ຟີລິບປີນແລະອາເມລິກາຈະດຳເນີນການເຈລະຈາກ່ຽວກັບອາເມລິກາເພີ່ມກຳລັງການທະຫານຢູ່ຟີລິບປີນ
(GMT+08:00) 2013-08-13 17:04:30 cri
ວັນທີ 12 ສິງຫານີ້, ລັດຖະບານຟີລິບປີນປະກາດວ່າ, ຟີລິບປີນແລະອາເມລິກາຈະຈັດການເຈລະຈາສອງຝ່າຍຢູ່ນະຄອນຫຼວງມະນີລາຂອງຟີລິບປີນໃນວັນທີ 14 ສິງຫານີ້, ເພື່ອປຶກສາຫາລືສັນຍາຂອບວ່າດ້ວຍອາເມລິກາເພີ່ມກຳລັງການທະຫານຢູ່ຟີລິບປີນ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ 12 ສິງຫານີ້, ທ່ານອານເບີດ ເດວໂຣຊາຣິໂອ, ລັດຖະມົນຕີວ່າການກະຊວງການຕ່າງປະເທດຟີລິບປີນກ່າວວ່າ, ຫວ່າງກ່ອນນີ້ບໍ່ດົນ, ຟີລິບປີນໄດ້ວາງນະໂຍບາຍກ່ຽວກັບການເພີ່ມຈຳນວນທະຫານໝູນວຽນຂອງອາເມລິກາປະຈຳຟີລິບປີນ, ແລະໄດ້ບັນລຸຄວາມຮັບຮູ້ທີ່ເປັນເອກະສັນກັນ. ໃນການປຶກສາຫາລືສອງຝ່າຍໃນຄັ້ງນີ້, ຟີລິບປີນຈະປຶກສາຫາລືກັບອາເມລິກາກ່ຽວກັບການເຮັດແນວໃດເພື່ອໃຫ້ນະໂຍບາຍດັ່ງກ່າວຫັນເປັນລະບຽບການໄດ້.
ມື້ດຽວກັນ, ທ່ານເຣນາໂຕ ເຣເຢັສ໌, ຜູ້ຮັບຜິດຊອບຂອງ "ສະຫະພັນຮັກຊາດໃໝ່"ເຊິ່ງເປັນກຸ່ມການເມືອງຝ່າຍຊ້າຍຟີລິບປີນໄດ້ອອກຖະແຫຼງການຊີ້ອອກວ່າ, ສັນຍາທີ່ກຽມຈະປຶກສາຫາລືນັ້ນທຽບກັບສົນທິສັນຍາຖານທັບໃນເມື່ອກ່ອນແລ້ວຍິ່ງອັນຕະລາຍກວ່າ, ເພາະວ່າຕາມສັນຍາດັ່ງກ່າວ, ທະຫານອາເມລິກາຈະສາມາດເຄື່ອນໄຫວໄດ້ໃນສິ່ງການທະຫານທຸກແຫ່ງຂອງຟີລິບປີນ, ຕາມຂໍ້ກຳນົດຂອງສັນຍາທີ່ກ່ຽວຂ້ອງລະຫວ່າງຟີລິບປີນກັບອາເມລິກາໃນປະຈຸບັນ, ລັດຖະບານຟີລິບປີນບໍ່ມີສິດຄວບຄຸມອາວຸດຍຸໂທປະກອນເຫຼົ່ານີ້. ນີ້ໝາຍຄວາມວ່າທົ່ວປະເທດຟີລິບປີນຈະກາຍເປັນຖານທັບແລະສາງອາວຸດຂອງອາເມລິກາທັງໝົດ.
ໃນງານຖະແຫຼງຂ່າວທີ່ຈັດຂຶ້ນໃນວັນທີ 12 ສິງຫານີ້, ທ່ານອານເບີດ ເດວໂຣຊາຣິໂອ, ລັດຖະມົນຕີວ່າການກະຊວງການຕ່າງປະເທດຟີລິບປີນກ່າວວ່າ, ຫວ່າງກ່ອນນີ້ບໍ່ດົນ, ຟີລິບປີນໄດ້ວາງນະໂຍບາຍກ່ຽວກັບການເພີ່ມຈຳນວນທະຫານໝູນວຽນຂອງອາເມລິກາປະຈຳຟີລິບປີນ, ແລະໄດ້ບັນລຸຄວາມຮັບຮູ້ທີ່ເປັນເອກະສັນກັນ. ໃນການປຶກສາຫາລືສອງຝ່າຍໃນຄັ້ງນີ້, ຟີລິບປີນຈະປຶກສາຫາລືກັບອາເມລິກາກ່ຽວກັບການເຮັດແນວໃດເພື່ອໃຫ້ນະໂຍບາຍດັ່ງກ່າວຫັນເປັນລະບຽບການໄດ້.
ມື້ດຽວກັນ, ທ່ານເຣນາໂຕ ເຣເຢັສ໌, ຜູ້ຮັບຜິດຊອບຂອງ "ສະຫະພັນຮັກຊາດໃໝ່"ເຊິ່ງເປັນກຸ່ມການເມືອງຝ່າຍຊ້າຍຟີລິບປີນໄດ້ອອກຖະແຫຼງການຊີ້ອອກວ່າ, ສັນຍາທີ່ກຽມຈະປຶກສາຫາລືນັ້ນທຽບກັບສົນທິສັນຍາຖານທັບໃນເມື່ອກ່ອນແລ້ວຍິ່ງອັນຕະລາຍກວ່າ, ເພາະວ່າຕາມສັນຍາດັ່ງກ່າວ, ທະຫານອາເມລິກາຈະສາມາດເຄື່ອນໄຫວໄດ້ໃນສິ່ງການທະຫານທຸກແຫ່ງຂອງຟີລິບປີນ, ຕາມຂໍ້ກຳນົດຂອງສັນຍາທີ່ກ່ຽວຂ້ອງລະຫວ່າງຟີລິບປີນກັບອາເມລິກາໃນປະຈຸບັນ, ລັດຖະບານຟີລິບປີນບໍ່ມີສິດຄວບຄຸມອາວຸດຍຸໂທປະກອນເຫຼົ່ານີ້. ນີ້ໝາຍຄວາມວ່າທົ່ວປະເທດຟີລິບປີນຈະກາຍເປັນຖານທັບແລະສາງອາວຸດຂອງອາເມລິກາທັງໝົດ.
