ພາກໃຕ້ໄທໄດ້ເກີດເຫດການລະເບີດ,ທະຫານ8ຄົນເສຍຊີວິດ
ເຈົ້າໜ້າທີ່ຕຳຫຼວດໄທແຈ້ງໃຫ້ຮູ້ວ່າ, ວັນທີ 29 ມິຖຸນານີ້, ຢູ່ຈັງຫວັດຍະລາ ພາກໃຕ້ໄທໄດ້ເກີດເຫດການລະເບີດຢູ່ແຄມທາງ, ເຮັດໃຫ້ທະຫານ 8 ຄົນເສຍຊີວິດ,ນອກນີ້ ຍັງມີ 4 ຄົນບາດເຈັບ.
ລະຫວ່າງ 6 ໂມງ 30 ນາທີ ວັນທີ 29 ມິຖຸນານີ້ ຕາມເວລາຕ້ອງຖິ່ນ, ໃນເວລາທະຫານ 10 ຄົນຂີ່ລົດປັບທຸກທະຫານ ຜ່ານຖະໜົນສາຍໜຶ່ງຢູ່ຊົນນະບົດຈັງຫວັດຍະລາ, ໄດ້ເກີດເຫດການລະເບີດຢູ່ແຄມທາງ. ປັດຈຸບັນ, ຜູ້ບາດເຈັບໄດ້ຖືກສົ່ງໄປໂຮງໝໍທີ່ຢູ່ມໍ່, ຕຳຫຼວດພວມສຳຫຼວດເຫດການເທື່ອນີ້.
ນັບແຕ່ປີ 2004 ເປັນຕົ້ນມາ, ກຳລັງປະກອບອາວຸດລັດທິແບ່ງແຍກພາກໃຕ້ໄທໄດ້ກໍ່ເຫດການຫຼາຍເທື່ອ. ຕາມສະຖິຕິ, ເຫດການກຳລັງຮຸນແຮງຕ່າງໆ ເຊັ່ນ, ການລະເບີດ, ການຍິງປືນ ແລະ ການລັກພາຕົວເປັນຕົ້ນໄດ້ເຮັດໃຫ້ຫຼາຍກວ່າ 5 ພັນຄົນເສຍຊີວິດ, 9 ພັນຄົນບາດເຈັບ.
ນັບແຕ່ທ້າຍເດືອນມີນາປີນີ້ເປັນຕົ້ນມາ, ພາຍໃຕ້ຄວາມໄກ່ເກ່ຍຂອງມະເລເຊຍ, ລັດຖະບານໄທ ກັບ "ແນວໂຮມປະຕິວັດແຫ່ງຊາດ" ເຊິ່ງເປັນອົງການຈັດຕັ້ງແບ່ງແຍກໄດ້ຈັດການເຈລະຈາສັນຕິພາບ 3 ເທື່ອແລ້ວ, ແຕ່ບໍ່ໄດ້ຮັບຜົນຫຍັງ.
