ປະທານາທິບໍດີສ.ເກົາຫລີຮຽກຮ້ອງໃຫ້ສປປເກົາຫລີປະລະນິວເຄຼຍແລະເດີນໄປຕາມເສັ້ນທາງການພັດທະນາໂດຍສັນຕິ
(GMT+08:00) 2013-07-28 13:48:29 cri
ວັນທີ 27 ກໍລະກົດນີ້, ທ່ານນາງປັກຈຸນແຮ ປະທານາທິບໍດີສ.ເກົາຫລີກ່າວຄຳປາໄສ,ຮຽກຮ້ອງໃຫ້ສປປເກົາຫລີຈົ່ງປະລະແຜນການນິວເຄຼຍ,ເດີນໄປຕາມເສັ້ນທາງພັດທະນາໂດຍສັນຕິຢ່າງແທ້ຈິງ.
ມື້ດຽວກັນ,ລັດຖະບານສ.ເກົາຫລີໄດ້ຈັດກິດຈະກຳຢູ່ທີ່ຫໍລະລຶກສົງຄາມຫລົງຊົງທີ່ນະຄອນຫລວງເຊອຸນ,ເພື່ອລະລຶກສົງຄາມເກົາຫລີຢຸດຕິລົງຄົບຮອບ 60 ປີ.ໃນເວລາກ່າວຄຳປາໃສ, ທ່ານນາງປັກຈຸນແຮກ່າວວ່າ, ສປປເກົາຫລີຄວນປະລະແຜນການນິວເຄຼຽ.ຖືວ່າສປປເກົາຫລີໄດ້ເລືອກເສັ້ນທາງທີ່ຖືກຕ້ອງແລ້ວ, ສ.ເກົາຫລີຈະເພີ່ມທະວີການແລກປ່ຽນແລະຮ່ວມມືກັບສປປເກົາຫລີ, ແລະຕັ້ງຫນ້າໄຂເສັ້ນທາງນພັດທະນາຮ່ວມກັນລະຫວ່າງເຫນືອໃຕ້.
ສົງຄາມເກົາຫລີເກີດຂຶ້ໜນໃນວັນທີ 25 ມິຖຸນາ 1950,ແລ້ວສິ້ນສຸດລົງໃນວັນທີ 27 ກໍລະກົດ 1953 ພາຍຫລັງໄດ້ເຊັນສັນຍາຢຸດຕິສົງຄາມເກົາຫລີແລ້ວ.
