ກຳປູເຈຍປະກາດຜົນການເລືອກຕັ້ງລັດຖະສະພາຢ່າງເປັນທາງການ
(GMT+08:00) 2013-09-08 13:53:41 cri
ວັນທີ 8 ກັນຍານີ້, ຄະນະກຳມະການເລືອກຕັ້ງ ກຳປູເຈຍໄດ້ປະກາດຜົນທາງການຂອງການເລືອກຕັ້ງລັດຖະສະພາກຳປູເຈຍຊຸດທີ 5,ພັກປະຊາຊົນກຳມະເຈຍ ທີ່ເປັນພັກກຳອຳນາດນຳພາໂດຍທ່ານຮຸນແຊັນ ນາຍົກລັດຖະມົນຕີກຳປູເຈຍໄດ້ຮັບໄຊຊະນະໃນການເລືອກຕັ້ງເທື່ອນີ້, ຈະສືບຕໍ່ນຳພາປະເທດເຂົ້າສູ່ການສ້າງສາພັດທະນາໃນ 5 ປີຕໍ່ຫນ້ານີ້.
ຜົນທາງການທີ່ຄະນະກຳມະການເລືອກຕັ້ງຂອງກຳປູເຈຍປະກາດໃນວັນທີ 8 ກັນຍານີ້ເປັນເອກະສັນກັນກັບຜົນເບື້ອງຕົ້ນທີ່ປະກາດໃນວັນທີ 12 ສິງຫາຜ່ານມາ,ຄື: ພັກປະຊາຊົນກຳປູຈເຍໄດ້ຮັບ 68 ທີ່ນັ່ງໃນຈຳນວນ 123 ທີ່ນັ່ງຂອງລັດຖະສະພາ, ພັກກູ້ຊາດກຳປູເຈຍທີ່ເປັນພັກຝ່າຍຕໍ່ຕ້ານໄດ້ຮັບ 55 ທີ່ນັ່ງ.
ວັນທີ 7 ກັນຍານີ້, ພັກກູ້ຊາດໄດ້ຈັດງານຊຸມນຸມຂະຫນາດໃຫຍ່ທີ່ມີປະມານ 2 ຫມື່ນຄົນເຂົ້າຮ່ວມຢູ່ນະຄອນຫລວງພະນົມເປັນ, ປະທ້ວງຜົນເບື້ອງຕົ້ນຂອງການເລືອກຕັ້ງ, ຮຽກຮ້ອງໃຫ້ສ້າງຕັ້ງຄະນະກຳມະການສຳຫລວດທີ່ ອິສະຫລະ, ເພື່ອສຳຫລວດຕໍ່ການເລືອກຕັ້ງຄືນໃຫມ່. ກ່ອນຫນ້ານີ້, ຄະນະກຳມະການເລືອກຕັ້ງກຳປູເຈດຍ, ຄະນະກຳມະການລັດຖະທຳມະນູນກຳປູເຈຍໄດ້ຢັບຢັ້ງການກ່າວຫາຂອງພັກກູ້ຊາດກ່ຽວກັບການເລືອກຕັ້ງຜິດລະບຽບການ.
ວັນທີ 7 ແລະວັນທີ 30 ສິງຫາຜ່ານມາ, ສົມເດັດສີຫະໂມນີ ເຈົ້າຊີວິດກຳປູເຈຍຊົງໄດ້ປະກາດສານຮຽກຮ້ອງພັກປະຊາຊົນແລະພັກກູ້ຊາດຈົ່ງແກ້ໄຂຄວາມຂັດແຍ່ງກັນໃນການເລືອກຕັ້ງໂດຍສັນຕິ, ຮ່ວມກັນປົກປັກຮັກສາສະຖຽນລະພາບແລະການພັດທະນາຂອງປະເທດ.
