ກຳປູເຈຍປະຕິເສດວ່າບໍ່ໄດ້ວ່າບໍ່ໄດ້ຢຸດຕິການຮ່ວມມືດ້ານການທະຫານກັບອາເມລິກາ
(GMT+08:00) 2013-08-14 17:17:57 cri
ວັນທີ 13 ສິງຫານີ້, ທ່ານເນມ ໂຊວັດ, ເຈົ້າໜ້າທີ່ຊັ້ນສູງທີ່ຮັບຜິດຊອບນະໂຍບາຍດ້ານການເມືອງແລະການຕ່າງປະເທດຂອງກະຊວງປ້ອງກັນປະເທດກຳປູເຈຍກ່າວວ່າ, ກຳປູເຈຍບໍ່ໄດ້ຢຸດຕິຊົ່ວຄາວຫຼືຍົກເລີກໂຄງການຮ່ວມມືດ້ານການທະຫານສາກົນໃດໆ, ພຽງແຕ່ແມ່ນ "ເລື່ອນເວລາທາງສັນຍາ" ໂຄງການຈຳນວນໜຶ່ງເທົ່ານັ້ນ.
ທ່ານເນມໂຊວັດກ່າວວ່າ, ສາເຫດທີ່ການເຄື່ອນໄຫວດ້ານການທະຫານຈຳນວນໜຶ່ງຖືກ "ເລື່ອນເວລາທາງສັນຍາ" ກໍຍ້ອນວ່າກຳປູເຈຍກະກຽມຊັບພະຍາກອນບໍ່ພຽງພໍ, ໂດຍສະເພາະແມ່ນໃນດ້ານການເຂົ້າຮ່ວມການຝຶກຊ້ອມ.
ວັນທີ 12 ສິງຫານີ້, ໂຄສົກກະຊວງການຕ່າງປະເທດອາເມລິກາກ່າວວ່າ, ກະຊວງປ້ອງກັນປະເທດກຳປູເຈຍໄດ້ເລື່ອນເວລາຫຼືຍົກເລີກໂຄງການຮ່ວມມືການທະຫານສາກົນກັບອາເມລິກາຈຳນວນໜຶ່ງ, ແຕ່ບໍ່ຮູ້ສາເຫດ.
ອາເມລິກາໄດ້ສະໜອງການຊ່ອຍເຫຼືອຫຼາຍກວ່າ 70 ລ້ານໂດລາໃຫ້ແກ່ກຳປູເຈຍໃນແຕ່ລະປີ, ໃນນັ້ນມີຈຳນວນໜຶ່ງໄດ້ຊ່ອຍເຫຼືອດ້ານການທະຫານ, ກ່ຽວພັນເຖິງຄວາມປອດໄພທາງທະເລ, ຕໍ່ຕ້ານການກໍ່ການຮ້າຍແລະການຊ່ອຍເຫຼືອດ້ານມະນຸດສະທຳເປັນຕົ້ນ.