ຫົວຫນ້າຫ້ອງການກະຊວງການຕ່າງປະເທດໄທຕີລາຄາສູງຕໍ່ຜົນສຳເລັດທີ່ໄດ້ຮັບໃນກອງປະຊຸມລັດຖະມົນຕີການຕ່າງປະເທດຈີນ-ອາຊຽນ
(GMT+08:00) 2013-07-27 14:14:44 cri
ວັນທີ 26 ກໍລະກົດນີ້, ທ່ານສີຮະສັກ ພວງເກດແກ້ວ ຫົວຫນ້າຫ້ອງການກະຊວງການຕ່າງປະເທດໄທໄດ້ໃຫ້ສຳພາດຕໍ່ນັກຂ່າວຊີນຮວາຈີນ,ໂດຍກ່າວວ່າ,ກອງປະຊຸມ ລັດຖະມົນຕີການຕ່າງປະເທດຈີນ-ອາຊຽນທີ່ຈັດຂຶ້ນຢູ່ບຼູໃນໃນເດືອນມິຖຸນາປີນີ້ໄດ້ຮັບຫມາກຜົນສຳເລັດອັນຕັ້ງຫນ້າ, ສອງຝ່າຍໄດ້ຫາລືກັນຢ່າງກວ້າງຂວາງແລະເລິກເຊິ່ງກ່ຽວກັບບັນຫາຕ່າງໆເຊັ່ນ: ການຄ້າເສລີ, ການເພີ່ມທະວີການລົງທຶນ, ແລະການເຊື່ອມໂຍງເຂົ້າກັນ.
ທ່ານສີີຮະຊັກກ່າວວ່າ, ການເຊື່ອມໂຍງເຂົ້າກັນມີຜົນດີຕໍ່ການເພີ່ມທະວີການຄ້າຄ້າ, ຫລຸດຜ່ອນຄວາມຜິດໂຕນກັນລະຫວ່າງບັນດາປະເທດອາຊຽນ,ມີຄວາມຫມາຍສຳຄັນຕໍ່ການຊຸກຍູ້ການຮ່ວມມືດ້ານເສດຖະກິດລະຫວ່າງບັນດາປະເທດອາຊຽນ, ກໍ່ຄືລະຫວ່າງບັນດາປະເທດອາຊຽນກັບຈີນໂດຍສະເພາະແມ່ນບັນດາແຂວງຢູ່ພາກໃຕ້ຂອງຈີນ.ສອງຝ່າຍຈະເພີ່ມທະວີການແລກປ່ຽນດ້ານວັດທະນະທຳ,ແລະຫວັງວ່າປະເທດໄທກັບປະເທດຈີນຈະເພີ່ມທະວີການໄປມາຫາສູ່ກັນລະຫວ່າງປະຊາຊົນຕື່ມອີກ.
ໃນເວລາກ່າວເຖິງບັນາທະເລຈີນໃຕ້,ທ່ານກ່າວວ່າ, ກອງປະຊຸມລັດຖະມົນຕີການຕ່າງປະເທດຈີນ-ອາຊຽນໄດ້ຈັດການເຈລະຈາທີ່ມີລັກສະນະສ້າງສັນກ່ຽວກັບບັນຫາທະເລຈີນໃຕ້.ສອງຝ່າຍເຫັນວ່າການຣັກສາສັນຕິພາບແລະສະຖຽນລະພາບຢູ່ທະເລຈີນໃຕ້ມີຄວາມຫມາຍສຳຄັນຕໍ່ການຮັກສາສະຖານະການຢູ່ພາກພື້ນແຫ່ງນີ້.
ທ່ານສີຮະສັກກ່າວວ່າ, ໃນຖານະເປັນປະເທດປະສານການພົວພັນລະຫວ່າງຈີນ-ອາຊຽນ, ໄທຫວັງວ່າຈຸຊູກຍູ້ການພົວພັນຄູ່ຍຸດທະສາດລະຫວ່າງອາຊຽນກັບຈີນໃນໄລຍະດຳລົງຕຳແຫນ່ງດັ່ງກ່າວ, ເພື່ອຊຸກຍູ້ການຄ້າແລະການລົງທຶນ,ເພີ່ມທະວີການຮ່ວມມືແລະແລກປ່ຽນກັນລະຫວ່າງປະຊາຊົນສອງຝ່າຍ,ແລະຊຸກຍູ້ສັນຕິພາບແລະສະຖຽນລະພາບຂອງພາກພື້ນ.
