ການສົນທະນາດ້ານຍຸດທະສາດຂອງຜູ້ຊົງຄຸນວຸດທິ 11 ປະເທດຈັດຂຶ້ນຢູ່ນະຄອນນານນິງ
(GMT+08:00) 2013-09-02 14:50:45 cri
ເວທີປຶກສາຫາລືການສົນທະນາດ້ານຍຸດທະສາດຂອງຜູ້ຊົງຄຸນວຸດທິຈີນອາຊຽນປີ 2013 ໄດ້ຈັດຂຶ້ນຢູ່ນະຄອນນານນິງເຂດກວາງຊີຂອງຈີນໃນອາທິດແລ້ວນີ້. ຜູ້ຕາງໜ້າທີ່ມາຈາກຈີນ, ສິງກະໂປ, ຫວຽດນາມແລະຟີລິບປີນເປັນຕົ້ນໄດ້ປຶກສາຫາລືກ່ຽວກັບການເພີ່ມຄວາມໄວ້ເນື້ອເຊື່ອໃຈແລະເພີ່ມຄວາມຮັບຮູ້ເປັນເອກະສັນກັນ.
ເວທີປຶກສາຫາລືເທື່ອນີ້ທີ່ດຳເນີນເປັນເວລາ 2 ວັນຍັງໄດ້ປຶກສາຫາລື 5 ຫົວຂໍ້ຫຼັກຄື: "ຄວາມໄວ້ເນື້ອເຊື່ອໃຈທາງການເມືອງ: ການທົບທວນຄືນແລະຄວາມຄອງຄອຍຕໍ່ຈີນອາຊຽນສ້າງການພົວພັນຄູ່ຮ່ວມມືຍຸດທະສາດຄົບຮອບ 10 ປີ" "ການປ່ຽນແປງໂຄງປະກອບເສດຖະກິດ: ການລົງທຶນເຊິ່ງກັນແລະກັນແລະການຮ່ວມມືດ້ານຂະແໜງການ" "ຄວາມປອດໄພທີ່ບໍ່ເປັນມູນເຊື້ອ: ສິ່ງທ້າທາຍແລະວິທີຮັບມື" "ການຮ່ວມມືໃນອະນຸພາກພື້ນ: ສະພາບການປັດຈຸບັນແລະອະນາຄົດ" "ບົດຮຽນຂອງງານວາງສະແດງສິນຄ້າຈີນອາຊຽນແລະອື່ນໆ".
ຫົວຂໍ້ກ່ຽວກັບທະນາຄານຈີນອາຊຽນໄດ້ປຶກສາຫາລືຢູ່ເວທີປຶຄັ້ງນີ້ກສາຫາລືເປັນຄັ້ງທຳອິດ. ທ່ານຫວງຈື້ຢຸງ, ຮອງຫົວໜ້າສະພາບັນດິດວິທະຍາສາດສັງຄົມເຂດກວາງຊີສະເໜີວ່າ, ສ້າງທະນາຄານຈີນອາຊຽນຢູ່ນະຄອນນານນິງຂອງເຂດກວາງຊີທີ່ນຳໂດຍລັດຖະບານຈີນ, ຈະສາມາດເສີມຂະຫຍາຍບົດບາດສຳຄັນກ່ຽວກັບການຊຸກຍູ້ໃຫ້ເຂດການຄ້າເສລີຈີນອາຊຽນຍົກລະດັບແລະສາມາດຮັບມືກັບວິກິດການດ້ານການເງິນສາກົນໄດ້.