ພັກຝ່າຍຄ້ານຂອງກຳປູເຈຍຮ້ອງຂໍໃຫ້ສະຫະປະຊາຊາດເຂົ້າຮ່ວມການສືບສວນ "ປະກົດການລະເມີດກົດໝາຍ"ໃນການເລືອກຕັ້ງ
(GMT+08:00) 2013-08-09 15:08:51 cri
ວັນທີ 8 ສິງຫານີ້, ພັກກູ້ຊາດເຊິ່ງເປັນພັກຝ່າຍຄ້ານຂອງກຳປູເຈຍໄດ້ເປີດເຜີຍຈົດໝາຍທີ່ທ່ານສຳຣັງຊີ, ປະທານພັກກູ້ຊາດທີ່ສົ່ງໄປເຖິງທ່ານບານກິມູນ, ເລຂາທິການໃຫຍ່ອົງການສະຫະປະຊາຊາດໃນວັນທີ 5 ສິງຫານີ້. ໃນຈົດໝາຍດັ່ງກ່າວ, ທ່ານສຳຣັງຊີໄດ້ຮຽກຮ້ອງໃຫ້ສະຫະປະຊາຊາດສົ່ງຄະນະສັງເກດການ, ເພື່ອເຂົ້າຮ່ວມການສືບສວນ "ປະກົດການລະເມີດກົດໝາຍ"ໃນການເລືອກຕັ້ງສະພາແຫ່ງຊາດກຳປູເຈຍ.
ວັນທີ 8 ສິງຫານີ້, ທ່ານເທັບນິຕາ, ເລຂາທິການໃຫຍ່ຄະນະກຳມະການເລືອກຕັ້ງແຫ່ງຊາດກຳປູເຈຍກ່າວວ່າ, ທ່ານຍິນດີຕ້ອນຮັບອົງການທີ່ກ່ຽວຂ້ອງດຳເນີນການຕິດຕາມກວດກາຕໍ່ການເລືອກຕັ້ງ, ແລະຫວັງວ່າຄະນະກຳມະການສືບສວນຮ່ວມສາມາດສ້າງຕັ້ງຂຶ້ນໂດຍໄວ. ຕາມກຳນົດ, ຄະນະກຳມະການເລືອກຕັ້ງແຫ່ງຊາດກຳປູເຈຍຈະປະກາດຜົນການເລືອກຕັ້ງຢ່າງເປັນທາງການໃນໄລຍະວັນທີ 14 ສິງຫາຫາວັນທີ 8 ກັນຍາໜ້ານີ້.
ວັນທີ 2 ສິງຫານີ້, ທ່ານບານກີມູນໄດ້ອອກຖະແຫຼງການໂດຍຜ່ານໂຄສົກຂອງທ່ານ, ສະແດງຄວາມຊົມເຊີຍຕໍ່ກຳປູເຈຍຈັດການເລືອກຕັ້ງໂດຍສັນຕິ, ທັງໄດ້ສົ່ງເສີມພາກສ່ວນທີ່ກ່ຽວຂ້ອງຂອງກຳປູເຈຍແກ້ໄຂການຮ້ອງຟ້ອງກ່ຽວກັບ "ປະກົດການລະເມີດກົດໝາຍ"ໃນການເລືອກຕັ້ງທົ່ວໄປຢ່າງຍຸດຕິທຳ.
ວັນທີ 8 ສິງຫານີ້, ທ່ານເທັບນິຕາ, ເລຂາທິການໃຫຍ່ຄະນະກຳມະການເລືອກຕັ້ງແຫ່ງຊາດກຳປູເຈຍກ່າວວ່າ, ທ່ານຍິນດີຕ້ອນຮັບອົງການທີ່ກ່ຽວຂ້ອງດຳເນີນການຕິດຕາມກວດກາຕໍ່ການເລືອກຕັ້ງ, ແລະຫວັງວ່າຄະນະກຳມະການສືບສວນຮ່ວມສາມາດສ້າງຕັ້ງຂຶ້ນໂດຍໄວ. ຕາມກຳນົດ, ຄະນະກຳມະການເລືອກຕັ້ງແຫ່ງຊາດກຳປູເຈຍຈະປະກາດຜົນການເລືອກຕັ້ງຢ່າງເປັນທາງການໃນໄລຍະວັນທີ 14 ສິງຫາຫາວັນທີ 8 ກັນຍາໜ້ານີ້.
ວັນທີ 2 ສິງຫານີ້, ທ່ານບານກີມູນໄດ້ອອກຖະແຫຼງການໂດຍຜ່ານໂຄສົກຂອງທ່ານ, ສະແດງຄວາມຊົມເຊີຍຕໍ່ກຳປູເຈຍຈັດການເລືອກຕັ້ງໂດຍສັນຕິ, ທັງໄດ້ສົ່ງເສີມພາກສ່ວນທີ່ກ່ຽວຂ້ອງຂອງກຳປູເຈຍແກ້ໄຂການຮ້ອງຟ້ອງກ່ຽວກັບ "ປະກົດການລະເມີດກົດໝາຍ"ໃນການເລືອກຕັ້ງທົ່ວໄປຢ່າງຍຸດຕິທຳ.
