ທ່ານຊິນໂຈວອາເບະຢ້ຽມຢາມສິງກະໂປ
(GMT+08:00) 2013-07-27 13:59:11 cri
ຕາມຂ່າວ cri:ຕອນເຊົ້າວັນທີ 26 ກໍລະກົດນີ້, ທ່ານຊິນໂຈອາເບະ ນາຍົກລັດຖະມົນຕີຍີ່ປຸ່ນທີ່ພວມຢ້ຽມຢາມອາຊີຕາເວັນອອກສຽງໃຕ້ຢ່າງເປັນທາງການນັ້ນໄດ້ເດີນທາງໄປຮອດສິງກະໂປ, ເລີ່ມຢ້ຽມຢາມສິງກະໂປເປັນໄລຍະສັ້ນ. ນີ້ແມ່ນເທື່ອທຳອິດທີ່ແມ່ນທ່ານຊິນໂຈອາເບະຢ້ຽມຢາມສິງກະໂປໃນຖານະເປັນນາຍົກລັດຖະມົນຕີຍີ່ປຸ່ນ.
ຕອນເຊົ້າວັນທີ 26 ພາຍຫລັງໄດ້ພົບປະກັບກັບທ່ານທັນແຄງແຢັນ(Tony Tan Keng Yan) ປະທານາທິບໍດີສິງກະໂປແລະທ່ານລີຊຽນລົງ ນາຍົກລັດຖະນຕີສິງກະໂປແລ້ວ, ທ່ານຊິນໂຈອາເບະກັບທ່ານຫລີຊຽນລົງໄດ້ຈັດກອງປະຊຸມຂ່າວຮ່ວມ.ທ່ານຫລີຊຽນຫລົງກ່າວວ່າ, ການພົວພັນລະຫວ່າງສິງກະໂປກັບຍີ່ປຸ່ນໄດ້ກ່ຽວພັນເຖິງຫລາຍດ້ານ.ທ່ານຫວັງວ່າພາຍໃຕ້ເບື້ອງຫລັງທີ່ປັບປຸງການພົວພັນສອງຝ່າຍ,ກໍ່ຄວນເພີ່ມທະການຮ່ວມມືລະຫວ່າງສອງຝ່າຍໃນປະເທດທີສາມ.
ທ່ານຊິນໂຈອາເບະກ່າວວ່າ, ປີນີ້ແມ່ນການພົວພັນລະຫວ່າງມິດຕະພາບລະຫວ່າງຍີ່ປຸ່ນກັບອາຊຽນຄົບຮອບ 40 ປີ, ທ່ານຫວັງວ່າຈະນຳເອົາພະລັງແຮງເຂົ້າໄປໃນການສ້າງສາເສດຖະກິດຍີ່ປຸ່ນໃຫ້ຈະເລີນ.ທ່ານກ່າວວ່າ,ພິເສດຈະເນັ້ນເຖິງການເພີ່ມທະວີການຕິດຕໍ່ກັນແລະການພົວພັນຄູ່ເສດຖະກິດລະຫວ່າງຍີ່ປຸ່ນກັບອາຊຽນ.
