ນາງບຳເລີທະຫານຂອງຟິລິບປິນໃນໄລຍະສົງຄາມໂລກຄັ້ງທີສອງປະທ້ວງນາຍົກຍີ່ປຸ່ນຢ້ຽມຢາມຟິລິບປິ
(GMT+08:00) 2013-07-28 13:28:33 cri
ວັນທີ 27 ກໍລະກົດນີ້, ນາງບຳເລີທະຫານຂອງຟິລິບປິນໃນໄລຍະສົງຄາມໂລກຄັ້ງທີສອງທີ່ມີອາຍຸສູງຫລາຍຄົນແລະອົງການຈັດຕັ້ງແມ່ຍິ່ງຈຳນວນຫນຶ່ງຂອງຟິລິບປິນໄດ້ຈັດງານຊຸມນຸມຢູ່ບ່ອນມໍ່ສຳນັກງານປະທານາ ທິບໍດີຟິລິບປິນ,ເພື່ອປະທ້ວງທ່ານຊິນໂຈວອາເບະ ນາຍົກລັດຖະມົນຕີຍີ່ປຸ່ນໄປຢ້ຽມຢາມຟິລິບປິນ,ແລະຮຽກຮ້ອງໃຫ້ລັດຖະບານຍີ່ປຸ່ນຈົ່ງສະແດງຄວາມຂໍໂທດຢ່າງຈະແຈ້ງຕໍ່ບັນຫານາງບຳເລີທະຫານແລະໃຫ້ການທົດແທນ.
ມື້ດຽວກັນ, ທ່ານອາກີໂນສາມ ປະທານາທິບໍດີຟິລິບປິນໄດ້ຈັດພິທີຕ້ອນຮັບທ່ານຊິນໂຈວອາເບະທີ່ໄປຢ້ຽມຢາມຢູ່ທີ່ວັງມາກາລາ ສຳນັກງານປະທານາທິບໍດີ,ຫລັງຈາກນັ້ນໄດ້ຈັດການພົບປະເປັນທາງການ. ໃນຂະນະດຽວກັນນັ້ນ, ແມ່ຍິງຫລາຍສິບຄົນທີ່ມາຈາກອົງການລີລາຟີລິບປິນາ(LilaPilipina),ອົງການກາບຼີລາ(GABRIELA)ແລະອົງານຈັດຕັ້ງແມ່ຍິງອື່ນໆຂອງຟິລິບປິນໄດ້ຈັດງານຊຸມນຸມແລະແຫ່ຂະບວນຢູ່ຖະຫນົນແມັນດີໂອລາທີ່ໃກ້ກັບສຳນັກງານປະທານາ ທິບໍດີ,ເພື່ອທວງເອົາສິນທຳໃຫ້ແກ່ນາງບຳເລີຟິລິບປິນທີ່ຖືກເຄາະຮ້າຍໃນໄລຍະສົງຄາມໂລກຄັ້ງທີສອງຈາກລັດຖະບານຍີປຸ່ນ.
ນາງເອສເຕີເລມາດູລາ,ປະທານອົງການລີລາຟິລິບປິນາທີ່ເປັນອົງການຈັດຕັ້ງນາງບຳເລີຟິບິນປິນຕິຕຽນວ່າ,ລັດຖະບານຍີ່ປຸ່ນບໍ່ເຄີຍສະແດງຄວາມຂໍໂທດຢ່າງເປັນທາງການຕໍ່ການບັງຄັບແມ່ຍິງຟິລິບປິນເປັນນາງບຳເລີທະຫານໃນໄລຍະສົງຄາມໂລກຄັ້ງທີສອງຈັກເທື່ອ.
ນາງຊາວາໂດ,ເລຂາທິການອົງການກາບຼີລາກ່າວວ່າ, ເຫມືອນກັບອາເມລິກາ,ຍີ່ປຸນໄດ້ເຜີຍແຜ່ຖ້ອຍຄວາມກະຫາຍສົງຄາມຢູ່ພາກພື້ນອາຊຽນ, ສ່ວນຟິລິບປິນພວມກາຍເປັນລູກນ້ອງຂອງອາເມລິກາແລະຍີ່ປຸ່ນ.
