, ລາວແລະໄທທີ່ໄປຮ່ວມງານວາງສະແດງຈີນ-ອາຊີໃຕ້ຄັ້ງປະຖົມມະເລີກໃນຫວ່າງກ່ອນນີ້ບໍ່ດົນສະເຫນີອອກມາວ່າ, ໂດຍມີການຊຸກຍູ້ຈາກລັດຖະບານ,ຈະທົດລອງຜ່ານກົນໄກປະສານງານລະຫວ່າງອົງການປະຊາຊົນເພື່ອປຶກສາຫາລືກ່ຽວກັບແຜນການແກ້ໄຂບັນຫາ,ແລະປະຕິບັດໃນຫມູ່ປະຊາຊົນກ່ອນ, ແລ້ວຜ່ານພາຫະນະທາງຕະຫລາດຕ່າງໆເຊັ່ນ:ປະຕິບັດໂຄງການຫລືພຶດຕິກຳຂອງວິສາຫະກິດ,ເພື່ອຊຸກຍູ້ການຄົມມະນາຄົມແລະການຈໍລະຈອນສິນຄ້າລະຫວ່າງພາກພື້ນໃຫ້ເຊື່ອມໂຍງເຂົ້າກັນ.
ຜູ່ຮັບຜິດຊອບຂອງສະຫະພັນອຸດສາຫາກຳການຄ້າແຫ່ງຊາດລາວກ່າວວ່າ, ປະເທດລາຍແມ່ນປະເທດທີ່ທາງຫລວງຄຸນມິງ-ບາງກອກແລ່ນຜ່ານ, ແມ່ນປະເທດຫນຶ່ງທີ່ໄດ້ຮັບຜົນປະໂຫຍດຈາກທາງຫລວງເສັ້ນນີ້, ພ້ອມກັນນັ້ນກໍ່ແມ່ນຂໍກະແຈອັນຫນຶ້ງໃນການບັນລຸການຄົມມະນາຄົມຂົນສົ່ງແລະການຄ້າຢູ່ອະນະພາກພື້ນແຫ່ງນີ້ມີຄວາມສະດວກຂຶ້ນ,ແຕ່ນັບແຕ່ທາງຫລວງເສັ້ນນີ້ເລີ່ມແລ່ນລົດເປັນຕົ້ນມາ, ໄດ້ມີສະພາບການທີ່ການຂົນສົ່ງສິນຄ້າໄປມາບໍ່ສະດວກ, ການເຊື່ອມຕໍ່ກັນລະຫວ່າງບັນດາຝ່າຍບໍ່ສະດວກສະບາຍໄດ້ຫລຸດຜ່ອນຄຸນຄ່າດ້ານເສດຖະກິດຂອງທາງຫລວງເສັ້ນນີ້ຢ່າງຫລວງຫລາຍ.
ນັກວິຊາການເຫັນວ່າ, ຢາກຈະລົບລ້າງອຸປະສັກເຫລົ່ານີ້, ນອກຈາກການຊຸກຍູ້ຂອງລັດຖະບານ, ຍັງຄວນທົດລອງໃຫ້ອົງການປະຊາຊົນປະສານງານກັນເພື່ອແກ້ໄຂບັນຫາ.ຂ່າວແຈ້ງວ່າ, ນັບແຕ່ ກົນໄກປະສານງານລະຫວ່າງອົງການປະຊາຊົນສາມຝ່າຍຢູ່ແລວທາງເສດຖະກິດຄຸນມິງ -ບາງກອກລະຫວ່າງຈີນ ລາວແລະໄທສ້າງຕັ້ງຂຶ້ນເປັນຕົ້ນມາ, ໄດ້ຮັບຜົນງານຫລາຍຢ່າງເຊັ່ນ:ໄດ້ຊຸກຍູ້ໃຫ້ຈຳນວນດ່ານເກັບຄ່າຢູ່ພາຍໃນແດນລາວນັ້ນຈາກ 8 ແຫ່ງໃຫ້ຫລຸດລົງເປັນ 3 ແຫ່ງ.
ທ່ານຍັງຊີ້ອອກວ່າ, ໃນໄລຍະຕໍ່ໄປ, ອົງການປະຊາຊົນຂອງຈີນ,ລາວແລະໄທຈະຖືການຊຸກຍູ້ໂຄງການຈຸດສຸມແລະໃຫ້ວິສາຫະກິດປະຕິບັດໃນຕົວຈິງເປັນສຳຄັນ,ສືບຕໍ່ຊຸກຍູ້ການປະຕິບັດແຜນການແກ້ໄຂການຂົນສົ່ງໃຫ້ມີຄວາມສະດວກຂຶ້ນໃນອົງການປະຊາຊົນກ່ອນ,ເພື່ອສົມທົບກັບກົນໄກຂອງລັດຖະບານໃນການເສີມຂະຫຍາຍບົດບາດ.
